Analysis Services
السلام عليكم..

اولا: ياحلوات محدثتكم فاشله في المطبخ (نمره واستماره )خخخخخخخخخخخخخخخخخ << مدري من فين سمعتها

وثانيا: زوجي يمووووووت في شئ اسمه طبخ شفتوا الحظ كيف .

انا ماقول اني فاشله فشل ذريع

لا يجي مني يعني ها اسوي حلا .. وها اسوي ايدامات ..


لكن الكبسات . ماحولك احد لدرجة ابو شباب قالها مره ( ليش الرز ماله طعم كذا )


ايدامات حلوه بس نكهتها غير مميزه,


الحلا عاد انا ياسلام فيه بس هو مايحتاج ( بيض ودقيق والذي منه وخلااااااااص ) << مايحتاج اتبعي المقادير والطريقه.. وصلى اللهم وبارك..



السمك وياااااااااااااااااااااخوفي يجي ويقولي سوي سمك لأني راح اخرب ام الطبخه


تكفووووووووووووون يابنات تكفوووووووووووووووووووووون اوقفوا معاي وقفت رجاجيل << خخخخخخخخخخخخخخخخ

مالي الا انتم بعد الله كل وحده منكم عندها وزنيه وتسبيكه معينه للطبخه وتطلع روعه تسدحها هنا اي شئ ايدام كبسه سمك اي شئ اي شئ المهم تعطينا الطريقه وصدقوني راح اتبعها بحذافيرها ..


يالله يابنات كل وحده تقول اللي عندها... انتظركم..

********************************************************************

وقفه :

يقول المصطفى عليه وعلى آله الصلاة والسلام ( كلمتان خفيفتان على اللسان ثقيلتان في الميزان حبيبتان إلى الرحمن سبحان الله وبحمده سبحان الله العظيم )
16-07-1430 هـ, 09:34 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
السلام عليكم

شوف كشكوشه هانم اهم شئ انك ماتيأسي حتى لو قال موب زين اكلك داومي وجربي الى ان يزبط معك

وخلي شعارك

لا يأس مع الطبخ ولا طبخ مع اليأس


وابقولك طريقتي في الكبسه واللي صرت امشي عليه في اي كبسه رز

اذا كانت دجاج الافضل انك بعد ماتغسلينه بالماء تغسيل الدجاج بملح وخل لانه يروح صنقة الدجاج ويعطيها ريحه حلوه وافضل دجاج الدجاج الطازج يعني اللي مو مفرزن

اذا قطعتي البصل موب تحطين ملح وماء وخلصنا لا لا لا

اول شئ احمسي البصل مع الزيت وحطي بهارات حب صحيحه واللي هي فلفل اسود وكمون وقرفه وعويدي(مسمار) وهيل
واذا كان عندك فلفل رومي حطي معه لكن انا مايكون عندي دايما
واحمسيها شوي وحطي الدجاج وقلبي فيها شوي الى ان تطلع الريحه وطبعا حطي ملحك وصبي الماء وخليها تطبخ

والرز انقعيه اذا كان يحتاج نقع

واذا استوى الدجاج شيليه وصفي الرز من الماء وحطيه فيه قدر فيه شوي زيت وعلى النار وقلبي الرز فيه شوي الى ان تحسي ان كل حبه رز جاها شوي زيت صبي الماء ولا تكثرييين بس قدر 1 سم بالكثيير 1.5 وحطي الفلفل الحار 2 كفايه يعطي نكهه وخليه على نار عاليه الى ان يطلع الرز ولا تشوفين الماء وطي النار وكشني بصل وحطي فييه بهارات كاري (تلقينها عند العطارين في علبه حديد خضرا انا صراحه احطها في كل اكلي مررره ريحتها حلوه)وحطي كركم وفلفل رومي وجزر مبشور اذا فيه ولا يكفي البصل اذا مافيه وقلبيه شوي
وحطيها على الرز ويكون قد استوى
وجيبي فلفل حارغير اللي حطيتيه وسوي فتحات بالسكينه فيه وشريحة ليمون وحطيها على الزر وقصدريه وخليه شوي وطفي النار اذا كان مستوي الرز وخليه 5 او 10 دقائق بعدها تمتعي برز مفلفل برائحه كأنه جاي عند طباخ وزينيه بالبيض والمكسرات اذا انتي تبغين اما انا اتعيجز

وواذا تبغين اي شي ثاني اطلبي

والإدامات جربي تحطين معها دبس الرمان يعطي طعم حلو
وسوي لك بهارات خاصه فيه انتي غير اللي تاخذينها من السوق تعطي نكهه وطعم خاص فييك

واي سؤال انا حاضره
16-07-1430 هـ, 10:03 مساءً
 
اقتباس مشاركة
واذا استوى الدجاج شيليه وصفي الرز من الماء وحطيه فيه قدر فيه شوي زيت وعلى النار وقلبي الرز فيه شوي الى ان تحسي ان كل حبه رز جاها شوي زيت صبي الماء ولا تكثرييين بس قدر 1 سم بالكثيير 1.5 وحطي الفلفل الحار 2 كفايه يعطي نكهه وخليه على نار عاليه الى ان يطلع الرز ولا تشوفين الماء وطي النار وكشني بصل وحطي فييه بهارات كاري (تلقينها عند العطارين في علبه حديد خضرا انا صراحه احطها في كل اكلي مررره ريحتها حلوه)وحطي كركم وفلفل رومي وجزر مبشور اذا فيه ولا يكفي البصل اذا مافيه وقلبيه شوي

صراحه معلومه جديده بنسبه لي اني احمس الزيت مع الرز .. بجربها

بس حابه اسألك ياقلبي.. اذا حطيت فلفل حار مايصير الرز طعمه حار؟؟! ولا بس نكهه؟؟

لأن عندي ولدي الصغير ياكل معنا..

والله يجزاك خير ياعمري والله ماقصرتي بيض الله وجهك على هذا الرد.
16-07-1430 هـ, 10:18 مساءً
 
هلا الفلفل الحار حطيه كامل من دون ماتقطعينه او تسوي فتحات بس اغسليه وحطيه مع الرز يطلع نكهه حلو
اما الفلفل الحار اللي تحطينه اذا استوى الرز لا هذا سوي فيه فتحات عشان تطلع رحته وينكه في الرز لانه خلاص استوى ماتأثر حرارته

موفقه ومبشرينا اذا سويتيه
16-07-1430 هـ, 11:09 مساءً
 
هذي طريقتي في الكبسة إن شاء الله تعجبك

شوفي أفرض أنك تسوين ثلاث كاسات ر ز
المقادير :
لحم أو دجاج
بصلة ونص
حبتين طماطم ونص علبة معجون طماطم
جزرة مبشورة -البهارات الخشنة ( عودين قرفة -حبة ليمون أسود-ورقتين من ورق الغار- خولنجان - 7 حبات قرنفل -5حبات هيل)
البهارات الناعمة (ملعقة كمون مطحون -ملعقة كزبرة ناشفة - نص ملعقة فلفل أسود حسب الرغبة)
حبتين فلفل أخضر حار حسب الرغبة
الطريقة :
نحمس البصل في شوية زيت إلى أن يذبل أويصفر بعد كذا نضع اللحم أوالدجاج ونقلبها على نار معتدلة إلى أن يتغير لونها بعد كذا نضع الطماطم ومعجون الطماطم والبهارات ونقلبها مع بعض حتى تتشرب النكهة بعدكذا نضيف شوية موية ونقلبها مع بعض ونغطي القدر حتى تتشرب النكهة ونخليها تقريبا خمس دقائق بعد كذا نضيف الموية إلى أن تغطي اللحم أوالدجاج ونضيف بعد كذا الجزر المبشور والفلفل الحار طبعا اللحم يأخذ ساعة ونص في القدر العادي وساعة إلا ربع في قدر الضغط والملح نضيفه بعد مايستوي اللحم حتى مايقسى بعد كذا نضيف الرز إذا كان الرز منقوع راح يستوي بسرعة


بالنسبة للأيدامات
طبعا البهار يكون مطحون وأنا دائما ما أستعمل إلا (كمون وكزبرة ناشفة وشوية فلفل أسود)
كثري الطماطم عشان تطلع التسبيكة حلوة معجون الطماطم تقريبا ملعقتين بس لاتكثرين حتى مايصير لونه أحمر
شوفي حبيبتي تبغين نكهة مميزة للأيدامات حطي نص ملعقة كركم
وقبل ما تقفلين النار على الأيدام حطي تقريبا من فص إلى 3 فصوص ثوم مدقوق خلاص وخليه يطبخ 5 دقايق عشان تروح ريحته


أتمنى أكون أفدتك وجربي الطريقة بحذا فيرها لاتنسين
16-07-1430 هـ, 11:36 مساءً
 


الساعة الآن 04:53 .