السلام عليكم ورحمة الله وبركاته

بدون مقدمات

لادخلت قسم المعجنات أحس إني فاشله

ما اعرف اسوي فطاير ولا حتى اعجن عجينه

إذا عجنت ماتطلع زينه مع اني اخذ المقادير بحذافيره وشريت مقاييس للملاعق والأكواب
وشريت أحس طحين وخميره وبكنج بودر حتى علبة العجن يعني ماقصرت


المهم عرفت إن العيب فيني موب بالمقادير ولا بالعلبه

وجزمت إني احاول واحاول واحاول لين اصير فنانه وقرما

قمت أمس وتوكلت على الله وعجنت وياليت الكهرب انصك قبل لااعجن

عجنت عجينه تقل صلصال قلت إيه يمكن إذا دخلت الفرن تلين

وسويت حشوة سبانخ وجبن ودجاج

وحاولت أمد العجين بكامل قواي الجسديه والعقليه بإستخدام جميع المعدات المطبخيه

المهم إني استمتعت << إيه هين

ودخلتهن الفرن << وياليت الدبه فضت قبل ما ادخلهن

ويوم طلعن من الفرن وايلاهن تقل محنطات << عرفت سر التحنيط >> أمشي بس

واحاول ابذوق طعمه الا انكسر سني ونابي انقلع

وصارن من حظ ونصيب الحمام والعصافير الي بالوكاد << بالوكاد متعوبن عليه

جاهن اسهال مزمن وقرحه بالمعده .

ومن حسن حضي إن نايم ونسى إني قلتله أبسوي فطاير والا كان رجعت بيت أهلي أنا والمحنطات الي يقالهن فطاير

عاد امي تبلش بي بس ساده وراه ماعلمتن الطبخ >> كان مناه بس انتي دخلتي المطبخ

ودي اوريكن إياهن بس مقدر لسببين :

1/ أخاف اسد انفسكم .

2/ مستحيه من الهامورات بالعجن.

مايستفاد من تجربتي :

1/ إني ما اسوي نفسي اعرف وأنا من جنبه .

2/ إني ما اعرس مرتن ثانيه الا وانا متعلمه الطبخ << تأثير المحنطات

3/ إني ما ازوج بنتي إلا وأنا كارفته >> الحين تعلمي أنتي

4/ إن المقادير والعلبه مالهن دخل بالشطاره والقرامه << جبتي شي جديد

5/ واخيراً إني رح أحاول حتى لو كان على جثتي >> بسم الله علي

سبب كتابة الموضوع :

ودي وحدتن مثل حالتي نتجشع أنا وياه ونتسنع

وسلامتكن ..


<<<<< راحت تعجن >> خلوه سر بس أدعوله
ياعمري خخخخخخخ الطرق الناجحه كثيره في المنتدى ليش ماتجربين

يا العيب فيك او في الفرن او في الطحين او انك ماتدهنين الفطاير علشان جذيه يطلعن متحنطات

بشرينا بالنتائج
عذرا لم اكن متواجده في الايام الاخيره لعطل في الاتصال


لسرعة التصرف مع شكواك في قسم الشكاوى وضحي في اي قسم الشكوى من العنوان لكي تدخل المشرفه المختصه بالقسم

اسأل الله العظيم ان يشفيني وجميع مرضى المسلمين
اختي العضوه حرم الله الغيبه والنميمه وتتبع عورات المسلمين والتشهير بهم

اوصيكم بايتام سوريا خيرا فهم ايتام الامه اكفلوهم في الدنيا يكفلوكم في الآخره
خخخخخخخخخخ

تجنن تجربتك

وانا كنت مثلك كل شي اطبخه الا المعجنات كانت عقدتي

جلست تقريبا 6 سنوات وانا احاول واغير الخميره والطحين واشوف السنعات وهم يعجنون

صحيح صرت اعرف اصلح فطاير بس ابد ماني مقتنعه فيها

الييييين اخيرا شريت عجانه ولله الحمد

تغيرت عجينتي 180 درجه ولله الحمد اكتشفت ان السر بطريقه العجن وكثر العجن

نصيييحه اشتري عجانه والله العظيم تحسفت على الايام والسنين اللي ماكانت عندي فيها عجانه
لا اله الا الله سبحانك اني كنت من الظالمين
هههههههههههههههههههههههههههههههههه

والله عندك شي مهوب عند القرمات و هامورات العجين

عندك خفة الدم بسم الله عليك

و على قولة امي كل كره و اشرب كره و لا تقابل كره << والله مدري المثل في محله و الا ما عندي سالفه ههههه

يا رب يا رب تصيرين قمرا و قرما و كلبو شي زين

على قولة اختي اللي قبل جربي العجانه و ان شاء الله كل امورك تزين
اقتباس مشاركة  (نور البرق)
ياعمري خخخخخخخ الطرق الناجحه كثيره في المنتدى ليش ماتجربين

يا العيب فيك او في الفرن او في الطحين او انك ماتدهنين الفطاير علشان جذيه يطلعن متحنطات

بشرينا بالنتائج

هلا بالنور بإذن الله هذاي قاعدتن أجرب والضحيه العصافير والحمام

وأما العيب فيني ذي خالصين منه

الفرن تمام اسوي بوه كل شيء

وبالنسبه للدهن ماكبر كرشتي الا الزيت من كثر ما اكب

بإذن الله البشاير قادمه

وع فكره تراي عجنت ورح اشوف نتايج عجني >> تدعي من قلب يارب تستر


الساعة الآن 08:15 .