السلام عليكم ورحمة الله وبركاته


اللي عندها مشغل خياطة نسائي أو تعرف وحده عندها مشغل
انا حابة افتح مشغل خياطة بس عندي كم سؤال عن التجهيزات والعاملات
يعني مثلا مكينة الخياطة فيه مكائن خاصة للمشاغل؟ ولا المكائن العادية تنفع؟ وياليت الاسم والنوع والسعر وكم مكينه يكفي
والخياطات كم خياطة احتاج يعني اجيب ثلاثة وحدة تكون فاهمة في القص ووحدة ثانية تخيط بس ومعهم ثالثة تساعدهم؟
ولا اجيب وحدة فاهمة في القص والخياطة والثانية قص بس والثالثة خياطة؟
طيب اعطيهم رواتب ولا بالنسبة؟وكم رواتبهم
واجيبهم من هنا احسن يعني ادور تنازل ولا استقدم واذا استقدمت وشلون اعرف انها فاهمة
ومن وين اجيب موظفة استقبال وايش جنسيتها؟
وين اسكنهم ينفع احط لهم غرفة بالمشغل؟ واذا كانوا ساكنين برا المشغل لازم اوفر لهم نقل ولا مالي شغل؟
ودفتر الفواتير وين القاه والاكياس الشفافة حقت الملابس من وين اجيبها
الله يرزقكم ويجزاكم خير وينولكم اللي في بالكم
وادعولي الله يوفقني وافتح المشغل


اذا نسيت شي ذكروني

وعليكم السلام ورحمة الله وبركاته

هلا اختي

بالنسبه لانواع المكاين ,, انا اقول سوي بحث بالنت وشوفي افضل الانواع والمتوفره في منطقتك
حسب معلوماتي ان افضل انواع المكاين هي سنجر وبرذر وجانوم <<< أكيد فيه انواع ثانيه بس هذا اللي قريت عنهم
انا اقول اسألي في قسم الخياطه عن المكاين وان شاء الله هم بيفيدونك أكثر

ودفتر الفواتير والاكياس و..... إلخ << في تاجره هنا من مصر اسمها YAKOTA ,, توفر لك الاشياء هذي وبأسعار حلوه

ونصيحه من اخت (( واكيد القرار لك )) خلي مشغلك بدون حف حواجب ولا خياطه فساتين عاريه ,, لأنك بتاخذين ذنوب غيرك ,, والواحد يالله يتحمل ذنوبه

ولاتفتحينه بمنطقه فيها مشاغل كثير ,,لأني ألاحظ ان المشاغل صارت منتشره حيل وهذا يمكن يسبب لك الفشل


ومن قلبي اتمنى لك التوفيق وان ربي يبارك لك فيه

اختك,, عنوده
انا ابي افتح مشغل نسائي مع مركز تجميل نسائي وسؤالي ايش المطلوب فيه من الادوات المشغل والمركز التجميلي
وكمان ابي اسعار تقريبية والمنطقة اللي يتوفر فيها المشغل ايش شروطها

رجاااااااااااء ساعدونا يااصحاب المشاغل
للـــــــــــــ ــــرفع
مشكورة عنودة
انا اعرف سنجر اللي فيها خياطة وتطريز تقريبا ب9000 كانت عند الوالدة من زمان يعني هي نفسها ولا فيه انواع ثانية خاصة بالمشاغل


الساعة الآن 03:33 .