انا الحمدلله مركبة لي سنة تقريبا

وعيب الولب بس الام اسفل الظهر لما تجيكي الدورة
بس الحمدلله استحملها من شهر لشهر مع العلم انها ماتجي الالام الا اول 3 ايام من الدورة

وحكاية الدم الا بين كل دورة ودورة هذا طبيعي لاول شهر على قول الدكتورة

انا لماركبته قالتلي شهر لاتشيلي اي شي ثقيل او تتحركي كثير وتعالي اكشف عليكي عشان تبغى تتاكد اذا ناسب رحمي ولا لا

وبع شهر رحتلها وقلتلها في دم قالت طبيعي واهم شي لاتشيلي ثقيل
وصرفت حبوب يوقف النزيف وقالتلي كل مايجيكي دم مو دورة كلي الحبوب هذي الين مايوقف
واعطتني حبوب مغص الدورة كمان

والحمدلله داومت على الحبوب يمكن ماجاني الدم اللي بين الدورتين الا اول 3 شهور من التركيب والحين ماشاء الله تبارك الله وقف وصح كلام البنات اللخبطة كلها اول ثلاثة شهور بعدين تنتظم عادي
ودورتي طبيعية ايامها بس مشكلتها غزيرة مررة اول 3 ايام اشتري من الفوط حقة النوم اكرمكم الله

والله انها احسن من الحبوب مليون الف مرة

مرة اخوية دحين ماشاء الله على ولادة وقالت توبة اكل حبوب وبركب لولب زيك

مع اني قلتلها من زمان بس ما اقتنعت الا دحين

ان شاء الله تجربتي تفيدكم

ادعوا لي الله يتمم علينا السعادة انا وعيلتي

مشكورات عند اي دكتورة ركبتوا لولب؟

سبحان الله

انا عند الدكتورة عزة هاشم بالميديكل الطبي اللي تبع الخطوط الجوية السعودية

والحمدلله كثير يمدحوها

وكمان ام زوجي الله يحفظها ركبت عندها لولبها والحمدلله هي اللي دلتني عليها

ومررررة ممتازة

مشكورة يا كايدتهم