السلام عليكم

كيف الحال

بنات الله يعافيكم مين شافة حلى ميني قرص عقيلي اللي سوته منال العالم في قناة البحرين

والله امي تبي طريقته وقلت مالي من بعد الله غير بنات حواء المنقذات

وسلااااامتكم
11-07-1430 هـ, 04:16 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
وانا فكرت انك كاتبه الطريقه جيت طيراااااااان
ان شاء الله احد يعرف
11-07-1430 هـ, 04:44 مساءً
 
اختي الغاليه سويت بحث ولقيت لك الوصفة ولا ومعها صور وترى الموضوع منقول عشان ما تروح حقوق الاخت اللي نقلت موضوعها هنا

من سويتات منال العالم
حلو وخفيف وريحته عجيييبه




المقادير ::::

ربع كوب حليب سائل
1 ونص م ص زعفران
2 وربع كوب دقيق
2وربع م ص بيكنج بودر
1 م ص هيل مطحون
كوب الا ربع روب
ربع م ص ملح
1 كوب سكر ناعم الحبيبات
3 حبه بيض
1 كوب زيت ذره
1 م ص فانيليا سائله او بودره واذا بودره يكون بس نص م ص
سمسم
سكر ناعم من غير تحديد الكميه على حسب الكثافه





الطريقه :::


- نجهز الفرن على درجة 180 اول شئ


- وثاني شئ نجهز قوالب الميني على شكل الدونت او أي شكل انتي تحبينه بس يكون الحجم ميني وندهنهم بالزبده ونرش السمسم عدل مدل بحيث تتغطى جميع اطراف القالب


- تخلط الزعفران مع الحليب السائل


- جهز خليط الكيك :::

- ننخل الطحين مع الملح والبيكنج بودر والهيل

بالخلاط ::

- نحط السكر ناعم الحبيبات مع 3 بيضات ونخفقهم عدل ويكون سميك القوام مثل الكريمه وعقب نضيف نص مقدار الحليب والزعفران ونضيف الزيت ونخلطهم شويه وعقب نضيف الروب ونخلط وبعدها نضيف الطحين ونخلطهم لمده دقيقه بشكل بطئ شويه

- بعدها نصبهم بالقوالب المدهونه مانكثر لانهم راح ينتفخون ونرش شويه سمسم وندخلهم الفرن تقريبااا ربع ساعه ياخذون بالفرن


نجهز صلصلة التغطيه :::

- اللي بقى من الحليب والزعفران نضيف عليهم مقدار من السكر الناعم ونخلطهم بالمشبك اليدوي بحيث يعطينااا صوص مثل الكاسترد وان احتاج سكر نضيف
- تقريبااا ضفت انا حوالي 6 ملاعق سكر ناعم


وبعد ماتجهز الكيكه نصفه بصحن التقديم ونصي عليه خلطة الصوص مثل الخيوط ممكن تحطينه بقمع علشان يسهل عليج صبه

وبالعااااااااااااااااااااافيه





11-07-1430 هـ, 06:02 مساءً
 
الله يجزاك الف خير

والله فرحتيني امي صار لها فتره وهي تطلبها مني

الف الف الف شكرررر
11-07-1430 هـ, 06:27 مساءً
 


مشـكورين يابعد روحي

الخـوات " اميره على كل امير" والاخت "ام راكان 2006"


مــآا قصرتوا يابعد روحي


ويـاعل خيركم جثير





14-12-1430 هـ, 07:35 مساءً
 


الساعة الآن 09:11 .