السلام عليكم

كيفكم يا أحلى حوائيات,,, أنا عندي مشكله صغيره وأبيكم تساعدوني...

أنا أبي منكم كل وحده تدخل موضوعي لوتكرمتوا تكتبون طريقة قهوتكم ومن وين تجيبون البن والهيل والأشياء الثانيه اللي تحطونها...
أنا بصراحه فاشله بالقهوه وعندي عزيمه قريب وشايله هم ما أدري وش أسوي ,,,

تكفون ساعدوني شوفوا أنا أجيب البن من المهباج مطحون جاهز وأحط عالقهوه شوي زعفران وأحط نص ملعقه صغيره خلطة القصيم للقهوه لقيتها بالعطار وأحط شوي زنجبيل مطحون مع مسمار مع نخوه وبس.. بس تطلع قهوتي ماهي حلوه كأن فيها سكر تخيلوا...
ما أدري كيف حتى أتفشل من الناس أدري أنها ماهي حلوه بس وش أسوي ما أدري وش العيب فيه مع أني أخليها ثلث ساعه عالنار بس أقول يمكن لأننا ما نتقهوى الا بالشهر مره ما أدري
تكفون تكفون ساعدوني الله يرفع درجتها في الجنه اللي تساعدني ويوفقها بالدنيا والأخره...
هلا حبيبتي ولا يهمك انا راح اقولك طريقتي فالقهوه اولا حطي فنجال حق القهوه قهوه طيب وبعدين صبي عليها المويه المغليه وخليها تتطبخ على النار وبعدين جيبي ترمس القهوه وحطي فيه ملعقه هيل مطحون وربع الملعقه قرنفل وحطي ملعقه صغيره من خلطة القهوه تلقينها بالسوبر ماركت وصبي القهوه بالترمس وبس
اتمنى افدتك ياعسسل
المشكله إني قد سويت كذا بس فيه طعم مو حلو يطلع بالقهوه...وما قلتيلي من وين تجيبي البن وأي نوع تستخدمي
والله ياقلبي مو من زين قهوتي عاد خخخخخخخخخ
بس انا الحين قاعدة اطورها يعني قاعده اتعلم واتعلم وان شاء الله تطلع حلوة
انا اشتري القهوة نية تماما وهرري بعد والهيل نفس الشي وانا الي احمسها واطحنها والهيل بعد واحط كمان نوع زعفران ممتاز
واحيانا احط عليها محسنات زي الشمر والنونخه والزنجبيل بس احيان من غير محسنات وتصير زي ماهي ماتغير بطعمها شي
تي تي تي تي مثل مارحتي مثل ماجيتي هههههههه

ومن جد تعبت فيها لدرجة اني قعدت اطالع مرة اخوي وهي فناااااااااااااانة جدا بالقهوة وقهوتها حكاااااااااااااية
وسويت زي ماسوت مع انها ماجابت شي جديد بالعكس احيان ينقص غرض من اغراض القهوة ولا تحطه

وحاولت اقلدها بكل شي ولاطلعت زيها علمتها وقعدت تضحك علي ههههههههههه
وانا قبل لاتزوج كانت قهوتي عادية اذا مو حليوة وكان ابوي يمدحها بس الله وكيلك تزوجت من هنا وصارت قهوتي
الله يديم النعمة ماتنذاااااااااااااااااااق خخخخخخخخخخخخ حتى الموية تبع الشرب صحية

جربت اكر من نوع بن واكثر من طريقة وحتى خلطات القهوة قصيم وغيره ماجاب نتيجه مع انو الكل قال طريقك صح
بس ليش قهوتي كذااااااا؟؟؟؟؟؟؟؟ >>>> طعم قهوتي تحسين فيه بالهيل والزعفران وكل شي بس عيبها شي غريب !!!!

طعم البن نفسه فيه بلاء ؟؟؟؟ من جد عارفة لما تكوني مكثرة القهوة مرة كيف يصير طعمها خخخخخ كذا طعمها
البن مررررررررررررة يبين
ولا احد يقول قللي قللت وبدل المرة مليون ومافيها فايدة ولاول مرة بحياتي اياس واقطع الامل من شي اسمه قهوة
وللحين ماعرفت السر الي خلي قهوتي كذا ؟؟؟
كانو احد داعي علي خخخخخخخخخخخ او انو الله حرمني من بركة القهوة الحلوة

سوري قلبي طولت بس حبيت اقولك انك مو لحالك بالعالم


اضغطي على الصوره لمعرفة لماذا حذف توقيعك .
اهلين اختي ----- انا بقولك كيف اسوي قهوتي اجيب براد القهوه واحط فيه ماء يكفي لترمس القهوه ويزيد شوي واحط مقدار فنجان قهوه بن واغطيها واخليها تقريبا ثلث ساعه تطبخ بعدين اجيب ترمس القهوه واحط زعفران وهيل حسب الرغبه واصب القهوه عليها وتطلع زينه -- اتمنى اني افدتك
تقبلي مروري


الساعة الآن 02:54 .