Analysis Services
  • «
  • <
  • 1
  • 2
  • 3
  • >
  • »
بس السؤال المهم والاهم .. كيف تعرفين الشركه اللي بتدخل أرباح وما بينزل سعرها عشان ما
تخسرين؟؟

لو كانوا الناس يعرفون شو بيصير كانوا ربحووووووو و صاروا مليونيريه من زمان...
لكن في اشياء تعلمج...اول شي اقري ملحق الاقتصادي كل يوم..اذا شفتي مثلا اعمار عندهم مشاريع جديده بالملايين..معناته اسهمهم راح ترتفع في الفتره اليايه..لان الناس بيضمنون فلوسهم و بيشترون..
يعني المسأله عرض و طلب..يزيد الطلب يرتفع السعر و اذا قل الطلب ينزل السعر..و كيف تعرفين العرض و الطلب للسوق؟ هذي يبالها متابعه بشكل يومي..بما اني من دبي..اتابع شاشة عرض سوق دبي المالي www.dfm.co.ae
تروحين للسعار الفوريه..التداول يكون من السبت للخميس من الساعه 10 صباحا تنزل الاسعار..و 10:30 الى 12:30 يبدأ التداول...
افضل وقت لمعرفة اذا كان السعر بيرتفع و الا بينزل يكون نزول الاسعار من 10 الى 10:30 تشوفين العروض و الطلبات..اذا السهم المعين عليه طلب بالملايين فهذا السهم بيرتفع..و شوفي بعد الاسعار المطلوبه عليه..
و غالبا بعد ما تصير الصفقه بالملايين على سهم معين..يرجع السعر بالانخفاض..
ان شاء الله اكون ما خربطتك بس انتي شوفي شاشة الاسعار و بتفهمين..كله بالممارسه
و السموووحه
01-04-1425 هـ, 02:04 صباحاً
 
sticky
شكرا لمعلوماتك
02-04-1425 هـ, 10:07 مساءً
 
الغالية أفراح أمة ....

ما هو اقل أو اكبر سعر لشراء الأسهم ؟

يعني لو انا بغيت اشتري اسهم من اعمار .. كم سهم ممكن اشتري ... ؟
خاصة اذا مبتدئة في عالم الأسم ....

يعني ممكن اشتري اسهم في حدود 5000 درهم فقط ؟ قولي تقريبا 1500 سهم ؟

وكيف افتح رصيد تداول ؟؟؟ وكم يكلف هالشي ؟

08-06-1425 هـ, 12:15 مساءً
 
ماشاء الله روعه

فعلا الاسهم مشروع ممتاز

شرط يكون شركات حلال

شركه اعمار روعه ومشاريعها شغاله

والاتصالات معروفه
08-06-1425 هـ, 01:59 مساءً
 
السلام عليكم ورحمة الله وبركاته ،

سهم أعمار قيمته بتاريخ اليوم 27/7/2004 5.87 درهم، تقريبا بيطلعلتج 550 سهم ، هذا أذا أستثنينا عمولة الشراء اللي لازم تدفعينها للوسيط وتساوي005 , من قيمة الاسهم. وكيف الواحد يشتري أتصلي على سوق دبي المالي وقوليلهم يحولونج على الوسيط ( تقدرين تختارين الوسيط فيه قائوه بالوسطاء في موقع سوق دبي الماليwww.dfm.co.ae ) وحاطين بعد تليفونات السوق اللي تقدرين تستفسرين منها... كنت بحط الرقم بس ممنوع في المنتدى... عاد لازم تفتحين حساب في البنك اللي يقولتج عليه الوسيط وتحطين الفلوس اللي تبين تشترين فيها الاسهم.
وبعدين يطلعلتج رقم مستثمر بعد ما يخلص كل الاوراق المطلوبه ( صوره من الجواز وخلاصة القيد ورقم حساب البنك اللي فيه الفلوس) ويشتريلج الاسهم وبعد يومين يصيرون بأسمتج وتقدرين تروحين البورصه وطلعين كشف حساب تثبت ملكيتج للأسهم ، (ياخذون 10 دراهم رسوم على كشف الحساب). وبعدين أنتي أتابعين قيمة السهم في الجرايد أو على النت وتشوفين أذا أرتفع ولا لأ .. وتقررين أذا تبين تبيعينه أو تترين شوي ، هذا راجعلتج ، يوم تقررين تتصلين على الوسيط وتقوليله بيع ، ومره ثانيه راح ياخذ 005 , من قيمة الاسهم المباعه.
وممكن تحطين Order للوسيط تحددين فيه سعر البيع تقولين فيه أذا وصل سعر الهم 7 درهم بيع ، بدال ما تتصلين. وأول م يبيع بعد يومين تقريبا تتحول الفلوس لحسابتج في البنك، .......وبس ، هذي كل السالفه ، ما بغيت أخلص . !!!!!! وسلامتكم
09-06-1425 هـ, 08:53 صباحاً
 


الساعة الآن 05:52 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏