لا اله إلا الله محمد رسول الله
اقتباس مشاركة  (aazzaazz)
السلام عليكم ورحمة الله وبركاته


اللي عندها مشغل خياطة نسائي أو تعرف وحده عندها مشغل
انا حابة افتح مشغل خياطة بس عندي كم سؤال عن التجهيزات والعاملات
يعني مثلا مكينة الخياطة فيه مكائن خاصة للمشاغل؟ ولا المكائن العادية تنفع؟ وياليت الاسم والنوع والسعر وكم مكينه يكفي
والخياطات كم خياطة احتاج يعني اجيب ثلاثة وحدة تكون فاهمة في القص ووحدة ثانية تخيط بس ومعهم ثالثة تساعدهم؟
ولا اجيب وحدة فاهمة في القص والخياطة والثانية قص بس والثالثة خياطة؟
طيب اعطيهم رواتب ولا بالنسبة؟وكم رواتبهم
واجيبهم من هنا احسن يعني ادور تنازل ولا استقدم واذا استقدمت وشلون اعرف انها فاهمة
ومن وين اجيب موظفة استقبال وايش جنسيتها؟
وين اسكنهم ينفع احط لهم غرفة بالمشغل؟ واذا كانوا ساكنين برا المشغل لازم اوفر لهم نقل ولا مالي شغل؟
ودفتر الفواتير وين القاه والاكياس الشفافة حقت الملابس من وين اجيبها
الله يرزقكم ويجزاكم خير وينولكم اللي في بالكم
وادعولي الله يوفقني وافتح المشغل


اذا نسيت شي ذكروني
انا عندي مشغل خياطة

تحتاجين مكائن جوكي اليابانية وسعرها 2000وفوق

لاكن جوكي الصينية تودي الغرض وسعرها 800 ريال

تحتاجين اثنتين وماكينه برم وماكينه تنظيف

وبالنسبة للخياطات الافضل يكون وحدة تخيط وتقص واثنتين للقص فقط

وانا كبداية جبت وحدة تخيط وتقص لاكن الثانية في الطريق

الافضل تنازل لاكن ياختي التنازل غالي من 15 الف وفوق

واذا جبتيها من برى انتي وحظك

موظفة الاستقبال اعلني في اي منتدى وبيجيك الخير واذا حسيتي انها مخلصة اعطيها نسبة من الربح مع الراتب

وبالنسبة لسكن العاملات هو فعلا مشكلة مع البلدية واغلب صاحبات المشاغل يسكنونهم في المشغل لكن الافضل تشوفي لهم غرفة قريبة من المشغل لان النقل عليكي طبعا

ودفتر الفواتير روحي لاقرب محل للمطبوعات والمنشورات وهو يسويها لك تقريبا كلفتني 1000 ريال مع الكروت والبرشورات

والاكياس تلقينها في اماكن بيع البلاستيك وتلقينها في عتيقة

اتمنى اني افدتك وبالتوفيق
الله يوفقك ويجزاك خير
ليه ماتدخلين موضوع تجمع صاحبات المشاغل!!!

مرررره رح تستفيدين من مجرد قراءة الموضوع
دخلت الموضوع واغلب الاستفسارات عن التجميل وما لقيت اللي ابي


الساعة الآن 04:55 .