السلام عليكم


كيفكم بنات

عندي عزيمه الدوريه لزملاء زوجي كل ثلاث اسابيع تجي عندي

ومحتاره الحين وش اسوي ابيكم تعطوني افكار باعطيكم اللي باسويه وشوفو وش اضيف عليه

بأحط رز ودجاج وهو الاساس

وسلطة مكرونه مخلوطه معها مقليات

ومحتاره وش احط اضافات معها

ومحتاره في الحلى لانهم يحبون اللي يذوب بالفم مايحبون مثل حلوياتنا اللي تجي دسمه

نفسي اسوي كريم كارميل بالفرن وتجي طعمها حلوه اللي عندها طريقه حلوه تعطيني

او حلى غير يكون حلو

عزيمتي يوم الاثنين هذا ودي تساعدوني بافكاركم عشان اسوي تجربه منها قبل العزيمه ويمديني اشتري المقاضي



اختكم لين الورد

من اجمل لحظات السعادة في الحياة


هو ان تحقق اشياء يقول الناس عنها انك لا تستطيع تحقيقها



لـــــــين الـــــورد
طيب جربي كريم كارميل ( قدرة قادر)

كريم كارميل مع كيكة

ابحثي عن طريقتها في قوقل
فساتين سهرة للبيع
الله يجزاها خير اللي تراسلني وهي جااادة..
أممممم سوي صينية خضار وفرزليها من الحين عشان تسهل عليك شوي
وسوي ورق عنب ومعجنات مع العشاء وايدام
أما الحلى عندي لك طريقة حلى روعه مع القهوه سويتها لضيوف زوجي مره أنهبلوا عليه
لدرجة .....
المهم الحلى طريقته سهله مرررره
جيبي الكيك أمريكانا العائلي بالفانيلا وقطعيه شرائح
وصفيه في الصينيه
وفي الخلاط حطي
2 قشطه
2 دريم ويب
2 كريمه
6ظروف كابتشينو
سكر حسب الرغبه
حطي نصف الخلطه في الصينيه وبعدين حطي طبقه ثانيه من الكيك
وأخلطي مع باقي الخلطه شوكولاته بودره وحطيها فوق الكيك وزينيها بجالكسي مبشور وخليه طبقه كثيفه شوي
وربي رووووعه ماراح تندمين عليه صدقيني
وسوي الملك شيك هذا روعه
2 ظرف دريم ويب
3 ملاعق حليب بودره
شوي فيمتو
سكر حسب الرغبه
ثلج
ماء
أنتبهي لاتكثري الماء يضيع الطعم
المهم جيبي الكاسات اللي لها قاعده وحطي فيها شوي فيمتو وصبي فيها الملك شيك
يطلع شكلها وطعمها روعه
الله يوفقك وتطلع أحلى عزيمه والله يعينك على لان هذا اللي مجنني في حياتي
أسوي مليون أكله ولا أغسل صحن واحد
ولو بغيتي شي ثاني بالخدمه *_*
يـارب
أنت عالم وقادر
اللهم إني أسألك صـبراً لا نسـيان فيه
اللهم إن كان لي عـوض عـلى صـبري
فاجعل اللهم عـوضي فيه


كل من تقع عينها على توقيعي تدعي لي بالذريه الصالحه
في هذه الايام الفضيله فقدت 3 واسأل الله العوض بالحمل التام
سوي صنف سلطه ثاني
شوفي هذي السلطه مره لذيذه

مقاديرها
بصل اخضر مقطع
خس
فاصوليا حمرا
ذره
خيار مقطع حلقات
وباذنجا وبطاطس مقلي

صفي اول شي البصل الاخضر
وبعده البطاطس والباذنجان
وبعده الخس
وبعده الفاصوليا
وبعده الخيار والذره انثريها اخر شي للتجميل

وسوي هالصوص
2زبادي
1فص ثوم مدقوق
4ملاعق مايونيز
خردل شوي
ومتبل السلطه الفرنسيه تقربا 3ملاعق
و2ملعقه عصير ليمون
واخلطه وصبيه فوقه
وجمليه بالخبز المقلي



وسوي جريش


وسوي كريم كارميل او مهلبيه
ماحب الكريمه بالفرن لان طعمها بيض(:
يعطيكم العافيه

اختي كبر صغري

مو الكابتشينو كثير 6 اظرف بعدين بتصير جامده

وتسلمون اللي ردو
من اجمل لحظات السعادة في الحياة


هو ان تحقق اشياء يقول الناس عنها انك لا تستطيع تحقيقها



لـــــــين الـــــورد


الساعة الآن 06:38 .