هلا وغلا بعرايسنا الجدد........انا اقول العريس الجدد والباقي مره ثانيه يدخلون
بس هاذا الموضوع للعرايس عشان ما تقولو كل الناس تعرف
طريقة المهلبيه والكاستر
.....عشان اول ماتزوجت ماكنت اعرف مقادير ها الاشياء بالقياس
المضبوط واذا سالت امي تقول انا اسويها من غير مقادير اعرفها من العين والتحريك
وكنت انقهر مره خفيفه ومره غلظه ومره مادري
وشلون طعمها لين ولله الحمد صدنا نفسها وعرفت المقادير
فقلت خلني اخذ اجر في العرايس الجدد او اي وحده
ما زبطت المقادير معها ..........قصة حياتي

مقادير المهلبيه البيضاء

نصف كاس حليب بودره + 4 ملاعق كبيره نشاء + فانليا + 2فنجال سكر
+ كاس ماء عادي + كاس ماء حار
تحطي جميع المقادير من غير الماء في قدر وتحركي بعدين تصبي كاس الماء
العادي وتحركي حتي يذوب الخليط وما يكون فيه عقد حركيه بالخلاط اليدوي
حق الكيك وبعدين صبي الماء الحار وحطيه على النار وحركي على نار متوسطه
حتي تطبخ سكري النار وشيلي القدر عن الفرن جيبي نصف علبة قشطه وحطيها
على المهلبيه وحركي جيدا حتي تختلط القشطه مع المهلبيه بعدين صبيها في
الزبديات الصغار ورشي عليها فستق وحطيها في الثلاجه وفيه ناس ما تحط القشطه
وماترش فستق فوقها وبعد مايحطوها في الثلاجه وتبرد شوي يسوو جلي فراوله
ويحطو طبقه ثانيه فوق المهلبيه من الجلى تطلع حلوه.
والخلطه الاوله اللي فيها قشطه ممتازه كا حشوه للكنافه الكذابه بس حطي كامل
علبة القشطه وقبل ماتحطي القشطه والمهلبيه على النار اضيفي جبنة البيتزاء
موازريلا تكون حشوه حلوه جدا.

مقادير الكاستر ( تطلي )

نصف كاس حليب بودره + 4 ملاعق من كاسترد باودر + 2فنجال سكر
فانليا +كاس ماء عادي + كاس وربع ماء حار.
تخلطي المقادير من غير الماءبعدين تحطي كاس الماء العادي وتحركي
بعدين تحطي باقي الماء الحار وتحركي على النار حتى تغلي شيليها
عن النار وسكبي في زبد يتين من الكاستر والباقي من الكاستر في القدر
حطي عليه ملعقتين من جوز الهند وحركي حتي يختلط وصبي الباقي
في الزبديات ورشي على الوجه جوز هند والثنتين الاولات رشي عليهم
فستق وحطيهم في الثلاجه حتى يبردو وبالعافيه

ملاحظه - مقدار المهلبيه والكاستر يجي تقريبا اربع اوخمس زبديات صغار.

يارب يعجبكم وعارفه انها مو جديده بس والله كانت
معقد تنى من غير مقادير.
عوافي على قلوبكم.


دعوتكم لاختي ام الوليد بالصحه والعافيه .
برحيه

اللهم اسكن أخي الفردوس الاعلى من الجنة وجمعنا به في جنات النعيم
عفوا حبيباتي مقادير الكاستر 3ملاعق كبيره من كاسترد باودر ماهى 4 انتبهو بنات
وبنسبه للمهلبيه والكاسترد اللي تسويها وما تعجبها تقول خفيفه شوي تزيد من النشاء
او الكاسترد باودار حتى تثقل معها شوي لانى انا احبها كذا بس فيه ناس يحبونها غلظه
شوي ونتى وذوقك.
تسلم يدينك حبيبتي








******************

أصنع جميلا وأرمه في البحر فإذا تجاهله السمك فان الله يحفظه

******************
تسلم ايدينك اختي بسر برحي
معليش انا عروس متجدده ( العرايس ما يدخلون هنا تلقينهم في قسم المكياج و الازياء او البشره والشعر الله يوفقهم ويسعدهم )
اختي بسر لاتلومينا اذا دخلنا لا ن طبخاتك مضبوطه
اييييييه الله يخلف ..والعجز مالهن رب




يالحبيبه كل مافيني مريض؛؛؛ من خذاك الموت وايامي بغيضة






الساعة الآن 07:17 .