سر فتوشي المميز اللكل بيسألك عنه

السلام عليكم جميعا


الصراحه هاذي اول مشاركه لي باطباق حوا
حبيت ابتديها بالمقبلات
بس للاسف ماأعرف انزل الصور ولاكان شفتو الطريقه بالصوره
يالله المره الجايه احاول اتعلم عشان افيد واستفيد
حبيباتي هاذي طريقه الفتوش اللي حتى اللبنانيات والسوريات يسالوني عنها بدون مبالغه:pوحده واثقه
وللامانه من ابتكاري وادماج اكثر من طريقه:3_3_103:
نبدأ ببسم الله
المقادير/
الخضروات/
طماطم+خيار+فجل+فلفل رومي+خس+رجله+بصل أخضر+نعناع اخضر+ورمان مفصص حبه وحده

الصوص/
بصل اخضر حبه وسط +فص ثوم مهروس+تقريبا بياله زيت زيتون+وعصير ليمون تقريبا وحده ونص للكميه الوسط اوحسب الذوق+وملعقه كبيره دبس رمان+ وخل ابيض مقدار ملعقه
للتقديم/نعناع باشف قدر ملعقه +صماق قدر ملعقه+ملح حسب الرغبه
وخبز مقصوص مربعات صغار محمر اما بالزيت اوبالفرن ونرش عليه شوي صماق


نجي للطريقه/
1/طبعا نغسل الخضار وننشفها
2/نبدا نقطعها مكعبات وسط الطماطم +والفلفل+الخس اما الخياروالفجل مثلثات
3/الرجله نقطف بس الورق ونغسله ونتركه ينشف بدون تقطيع
4/النعناع نغسله ونفرمه خشن
5/البصل نقطعه شرايح رفيعه وما نكثر بصله وحده تكفي سلطه وسط اللي يكون اكثر من الباقي شوي الخس
6/نحطهم كلهم بالترتيب بدون خلط
الخس
البصل
الخيار
الفلفل
الفجل
الطماطم
النعنع
الرجله
الرمان الحب
7/نغطيهم ونحطهم بالثلاجه لوقت التقديم

اما بالنسبه للصوص
الطريقه/
تجيبين علبه صغيره لها غطا
انا استخدم علبه معجون الطماطم الزجاج اللي تجي دائره
اول شي افرم نص البصله ناعم واحطه بالعلبه
وبعدين فص الثوم اهرسه مزبوط واحطه على فكره لايمكن الاستغناء عن فص الثوم لانه من سر النكهه المميزه:p
وبعدين احط الزيت وعصير الليمون والخل ودبس الرمان واقفل العلبه مزبوط وابدأ برجها :icon29:لما تختلط المكونات عدل
ونخليها لوقت التقديم


طريقه التقديم/

1/نحضر الخضار ونضع عليه الصوص +النعنع الناشف+الصماق +الملح
2/نخلطهم ونذوق الملح واللحموضه مزبوطه ولا تحتاج شي اللي تحتاجه نزيده:09:
3/نسكبهم بصحن التقديم ونضع على الوجه الخبز المحمر
وشوي رمان
وبكذا خلصنا الحمد لله صارت قضيه مو سلطه:icon28::icon28:
وبالصحه والعافيه ارجو التقيد بالمقادير وخاصه بمقادير الصوص لانه هو السر بتميز هالفتوش:23:
واتمنى يعجبكم الطعم