هلا يا قمر انا بقولك طريقتي للقهوه عجيبه تحطين مويه مغليه بالبكرج وتحطين فنجال قهوه وتخلينها تغلي لمدة اربع دقائق بعدين تحطين ملعقه هيل وشوي زعفران وشوي مسمار وبس وتخلينها لين تفور وبعدين تحطين ملعقه هيل بالترمز وتزلينها واتمنى اني افدتك وان شاء الله تسوين طريقتي وتعجبك
05-07-1430 هـ, 09:11 صباحاً
 
انا ماعرف اسوي قهوة دخلت عشان اتعلم بس عجبتنى سالفة خلطة القهوة بجيبها
05-07-1430 هـ, 02:43 مساءً
 
جيبي القهوة من المهباج لونها فاتح شوي لاتجيبين الغامقة

وجيبي الهيل والزعفران من المعيقلية اذا انت من الرياض

والقهوة حطي فنجان قهوة على مقدار من الموية تقريبا اربع كاسات ولازم الماء يكون حار وخليها تطبخ لمدة ثلث ساعة او اكثر وبعدين اطحني الهيل والزعفران سوى ومقدار الهيل ملعقة كبيرة حب وباطراف اصابعك الزعفران وحطي الهيل والزعفران في الترمس بعد طحنهم وصبي القهوة عليها وبالعافية

وتقولين قهوتك طعمها حالية يمكن عليها سكر مخلوطة من نفس المحمصة او طلبتي قهوة تركية محلاة غيريها وانا متاكدة انك راح تعرفين وبلغينا
05-07-1430 هـ, 02:58 مساءً
 
روح الغلا ..الحلوى البرونزيه..أجل الحال من بعضه أن شاء الله نستفيد من البنات وتصير قهوتنا أحلى قهوه..
زهره ,,لوكه,,أسرار ,,مشكورات الله يعطيكم ألف عافيه وأستفدت منكم إني أحط الزعفران بلأخير ,,ننتظر البقيه...
05-07-1430 هـ, 09:27 مساءً
 
زمان كنت اجيب بن هرري مطحون بس ماعجبني وغالي بعدين غيرت اجيب البن حب احمصه بالبيت مع شيبه واطحنه وقت ما ابغي اعمل القهوه تعبت وشفتها شغله طويله

بعدها بطلت كل دا لا بن هرري ولابن حب

لقيت بن ارخص واطعم
بن حبشي اسمه لقمتي انا ماسمعت احد جاب طاريه اذا تشتريه مطحون خزنيه بالفريزر علشان مايتغير طعمه
اغلي الموي ه في البراد الاصفر ولماتفور ضيفي بن وملعقه شاهي حليب طبعا علي حسب مقدار كميه المويه
وضيفي قليل جدا من الهيل واذا تحبي الزنجبيل ضيفي ملعقه شاهي
في الترمس ضيفي ملعقه كبيره هيل ولما تغلي القهوه خدي ملعقه كبيره ضيفيها للترمس وقفليه ورجيه واتركي القهوه بالبراد تركد ثواني بعدين صبيها
وسلامتك
وسامحيني قلت قصه القهوه
وانتظر تقهويني من قهوتك بس لاتنسي الحلا والباقي الي بعد الحلا
05-07-1430 هـ, 09:56 مساءً
 


الساعة الآن 11:06 .