انا دايم اقوله انا مااعرف اطبخ كلش ويهاوشني ويقولي بقول لامك عشان تكرفك
عاد وبعض الاحيان اقوله بحاول بس بشرط انت تحط الملح ههههههههههههههه
الحال من بعضه
اللهم ياذا الجلال والاكرام
وفقني بدراستي وييسرها لي والهمني الحفظ والتركيز
واجمعني باااحبتي دنيا واخره
وكل من قالت امين لها باالمثل يارب العالمين

اقتباس مشاركة  (أميرة قلبه وروحه)
السلام عليكم:
ما عليه حبيبتي
اللي ما يعرف بيتعلم وبيصير شاطر بالطبخ
انا وايد احب أطبخ ، ومرتبة مطبخي وفيه تلفزيون وحالتي حالة علشان لما أطبخ استمتع بالطبخ ..ايه والله لا تستغربين
بقولج شئ
روحي المكتبة واشتري لي كتاب اسامة السيد او منال العالم
والله اقعدي ناظري الوجبة الي تبين تسوينها
سواء كيكة او شوربة او اي وجبة رئيسية
وشوفي المقادير متوفرة معاج والا لا
اشتريها اذا مب متوفرة
حاولي تطبخين نفس الطبخة
يمكن اول مرة تكونين شاطرة وتطلع حلوة..ويمكن تفشل شوي ..بس بالمحاولة والله بتصيرين طباخة ماهرة
وعلى فكرة حلو الطبخ والله، متعة وبتحسسين زوجج انه فعلا ماخذ ربة بيت،
انا عودت زوجي من ايام الملجة اني ما أحب شغالة تطبخ وتعود على طباخي ونادر يكون أكله من برى..غير أكلي
الا في بيت اهله اكيد او اهلي..بالعزايم يكونون طابخين بالمطابخ..

فانتي خلج شطورة ولا تهبطين من نفسج
واللي ما يعرف بيتعلم وبيصير عالم بالطبخ
تحياتي لج بزواج هانئ ان شاء الله والله يبعد عنج الشر ويرزقج الخير

مشكووره اختي رفعتي معنوياتي شوي والله يجزاك الخير.........
اشتري كتاب أطباق النخبة ، أو كتب دار الثريا 3 أجزاء صغيرة ( مضبوطة ) واطبخي كل يوم طبق رئيسي وسلطة وحلا

لحد وقت الزواج راح تستفيدين

كذا طريقة أخت زوجي والحمدلله مشت أمورها قبل الزواج وبعده


بطلي دلع خلاص

وتذكري إنه قيل : أقصر طريق إلى قلب الزوج معدته !!


الله يوفقك وينور دربك
سبحان الله وبحمده ..
سبحان الله العظيم ..
احنا هذي مشكلتها نقول مانعرف الا نعرف كل شئ لكن متى اذا انتي اقنعتي نفسك

بمعنى ثاني لا تقولين انا ما اعرف شئ في المطبخ يعني ماتعرفين تسوين شاهي ولو في كوب ماتعرفين تسلقين بيض اذا ماتعرفين
اقل شئ بتعرفيين وين اغرض الطبخ اذن انتي تعرفين

اولا انتي اقتنعي انك تعرفين كل شئ لكن ناقصك انك تتقنينه

وترى الطبخ موب كتاب وتمشيين عليه

لا موب شرط اصلا هذي الطبخات ما جت الا من وحده جريئه او واحد هاوي خلط هذا مع هذا وصار طبخه حلوه لكن بمقادير جرب وجرب الى ان اتقنه

وانتي سوي نفس الشئ جربي مره ومرتين وثلاث ولا تملين الى ان تتقنينه وبتصيرين احسن طبااخ

لكن اذا انتي اردتي من دون الاراده مافيه شئ

والله يوفقك


الساعة الآن 01:15 .