السلام عليكم يا طباخات


بدخل على طول في القصة


انا دايما اذا صلحت الفطاير تطلع تجنن واي نوع عجينة اسويه يضبط معي وتطلع هشة ولينة ومرة طعمه بس المشكلة اني ما اعرف اشكلها

والله اني اتحرم اسوي فطاير مع اني احبها وزوجي يحبها بس عشان مو عارفة كيف اشكلها واذا جاني ضيوف لازم اشتري جاهز استحي احط لهم اشكال هندسية مالها داعي

جربت الالة اليدوية اللي تجي 3 مقاسات بس ماتضبط معي اذا طبقت الجهتين على بعض تطلع الحشوة برى !!

وجربت الالة ( حقت المطازيز ) ومدري ليش تلصق العجينة فيها من فوق او تحت بعدين تخرب مع ان زوجة اخوي ماشاء الله عليها تستخدمها وتطلع تجنن ولا تلصق ابد بس انا مدري ليش حظي نحس

فطايري تصير مربعات ودوائر واشكال غريبة عجيبة والله اني استحي اقدمها لزوجي

اذا تعرفون شي يساعدني على تشكيل الفطاير بشكل مرتب ارجوكم لا تبخلون علي واللي تعرف افضل نوع لالة المطازيز تعطيني اسمه الله لا يهينكم
27-03-1425 هـ, 02:27 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
يمكن عجينتك تكون لينة بزيادة..جربي أنك تقللي الماء شوووووي والخميرة لا تكثريها مرة لانها تنفش الفطائر مرة

فيخرب الشكل عليك بعد ما تخبزيها ...
27-03-1425 هـ, 09:35 صباحاً
 
صدقت العفه

ولا تزيدين في وقت التخمير تطلع واايد هشه وتطلع معها الحشوه

ولما تجين تسكرين الدائره أو المربع استعملي الشوكه

وان شاء الله تنفع
27-03-1425 هـ, 02:13 مساءً
 
هلا اختي جنان:

تقدرين تصلحين الفطاير اقماع وإذا استوت تحشينه باي حشوة دجاج - جبن .

وبعد إذا بغيتي كوريها كور صغار وادهنيها بس لاتحشينه وإذا استوت افتحية من النص وحشية يا جبن مع بقدونس او تونه مع بصل وشوي مايونيز.


وياليت تعلميني طريقتكي بعمل الفطائر بالة المطازيز إذا ماعليكي كلافة
28-03-1425 هـ, 01:16 صباحاً
 
مشكورين اخواتي على التجاوب ..

العفة :

بالعكس عجينتي مهي لينه بزيادة اذا سويتها تضبط معي بالمرة بس المشكلة عندي بطريقة التشكيل نفسها ما اعرف كيف اسوي اشكال حلوة ومرتبة ..

دلوعة :
المشكلة اني ما اعرف اسوي دائرة صح يعني يديني ماتضبط التشكيل !!

شهد القصيم ..

الله يعطيك العافية طريقتك هي اللي اسويها اكثر شي اني اشكل العجينة دوائر وبعد ماتستوي افتحها من النص واحشيها وبرضه ذكرتيني لطريقة الاقماع سهلة بس رايحة عن بالي ..

بالنسبة لاستخدام الة المطازيز ( اقصد اليدوية مو حقت الكهرب ) بعد ما تشكلين العجينة مثايل يعني دوائر حجمها متوسط تقومين تاخذين كل مثيلة وتحطينها بالطزازة وتكبسين عليها بحيث ماتضغطين عليها بقوة عشان ما تصير العجينة سخيفة وبعدين تحطين الحشوة جوى وتسكرينها على شكل نصف دائرة او مثلث وتشيلين الفطيرة وتحطينها بالصينية وهذي الطريقة بالمرة سهلة وسريعة وزوجة اخوي ماشاء الله عليها تخلص الفطاير بسررررعة بهالطريقة بس انا مدري ليش العجينة تلصق معي وماتضبط اتوقع ان نوع الطزازة نفسها غير اللي تستعمل زوجة اخوي عموما هي لهاانواع بس ما اعرف اي نوع احسن ..
29-03-1425 هـ, 02:35 صباحاً
 


الساعة الآن 06:23 .