نحن الفتوكات اهل قسم الرشاقة عملنا رجيمات اشكال والوان وشربنا مختلف انواع الاعشاب واتهد حيلنا فى الرياضة زى ما انتو عارفين الحمد لله ربنا بيكرمنا وبنظبط اجسامنا بس اللى بيحصل اننا غالبا بنرجع نتخن تانى لأن مفيش حد حيفضل عامل دايت طول حياته يعنى
وعشان كده المفرود يبقى اكلنا صحى علطول والاكل الدسم والحلويات يبقوا بحساب وبكده نبقى متحرمناش من حاجة ولا يحصلنا انيميا وضعف كل شوية وينتهى مشوار العذاب اللى احنا عايشينه
بس حتقولولى ازاى اكل صحى !!!!!!!!
يعنى نعيش من غير مكرونة بالباشميل وبيتزا
وننسى طبعا المحشى والشبسى...... وبلاش كيك بقى
لا ياقمرات احنا ناكل كل حاجة بس الفكرة حناكلها ازاى
يعنى اتفننى فى عمل الاصناف الصحية وخلى كل اللى فى البيت واولهم انتى يحبوها ويستمتعوا بيها لا ويطلبوها منك كمان

انا فكرت انى اجمع هنا كل الاكلات اللى ممكن ناكلها فى الرجيم بحيث نوفر سعرات من غير اما نضعف اوللى عايزة تعود اولادها على اكل صحى وتوفر فى السعرات وتتقى شر السمنة والامراض ربنا يعافينا ويعافى امة المسلمين يارب وفى نفس الوقت الاكل ده حيكون طعمه خطير وحنستمتع بيه جدا وحتشوفوا هنا ازاى ان شاء الله
ودى دعوة للصحة اللى احنا محتاجنها عشان نقدرنقوم بدورنا فى الحياة مش بس دعوة للرشاقة ماشى ياقمرات
وخلينا نتفق ان انتوا تشاركونى يعنى اى وحدة افتكست اكلة سعراتها قليلة اثناء الدايت وعجبتها متبخلش بيها علينا ياقمرات

وحنبتدى دلوقتى المنيو الصحى الجاااااامد اوى بسم الله

المسقعة
زى المسقعة العادية بس حندخل بعض التعديلات.. تعالو نشوف
1-الباذنجان بعد لما نقطعه شرائح حنحط عليه نقطة زيت ونرصه فى صنية فرن او على الشوايه ونسيبه لحد لما يتشوى شوية (بدل القلى)

2-حنستخدم ملعقة كبيرة لحم مفروم ونخلطها بك***ة وشبت وبقدونس كتييييييروبصل كتييييييييييييي ر وطبعا نتبلها بقى ونظبطهم على ذوقنا ومتنسوش الصلصة بس مضفيش اى زيت

3-لما اللحم يستوى شوية حنشيله وفى طبق الفرن حنحط طبقة من الباذنجان المشوى وطبقة من اللحم المفروم ثم طبقة اخيرة من الباذنجان المشوى
الطبق يابنات انا جربته وعايزه اقولكم انه خفيييييف جدا ولذيذ لدرجة ان جوزى قالى متعملهوش بالطريقة التقليدية تانى
ومتنسوش ان الباذنجان مليان حديد يعنى حماية من الاناميا ووفرنا كمية اللحم وفرنا دهون القلى يعنى صحة ورشاقة بإذن الله

بين الوجبات
عصير الليمون وعصير البرتقال من غير سكر او بسكر خفيف طعمهم رائع ومنعش واثبتت الدراسات ان شربهم قبل الاكل بيملى المعدة ويخليها تفرز هرمون الشبع !!
وعلى فكرة ثمرة تفاح بتأدى نفس الدور


البيتزا القليلة السعرات



المقادير:

- 2 كوب دقيق
- ملعقة شاي خميرة
- 1/2 ملعقة شاي ملح
- ملعقة طعام زيت
- ماء تقريبا 3/4 كوب

طريقة التحضير:

* اخلطي المقادير الجافة، أضيفي الزيت ثم الماء بمقدار يكفي للحصول على عجينة طرية ومتماسكة.
* اعجني المكونات جيدا. اتركيها حتى يتضاعف حجمها، تقريبا ساعة واحدة.
* امسحي عليها الصلصة، وضعي عليها ماترغبين.
* رشي عليها الجبن، أدخليها الفرن حتى يذوب الجبن.
* قطعيها وقدميها.
منقوول

الشبسى الصحى
1- قطعى البطاطس عيدان رفيعة عادى
2-اخلطى ملعقة صغيرة من زيت الزيتون وملعقة كبيرة من الخل وملح وفلفل وباربيكا او زعتر او اى مطيبات بتحبيها واخلطيهم بالبطاطس
3-حندهن صاج الفرن بنقطة زيت ونرص العيدان جنب بعض بنظام يعنى ميتحطوش على بعض خدو بالكم
2-لما تحمر بنطلعها وممكن ينضاف لها كاتشوب خفيف وهى سخنه مممممم
والطبق ده خطير انا مجرباه وبتطلع مقرمشة وتجنن وممكن ترجعوا لأى جدول سعرات حرارية وانتو تعرفوا بنفسكو اننا كده وفرنا آلاف السعرات

واكيد مش حوصيكو على شرب الماء الكثير والمشى كلما سنح الوقت فالابحاث اثبتت ان المشى مدة عشر دقاءق يوميا بيزود معدلات حرق السعرات فى الجسم 1000 سعر حرارى فى الاسبوع تخيلوا بس عشر دقاءق

م.ن



الساعة الآن 01:17 .