.. تبين شعر ناعم كثيف وطويل حياج الله ..

..السلامـ عليكمـ ورحمة الله وبركاتهـ ..

.. شخبــاركم ياحوائيــات .. ؟؟

.. هذه اول مرهـ انزل فيها موضوع وان شاء الله يعجبكم ..

.. خلطتي هذه صار لي اسبوعين استخدمها وماشاء الله ..

.. والله ان شعري من قدام كان شبه مصلع وكنت حاطه صبغة الحناء السوداء من 7 شهور او اكثر ..

كنت ابي اصبغه قالت لي مالت الصالون لا لازم يطول وانا شعري متقصف حده ..

وشبه مصلع من جدام والحين الحمدالله كله شعيرات صغيره من جدام ..

..مغطيه المكان وبشكل مرضي بعد وربي شاهد انها نعمت شعري بشكل فضيع ..

.. صار شعري ناعم حتى وانا امشطه بسرعه يتمشط وناعم ..

.. وطول بقدار تقريبا نص صبع حتى شعري اللي عند الفروه لونه بني واالصبغه السوده قامت تنزل..

.. وبين الطول واللمعه والنعومه بسرعه وانا توني اسبوعين شوفي بعد شهرين ..



بعد هالمقدمه الطويله بقولكم هالخلطه ..

.. زيـــــت النخــاع التونســــي .. <<< لتطويل + التكثيــــف ..

.. زيـــــت الحشيشــــه .. <<< لتطـــــويل ..

.. زيـــــت التنعيـــــم .. <<< لتنعيــــــــــــم ..

.. فيتاميـــــن E .. <<< لتغذيــه ومساعد ..



تخلطين المقادير وتخلينها تنقع لمدة يوم ..

.. وبعدها استخدميها ..

.. وخليهــا في شعــرج مابين نص ساعه و8 ساعات كحد اقصى ..

.. وكل ماطولتي كل مابانت النتيجه اكثر ..


.. طريقه الاستخدام :

.. افرقي شعرج من النص وصبي الزيت على الجذور ..

.. يعني تمي افرقي شعرج من كل صوب وصبيه على الجذور فقط سمعتي على الجذور ..

.. وبعدها مشطي شعرج كامل وليفه مثل الكيكه ..

.. لان هالحركه وااايد زينه ..

.. اول اسبوعين استخدميها يوميا واغسلي شعرج بشامبو لوريال عجيب وماله حل ..

.. والاسبوع الثالث يوم ورا يوم ..

.. الاسبوع الرابع 3 مرات بالاسبوع ..

.. وان شاء الله يكون شعرج في نهاية الاسبوع الخامس حيوي وصحي ..

.. احب انوه ترى هالخلطه خذيت مكونتها من الصيدليه مو من عطار ولا شي جذي ..

.. وقالي الصيدلي اللي هناك اذا ماجابت معاج نتيجه على مسؤؤليتي ..

.. وبصراحه الرجال ماقصر لان شعري قام يستعدل ..


همسه ..
لاتنسين تاكلين الجرجير وتكثيرن الخضار والفاكهه والماي في هالفتره ..

وحتى اذا كنتي كسلانه انا مستعده اوفق معاج يوميا ما عدا الويكند ..
المهم يطول شعرج وتحسين بالرضى ..


بنــات اي وحده تستخـدمها وتجيــب معاها نتيجــه تدعـــي لي امــانه ..

.. ان الله يحفظني ويوفقني ويستر علي ويسهل اموري ..


.. سبحـان الله وبحمده .. عدد خلقـه .. ورضى نفســه .. وزنة عرشــه .. ومداد كلماته ..
.. اللهم صلي على سيدنا محمد وعلى آله وصحبه اجمعين ..