الـــــــــسلام عليكم



بــنــات ..انا متأكده ان كل وحده اكرم من الثانيه وكلكم فيكم الخير


بس ياليت اللي فاهمه وشاطره وعندها كرم معنوي ..تتكرم علي وتعلمني الاسهم

فيه مليون سؤال براااسي

ابي وحده يكون ربي فتحها عليها وتعلمنا سر المهنه

والله اني كل بداية سنه واخرها يعطيني ابوي دفعه قويه والله انها تروح في خرابيط مالها فايده

تكفون عطونا مباديء اساسيات ..


مثلا

كم تقريبا المبلغ اللي نبدأ فيه....؟

كيف نعرف ان الشركه هذي اسهمها ماشيه تمام؟


كيف نتوقع الخساره او الربح؟


وش يكون المرجع الاساسي...الجريده ...الانترنت..البنك...؟


كيف طريقة التعامل ..البيع الشراء..؟


طيب اللي عندها فكره وصعب انها تشرح لي ..تقولي وين اروح ..يعني ممكن موظفة البنك تشرح لي؟؟والله اني اروح اودع في حسابي واطلع وانا متردده اسأل اولا اخاف انحرج او ما استوعب؟


غير كذا بعد الله طبعا تحطين ثقتك في مين؟؟



شكرا مقدما

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
وأنا كمان أناعندي نفس التساؤلات ............وياليت اللي تتكرم وتشرح لنا كمان توضح المصطلحات اللي تستخدم في هذا الموضوع مثل (سعر التداول -الافتتاح -الاغلاق- عدد النقاط - التوصيات ...............وغيرها من المصطلحات
وجزاكم الله خير ...........
شوفي انا معلوماتي سطحيه شوي بس يمكن تنفعك لأن زوجي يشتغل فيها وهي قبل كل شئ مسالة حظ يعني الحظ يلعب دوره كثير فيها ويجي بعد كذا الممارسه والخبره في طريقة البيع والشراء يعني يعرف متى يشتري ويعرف متى يبيع وكل ماكان المبلغ كبير كل مازاد الربح وانتبهي تدخلينها ومامعك رجال فاهم وتعتمدين عليه لانها يبيلها متابعه طول الوقت اما انك تدخلين ومنتي فاهمه شئ هاذا اكبر غلط وممكن تستفسرين من موضفة البنك اكثر لانها اكيد بتفيدك بس لاتجينها وعندها زحمه لانها ماراح تقدر تشرحلك زين اعذريني لو كانت معلوماتي بسيطه بس حبيت اساعدك ومااطلع بدون ماارد عليك

السلام عليكم
الاجابة على اسئلتك..

كم تقريبا المبلغ اللي نبدأ فيه....؟

اولا لازم تفتحين محفظه (محفظة تداول عن طريق البنك) ويلزم ذلك ان يكون في رصيك 100000 ما ئة الف ريال.. وهي تختلف من بنك الى بنك..
افضل شي وعشان تجارين السوق في الوقت الحالي يكون المبلغ هو 100000 مائة الف ريال ..


كيف نعرف ان الشركه هذي اسهمها ماشيه تمام؟

يجب متابعة السوق و معرفة الاسعار السابقة والاسعار الحاليه..والشراء في اسهم الشركات ذات العوائد السنويه مثال(الكهرباء- سافكو...الخ) وذلك عن طريق موقع تداول الخاص بمؤسسة النقد..


كيف نتوقع الخساره او الربح؟

لا يستطيع احد التكهن في ارتفاع ونزول السوق لان علمه عند الله لكن في الوضع الحالي هناك سيوله دخلت السوق و متوقع دخول سيوله اكثر في الاشهر القادمة والله اعلم ونستنتج من ذلك ان الاسهم فيها خير ورزقا كثير باذن الله.. وانصحك بالاستثمار المتوسط الاجل او الطويل الاجل(يعني تشترين الان وتنسينها لفتره)..

وش يكون المرجع الاساسي...الجريده ...الانترنت..البنك...؟

كل الذي ذكرتيه له فائده..وخاصة موقع تداول...

كيف طريقة التعامل ..البيع الشراء..؟

بامكانك البيع والشراء عن طريق الاتنرنت وذلك بعد (فتح محفظة تدوال عن طريق الانترنت) وهذه برسوم..
او عن طريق البنك وذلك بعد (فتح محفظة تداول في البنك) وهذه مجانا..
عن طريق الهاتف ولكن يجب ان يكون راس مالك كبير
في بعض البنوك تصل الى مليون ريال..

الثقة بالله ثم اتخاذ القرار المناسب في البيع والشراء وعدم الطمع ( والقناعة كنز لا يفنى )

واخيرا
لا مانع من ذهابك الى البنك والاستفسار اكثر واكثر
والله اعلم




بعض التوضيحات على بعض المصطلحات:

سعر الافتتاح: تقريبا هو السعر الذي اقفل عليه السهم في تداول اليوم السابق و ممكن يمون اعلى او اقل من ذلك..

سعر الاعلى: وهو اعلى سعر وصل له السهم في هذا اليوم..

سعر الادنى : هو اقل سعر وصل اليه في هذا اليوم..

سعر الاغلاق: هو اخر سعر اغلق عليه السوق..

حجم التداول : هي كميه الاسهم التي تتداول ( بيع وشراء) لهذا اليوم..

سعر الطلب او (افضل طلب) :و هو السعر المرغوب الشراء به..

سعر العرض او (افضل عرض) : وهو السعر المرغوب البيع به..

المؤشر : وهو يدل على حركة السوق او وضع السوق من ناحية الارتفاع والنزول..

ودائما تتم المقارنة بين مؤشر اليوم و مؤشر الامس فكلما ارتفع سعر الاسهم كلما ارتفع المؤشر والعكس صحيح..

فمثلا:
في بداية السنة الميلاديه الحالية كان المؤشر ما يقارب الــ4000 نقطة وفي الاسبوع الماضي
وصل المؤشر الى الــ6400 نقطة يعني الفرق 2400 نقطة وهذا دليل على ارتفاع اسعار الاسهم

مثلا
كان سعر سهم الموااااشي المكيرش بــ 55 ريال وفي الاسبوع الماضي وصل الى الـ115 ريال..فرق السعر 60 ريال
يعني لو عندك 1000 سهم اشترتيها بـ55 ريال اي55000 ريال
و تم البيع بسعر115 >>1000*115=115000 ريال اي كسبتي كم 60000 ريال ....


واخيرا هذه المعلومات اكتسبتها عن طريق متابعة موقع تداول لان انا و زوجي مهتمين بالموضوع....
نسال الله التوفيق للجميع..
تحياااااتي




الساعة الآن 04:02 .