ياحريم وش هالسوايا ماشالله عليكم اللي تسوي كيك منفوخ وللي تسوي فطاير متفوخ وللي تسوي اسكريم اسود مع بيج وللي تحط فوق الحلى طبقات خضار بالله تعلموني وشلون انا بصراحه من جنبها بالطبخ وماعندي ماعند جدتي الله يرحمها اللي ماورثنا منها الا الجريش وماهو منزينه بعد ياذبانه طايحه فيه او صبت فوقه منقوع البقل ( الأقط يقالها تفننت وان تفننت الله يغفرلها ويرحمها سوت خبز وصبت عليه سمن وطحنت بقل (أقط ) ورشته فوقه وعشان كذا طلعت بالطبخ داجه وكل مااشوف طبخاتكم مااقول الا الله يزيدكم ويعطيني من مما عطاكم الا على طاري الطبخ نفسي اعرف انفش الفطاير ونفسي اعرف اقسم الكيكه واحط داخلها قشطه ملونه اعذروني هذا حدي
عاد زوجي اذا جيت بتفننله واسويله حلى اسويله تطلي ( كاسترد ) بس مره اخففه ومره اثقله يقالي تفننت الحين
او اسويله جلي وهذا طبعآ بواسطات لأني اشوف الجلي مثل كيكة الاعراس الملونه يعني شي واااو واذا سويتها عقب شق الانفس تطلع موياء يعني واسطات والحقيقه اسويها بعد مايطلبها باسبوع وهي بالثلاجه بس اقوله ماسويتها استناها تجمد دايمآ تخضخض ومويا وحالتها حاله او الظاهر انا اللي حالتي حاله عاد ومره شافه بالثلاجه وقالي وراه مسوي جلي وماعلمتيني قلت هذي جارتي طلبتني اسويلها عندها عزيمه وأجلتها واخاف تطلبها فجأه ومخليتها لها متى ماطلبتها تلقاها جاهزه وش تبوني اقول اقول استناها تجمد عشان اتفننلك وربي مالي وجه ابي منكم دعوه اني اصير مثل اردى طباخه فيكم هذا يكفيني مانيب طماعه

يااااااااااااار ب تصيرين طبااااااااخه
بقولك شي ترى انا كنت زيك والحين ياسلالام شطوره وكله من المنتدى اذا عجبني شي سيفنه
وبعدين اكتبه لان ماعندي طابعه وعملت دفتر
وشريت كتااب نخبه الاطبااق والحين مررررره شطوره صرت
عقبااالك يااقمر
وعلى فكره خلي العجز على جنب وقولي بسم الله وراح اتغير قبل ليطير زوجك منك
(اللهم لاتجعل الدنيا اكبر همنا ولامبلغ علمنا ولا الى النار مصيرنا)
ادعوولي ان الله يفك السحر اللي بيني وبين زوجي
اقتباس مشاركة  (om dnoo2)
يااااااااااااار ب تصيرين طبااااااااخه
بقولك شي ترى انا كنت زيك والحين ياسلالام شطوره وكله من المنتدى اذا عجبني شي سيفنه
وبعدين اكتبه لان ماعندي طابعه وعملت دفتر
وشريت كتااب نخبه الاطبااق والحين مررررره شطوره صرت
عقبااالك يااقمر
وعلى فكره خلي العجز على جنب وقولي بسم الله وراح اتغير قبل ليطير زوجك منك
وش يطير الله يهديك زوجي حبيب مو يم الاكل لو احطله لسان عصفور قال الحمدالله على النعمه وأكله ونام بس عاد ابي اتعلم اقل شي عشان اقدر اعزم
شووووفي يابنت الحلا ل >>يقوووول المثل مايولد من الناس عااالم >>>>يعني مافيه احد يولد وهو يعرررف كل شي
جيبي كتاب نخبة الأطباااق وطبقي وتصيري احسن من اللي في المنتديااات بعشرين مررره وتوكلي علي الله....
دعااائي لكي با التوفيق عزيزتي
اقتباس مشاركة  (حرم المحترم)
شووووفي يابنت الحلا ل >>يقوووول المثل مايولد من الناس عااالم >>>>يعني مافيه احد يولد وهو يعرررف كل شي
جيبي كتاب نخبة الأطباااق وطبقي وتصيري احسن من اللي في المنتديااات بعشرين مررره وتوكلي علي الله....
دعااائي لكي با التوفيق عزيزتي
وش ذا اللي بتوقيعك الله يهديك عيفتيني الطبخ كله


الساعة الآن 01:09 .