السلام عليكم ورحمة الله وبركاته
الأخت العزيزة رماية حبيت أشارك في هذا الموضوع لأني هذه الأيام ماامسك الجريدة إلا على طول رايحة لصفحة الإعلانات العقارية وأبحث عن بيت قديم يباع بسعر رخيص واشتريه لأني خاطري أوفر ويساعدني شوي زوجي ونحاول أن نقوم ببنيانه أمّا عمارة وأمّا بيت لللإيجار وترى هذا المشروع أشوفه من أحسن المشاريع الناجحة في هذه الأيام وخصوصا إنّ العقار ثمنه فيه واللي خلاني أتجه هذا الإتجاه لأني ورثت مبلغ اشتريت به عمارة على قد المبلغ وبصراحة اني الحمدلله استفدت منها فمن مدخولها اشتريت هذا البيت القديم والذي أنوي ****الله استثماره أيضا والله يبارك لي ويبارك لكم جميعا،
والسلام عليكم ورحمة الله وبركاته
07-04-1425 هـ, 03:21 مساءً
 
هلا اختي رميثه

مشاء الله عليج شكلك واعيه وفاهمه وهالشي حلو

تصدقين اختي ان مسألة التوفير ماعرف لها ....خاطري اوفر بس ماعرف كيف ؟؟؟؟

المهم بقولكم عن وحده اعرفها مع انها قريبه مني بس انا مادريت عنها الا الحين

مشاء الله تتبع ناس فاهمين في الاسهم وتشتري وين ماشروا ويقولون لها متى تبيع ومشاء الله حصلت دخل ممتاز منه

وبعد صديق زوجي كان يشتغل مع ابوه في الشركه من عمره 17 سنه وابوه ملياردير وصاحب وكالة سيارات وغيره وغيره

والولد مش معتمد على ابوه ففتح له شركه بروحه واعتمد على نفسه من الخبره الي اكتسبها في الشركه ويوم فتح شركته كان عمره 21

والحين هو عمره 27 سنه ومشاء الله محصل ملايين

وفي بعد واحد من اصدقاء زوجي توه صغير تسلف مبلغ من البنك وفتح له شركة بالتعاون مع امرأه شاطره في هالمجال على ان لها نسبه ممتازه من الارباح
وهي الي ماسكه الشركه والارباح جاته بصوره ممتازه

يعني حلو ان الانسان يتعاون سواء انتي برأس المال وهو بالفكره او انتي بالفكره وهو برأس المال
07-04-1425 هـ, 06:06 مساءً
 


الساعة الآن 08:02 .