السلام عليكم



.

يابنات انا اعشق الطبخ واجيده والحمدلله
احب اتعلم اشياء جديده واضبطها والحمدلله واحيانا تضبط من اول مره
الكبسات كانت عشقي وكلن يمدح كبستي وريحتها وطعمها
بس مدري شصار فيني
تخيلوا قبل كم يوم عندنا ضيف وكشنت وبهرت اللحمه وريحته طلعت تجنن زوجي شمها وانهبل
وتخيلوا لما حطيت الرز والنااار كانت هاديه ومتاكده مررره انها هاديه والمويه مناسبه وكل شي تمام
لكن مامرت 3 دقايق الا واشم ريحه الرز احترق
وعدته مره ثانيه وكان كل شي مضبوط ومتاكده اني حطيت ملعقه وحده ملح وحده بس
وطلع يابنات ماينوكل كني حطيت كيلو ملح
اخر شي زوجي جاب رز من برى وهو مستغرب مني
اشوى اني لي ماضي مشرف ولا كان صارت علوم

والله انقهرت مررره ذاك اليوم ونفسيتي تعبت
والحين لي اسبوع الرز مره يحترق ومره يصير ماله طعم ومره يصير مالح ومره لونه يصير غريب

فياليت الي كانت طباخه شاطره وصارلها مثلي تعلمنا كيف رجعت مثل ماكانت
وكيف تصرفت في هالحاله
خصوصا اذا كان عندها ضيوف بالبيت
مو معقوله كل يوم يجيب رز من برى

انتظركم
19-07-1430 هـ, 02:29 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
وعليكم السلام ورحمة الله

اختي والله كانك تصفين حالتي ...كنت طباااخه

الحين كل طبخه جديده افشل فيها مدري ليه خواتي يقولون يمكن عين

المشكله زوجي ماعاد يعجبه اكلي... والله قهر

اصلا من كثر التحطيم صرت خلاااص مااحب اطبخ ... وما عاد افكر اتفنن

ان شا الله نلقى حل
19-07-1430 هـ, 02:44 مساءً
 
اول شيء انتى عندك شغاله ولا؟؟يمكن تفتح قدرك وتحط ملح وتعرفون الشغاللات شغلهم تحت لتحت

طيب يمكن ناس طقوك بعين العين حق
يمكن بسم الله تعرفينهم تمام صح تراهم يخربون هاه اكييييد عرفتيهم كتكووووووووووووت
19-07-1430 هـ, 02:44 مساءً
 
اقري على نفسك تري العين

اللهم صل سلم عى محمد
19-07-1430 هـ, 02:54 مساءً
 
نفس الحالة واستمرت معي شهور ما لي نفس اطبخ او اتفنن

وبالاستغفار والاذكارو قراءة القران رجعت زي اول والحمد لله
19-07-1430 هـ, 03:01 مساءً
 


الساعة الآن 03:07 .