اقتباس مشاركة  (رورو11)
اول شي جهزيلك دجاجه وغسليها بمويه وبملح وخل بعدين حطيها بقدر فيه مويه وقطعي بصل وثوووم كبااار وحطي عليها هيل وبهارات وخليهااا تطبخ ,,, وغلى جمب اغسلي الرز وجهزيه وخمريه بمويه عبال ماتستوي الدجااجه بعدين لا استووووت الدجااجه خذي من مويتها وحطيه على الرز لين يغطيه بشووي ووسكريه ولعي نااار صغيررره ,,,, وحطي الدجاجه بالفرن او تقليهاا وبالعافيه ودعواتك لي بالذريه
مشكووووره اختي الله يعطيك العافيه يارب

الله يرزقك بالذريه الصالحه عاجلا غير اجل اللهم امين يارب العالمين
سبحان الله وبحمده .. سبحان الله العظيم
اقتباس مشاركة  (طبشيره)
اغسلي الرز ونقعية بماء حار مدة عشرين دقيقة وحطي بقدر ماء يغلي ومعة ملح وماجي ابيض وزيت وطبعا ذوقية وبعدين حطي الارز وخلي الموية ترتفع عن الارز بواحد سم وزيدي على النار الين يبدايشرب الموية وبعدين حطي نار الوسطخمس دقايق وبعدين نارصغيرة ربع ساعة و حطي فية فلفل احمر واخضر والكشنة والكشنة تتكون من 2 بصل شرائح حمريها في ملعقة سمن لين تصير ذهبية وضيفي فلفل اخضر مقطع وشوي بهارات وملح ومعجون طماط ربع ملعقة صغيرة وبالعافية وادعيلي يشفيني ربي
مشكووووره طبشيره عالطريقه وشكلها مره سهله

الله يعطيك الصحه والعافيه ويشفيك يارب عاجلا غير اجل امين
سبحان الله وبحمده .. سبحان الله العظيم
اقتباس مشاركة  (بسمه..)
الرز الابيض اسهل شي بالحياة وانتي بس حطي فبالك انه بيضبط وان شاء الله بيضبط وبيعجب زوجك
اول شي اغسلي الرز زين وخليه ينقع نص ساعه او عشرين دقيقه بموية داااااااااااااا اااااااااااافيه مره
وبعدين اشخليه عشان المويه كلها تنزل ووقتها تصيرين جايبه قدر وحطي فيه بصل ابيض مقطع صغاااار مربعات ولا صار ذهبي تصيرين غاليه مويه حطي شي بسيط من المويه يعني كاس عشان تعرفين كيف تكبين الرز وتشيكين على مويته .. واذا كبيتي الرز وشفتي ان المويه ما كفت عاد هنا تزيدين مويه وتنتبهين لكميتها يعني خليها مرررررررررررررر ره عالرز ماتزيد الا سانتي واحد بس يعني مطابقه تماما عالرز ما تكثرين وبس قصري عالنار مرررررررررررررر رره الين ما يتشرب الرز كل المويه وبالعافيه وعشان ما يطلع حب لازم تحركين الرز يعني تقلبينه عشان اللي تحت يصير فوق واللي فوق يصير تحت
وادعيلي بالتوفيق وان ربي يسخر لي زوجي ويسخرني له
الله يوفقك يارب ويسعدك ويسخرلك زوجك ويسخرك له ويجعل حياتكم كلها افراح يارب
سبحان الله وبحمده .. سبحان الله العظيم
اقتباس مشاركة  (فاضيه و مشغوله)
شوفي انا استخدم للرز الابيض ( رز باب الهند )

اغسليه بمويه اهم شي ما تكون بارده .. وانقعيه بمويه تميل للحراره .. المقدار كاسه

بعد ربع ساعه تقريبا بقدر تيقال صغير طبعا حطي حوالي ملعقتين الى 3 زيت عافيه او مازولا مع حبات بهارات كامله .. فلفل اسود هيل قرنفل .. وخليها شوي تنحمس

بعد كذا اشخلي الرز وحطيه على البهارات وقلبيه شوي .. بعدين تكوني مسخنه مويه شبه مغليه .. مقدار كاسين .. صبيه على الرز وملحيه المقدار الي تبغينه .. غالبا احط ملعقه صغيره لاننا ما نحب الملح مره .. وعلي النار عليه لحد ما يتبخر المويه وتشوفي حبات الرز .. بعد كذا حطي القدر على الحديده الدائريه الي تحمي القدر من الحراره العاليه عرفتيها ... وخلي الرز يتنشف
اوقات اقلب الرز وهو بالمويه بعد ماضيف الملح حتى يذوب الملح

اذا بغيتي تسوين الرز بالحبه الطويله الي هو الوليمه او ابو كاس .. زيدي مدة النقع لحوالي نصف ساعه الى ساعه الا ربع .. وبدل حمس البهارات بالزيت احمسيها بالزبده لكن انتبهي لا تحترق والباقي نفس الخطوات

ممكن تحطي ماجي للارز الابيض .. بدل البهارات والملح

اذا تبينه ابيض لا تطبخيه بمرق الدجاج او مرق اللحم

اطبخ كل واحد منهم لحاله مع بهارات كامله وورق غار .. واحمرها بصلصه مع بهارات وزيت زيتون .. واضيفه عليها برضو زعتر وهيل و شووووية سكر وملح وعلى الفرن للتحمير

الكشنه .. زيت على الطاوه وحطي عليها بصل حتى يذبل وضيفي عليه مسمنه وقلبيه بعد كذاحطي عليه الصنوبر والزبيب حتى يتشقرو وسكري عليه

وبالعافيه
الله يعطبك العافيه يارب بصراحه كفيتي ووفيتي

الله يوفقك يارب ويسعدك وينولك اللي فـ بالك
سبحان الله وبحمده .. سبحان الله العظيم


الساعة الآن 06:09 .