اقتباس مشاركة  (الخيــزران)
طيب سوي رز أبيض وحطي عليه ملعقة أوملعقتين زيت مع إيدام بالخضار وحطي في الأيدام مكعب أومكعبين مرقة ماجي
ماأدري هذا اللي طلع معاي
إتمنى أكون أفدتك
ما قصرتي،،

اقتباس مشاركة  (ام الليث)
كنت داخلة بقولك نفس فكرة أختي الخيزران
وزيدي شوي سلطة أوحلى والحمدلله خير ونعمة خلوكم نباتيين اليوم
هو اليووم بنصيير غصب نباتيين ..
كان ودي بغير عن رز ابيض و مرق..
اقتباس مشاركة  (رهف الوجود)
سوي كبسة تونه تراها لذيذة
طرت على بالي ، بس زوجي ما يحب التونه ..
اذا عندك بقوليات تفنني فيها

يعني على حسب وصفاتكم الشعبية اذا منقع فول او منقع لوبيا او رز مع ماش ولبن او كشري او مرقة فاصوليا بيضاء بالماجي تراها اطيب بالماجي من اللحم سبحان الله مجربتها

وطبعا اذا متوفر عندك جدر ضغط
كشري طعم وممتاز يشبع
اقتباس مشاركة  (إيزيس)
مرة صارت معي وسويت رز ابيض بالهيل والمسمار وبعدين جبت بصل وثوم وزنجبيل

وحمستهم عدل وبهرتهم بكاري وكركم وبهارات مشكلة وزبيب

وبعدين بس استوى الرز نص سوى جبت جدر وحطيت طبقة رز وبعدين طبقة بصل والباقي وبعدين رز وهكذا

ورجعتهم على نار خفيفة خمس دقايق حتى يستوى الرز وبس قلبت الجدر طلع شكل الرز حلو طبقات رز ابيض واصفر

وعملت بجنبه صينية خضار بالفرن قليتهم بالاول وبهرتهم بعدين حطيتهم بالفرن وعملت سلطة روب وخيار

ما ادري اذا الشرح وافي

ان شاء الله باقي البنات ايساعدونك
حلو،، شكلي بسويه ,,..

اقتباس مشاركة  (الغد أفضل)
اذا عندك بقوليات تفنني فيها

يعني على حسب وصفاتكم الشعبية اذا منقع فول او منقع لوبيا او رز مع ماش ولبن او كشري او مرقة فاصوليا بيضاء بالماجي تراها اطيب بالماجي من اللحم سبحان الله مجربتها
البقول عندي بس عدس اصفر و اسود..
سوي معكرونة بلاخضار


الساعة الآن 02:41 .