Analysis Services
السلام عليكم ورحمة الله وبركاته

بدون مقدمات

لادخلت قسم المعجنات أحس إني فاشله

ما اعرف اسوي فطاير ولا حتى اعجن عجينه

إذا عجنت ماتطلع زينه مع اني اخذ المقادير بحذافيره وشريت مقاييس للملاعق والأكواب
وشريت أحس طحين وخميره وبكنج بودر حتى علبة العجن يعني ماقصرت


المهم عرفت إن العيب فيني موب بالمقادير ولا بالعلبه

وجزمت إني احاول واحاول واحاول لين اصير فنانه وقرما

قمت أمس وتوكلت على الله وعجنت وياليت الكهرب انصك قبل لااعجن

عجنت عجينه تقل صلصال قلت إيه يمكن إذا دخلت الفرن تلين

وسويت حشوة سبانخ وجبن ودجاج

وحاولت أمد العجين بكامل قواي الجسديه والعقليه بإستخدام جميع المعدات المطبخيه

المهم إني استمتعت << إيه هين

ودخلتهن الفرن << وياليت الدبه فضت قبل ما ادخلهن

ويوم طلعن من الفرن وايلاهن تقل محنطات << عرفت سر التحنيط >> أمشي بس

واحاول ابذوق طعمه الا انكسر سني ونابي انقلع

وصارن من حظ ونصيب الحمام والعصافير الي بالوكاد << بالوكاد متعوبن عليه

جاهن اسهال مزمن وقرحه بالمعده .

ومن حسن حضي إن نايم ونسى إني قلتله أبسوي فطاير والا كان رجعت بيت أهلي أنا والمحنطات الي يقالهن فطاير

عاد امي تبلش بي بس ساده وراه ماعلمتن الطبخ >> كان مناه بس انتي دخلتي المطبخ

ودي اوريكن إياهن بس مقدر لسببين :

1/ أخاف اسد انفسكم .

2/ مستحيه من الهامورات بالعجن.

مايستفاد من تجربتي :

1/ إني ما اسوي نفسي اعرف وأنا من جنبه .

2/ إني ما اعرس مرتن ثانيه الا وانا متعلمه الطبخ << تأثير المحنطات

3/ إني ما ازوج بنتي إلا وأنا كارفته >> الحين تعلمي أنتي

4/ إن المقادير والعلبه مالهن دخل بالشطاره والقرامه << جبتي شي جديد

5/ واخيراً إني رح أحاول حتى لو كان على جثتي >> بسم الله علي

سبب كتابة الموضوع :

ودي وحدتن مثل حالتي نتجشع أنا وياه ونتسنع

وسلامتكن ..


<<<<< راحت تعجن >> خلوه سر بس أدعوله
25-07-1430 هـ, 11:33 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ياعمري خخخخخخخ الطرق الناجحه كثيره في المنتدى ليش ماتجربين

يا العيب فيك او في الفرن او في الطحين او انك ماتدهنين الفطاير علشان جذيه يطلعن متحنطات

بشرينا بالنتائج
25-07-1430 هـ, 11:39 مساءً
 
خخخخخخخخخخ

تجنن تجربتك

وانا كنت مثلك كل شي اطبخه الا المعجنات كانت عقدتي

جلست تقريبا 6 سنوات وانا احاول واغير الخميره والطحين واشوف السنعات وهم يعجنون

صحيح صرت اعرف اصلح فطاير بس ابد ماني مقتنعه فيها

الييييين اخيرا شريت عجانه ولله الحمد

تغيرت عجينتي 180 درجه ولله الحمد اكتشفت ان السر بطريقه العجن وكثر العجن

نصيييحه اشتري عجانه والله العظيم تحسفت على الايام والسنين اللي ماكانت عندي فيها عجانه
26-07-1430 هـ, 12:01 صباحاً
 
هههههههههههههههههههههههههههههههههه

والله عندك شي مهوب عند القرمات و هامورات العجين

عندك خفة الدم بسم الله عليك

و على قولة امي كل كره و اشرب كره و لا تقابل كره << والله مدري المثل في محله و الا ما عندي سالفه ههههه

يا رب يا رب تصيرين قمرا و قرما و كلبو شي زين

على قولة اختي اللي قبل جربي العجانه و ان شاء الله كل امورك تزين
26-07-1430 هـ, 12:09 صباحاً
 
اقتباس مشاركة  (نور البرق)
ياعمري خخخخخخخ الطرق الناجحه كثيره في المنتدى ليش ماتجربين

يا العيب فيك او في الفرن او في الطحين او انك ماتدهنين الفطاير علشان جذيه يطلعن متحنطات

بشرينا بالنتائج

هلا بالنور بإذن الله هذاي قاعدتن أجرب والضحيه العصافير والحمام

وأما العيب فيني ذي خالصين منه

الفرن تمام اسوي بوه كل شيء

وبالنسبه للدهن ماكبر كرشتي الا الزيت من كثر ما اكب

بإذن الله البشاير قادمه

وع فكره تراي عجنت ورح اشوف نتايج عجني >> تدعي من قلب يارب تستر
26-07-1430 هـ, 12:35 صباحاً
 


الساعة الآن 02:14 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏