اختي(بونين) يعطيك العافيه طريقة عمل الهمبرجر البيتي بالضبط لو سمحتي( البهارات والتقريص ) وكيفية تثليجه ومتى استخرجه قبل القلي وكم مدة قليه على الناروكيف، أبي شي طازج خاصة والمدارس على الابواب وابغى عشا بسرعه ينعمل للأطفال قبل نومهم ..........واذا عندك حاجات سريعه ومغذيه وطازجه بنفس الوقت اذكريها الله لا يهينك ، واعتذر على الاطاله عزيزتي.......
حبيبتى الغاليه ملح الحياه.. مشكوره على السؤال..
طريقه الهمبورجر البيتى هى:

تحضرين تقريبا 3 اكواب لحم مفروم
بصلتين بحجم متوسط مفرومه صغير جدا
تقريبا 1 م ص ثوم مهروس
ملعقه خل
2 ملعقه بقدونس مفروم
ملعقه صغيره بهار مشكل
ملح وفلفل اسود حسب الرغبه
وربع تقريبا م ص لومى (الليمون الاسود المجفف) مطحون

تضعين البصل المفروم والخل على النار مع ملعقتين ماء وخليه يطبخ قليلا لمده دقيقتين .. ارفعيه من على النار واسكبيه فوق اللحم المفروم مع و الثوم والبقدونس والبهارات والملح والفلفل الاسود واللومى واعجينهم جيدا جيدا
وتضعيهم بالثلاجه 6ساعات تقريبا (كل ما زادت الفتره يكون افضل)

تخرجينها وتعجنيها مره ثانيه وتكورينها كور صغيره ثم تضغطين عليها و تعملينها اقراص بيدك, تمسحين عليها بشوى زيت وتشوينها بالفرن او الشوايه او بالمقلاه المخصصه للشوى
(طريقه شويها عاديه مثل الهمبورجر العادى المثلج الجاهز تضعينها فى المقلاه , ثم تدعينها تطبخ قليلا حتى تتماسك ثم تقلبينها على الجهتين حتى يتغير لونها تدريجيا )

واذا بغيتى ما تستخدمينها مباشره خذى الاقراص ولفى كل قرص فى كيس بلاستيكى صغير وضعيها بالفريزر لحين ما تبغينها .. وطلعيها قبل عشر دقائق من وقت الاستخدام.. وبالعافيه, ***** الله اكون وفيت طلبك عزيزتى

اما بالنسبه للاكلات الخفيفه للاطفال فعندى الكثير .. اجرب واحاول علشان ياكلون اولادى (من النوع اللى ما يحب الاكل) معاناه على الاكل.. ودى اكتبلك كل الى اعرفه بس راح تاخذ الوصفات صفحات.. بس جربى على السريع:

البيتزا السريعه
مقادير البيتزا العاديه من صلصه الطماطم والمشروم والفلفل الاخضر والنقانق والجبن بس ضعيها على التوست وبالفرن حتى تسيح الجبنه

سندويش البيض والبصل والطماطم
بصل مفروم يحمى فى زيت وزبده ثم ضعى عليه طماطم مفرومه وقلبيه ودعيه يطبخ قليلا ثم ضعى البيض وتبليه بالملح واطبخيه حتى ينضج

نقانق مقرمشه
توست ابيض ترقينه بالشوبك
تدهنينه بالزبده والقليل من الماسترد ثم تقطعينه الى 4 مربعات
تضعين النقانق الكوكتيل الصغيره هلى المربعات بالمائل ,اضغطى الطرفين المتقابلين وثبتيهم بعود اسنان وضعيهم بالفرن حتى تتحمر قليلا وتصبح مقرمشه , اخرجيها وازيلى الاعواد وقدميهم

اكواب الجبن
ترق شرائح التوست الابيض ثم تقطع على شكل دوائر
تحضرين قالب الكيك الصغير وتدهنينه بالزيت , وتضعين التوست فيه تضغطين عليهم وتحشينهم بالجبنه السائله وترشين عليهم زعتر وتدخلينهم الفرن حتى تتحمر..وبالعافيه

***** الله تعجبك مجموعتى الصغيره .هذا اللى يحضرنى اللحين.. وسامحينى على القصور
ألف شكر عزيزتي بونين على الطريقه الرائعه للهمبرجر وان شا الله أجيب اغراضها واسويها ، والله يجزاك خير على الطرق الجديده من الأطباق وعجبتني (أكواب الجبن) وان شا الله اسويها قريب بس حابه اسألك هل ينفع جبن كرافت الكاسات(سائل) ، وللأسف من قبل سويت لهم البيتزا السريعه ولا حبوها وخاصة انهم من النوع اللي ما ياكلون كل شي متعبيني بالأكل وأدور أي شي يعجبهم الله يعين، وعلى فكره أنا اسوي لعيالي مهلبيه لذيذه وسريعه ( 2 فنجان نشا+ 2 فنجان حليب نيدو+ 2 فنجان سكر ) واخففهم بماي بارد واحرك بالخفاقه اليدويه وبعدين اضيف كوبين ماء مغلي واحرك على النار على يسمك واشيله واصبه بأوعيه زجاجيه صغار واخليه لين يصير دافئ واعطيهم اياه مغذي وحلو..............اسويلهم مرات سندويشات بيض مسلوق وأحيانا سندويشات أو توست مثلثات تونه أو توست محشي لبنه وزيتون حلقات واقطعه أربع مثلثات متساويه........................أشكرك أختي بونين مره أخرى على الرد وان شا الله افدتك والاخوات لو بالشي القليل..................
العفو حبيبتى ملح الحياة.. انتى عزيزه وغاليه..وانا بالخدمه.. و*****الله تعجبك الوصفات
ومشكوووووووره على الاكلات الخفيفه الحلوه تسلم ايدك وخصوصا المهلبيه باجربها *****الله عن قريب
وبالنسبة للجبن تقدرين تستخدمين جبن الكاسات اى نوع على راحتك .. بس انا استخدم بوك او التعاون اقل ملوحه من كرافت.. وعليك بالعافيه انتى وعيالك




الساعة الآن 12:59 .