اولا السلام عليكم بنات حواء ...


اليوم داخله ولاول مره اطلبكم طلب .. لااا تفشلوووني

بنات انا طبخي ماله طعم ماادري ليه ..وربي اكسر الخاطر

اسوي نفس المقادير اللي يسوونها الناس وماتطلع زينه ... واتفشل عند زوجي

يعني انا توني مالي الا سنه متزوجه .. وودي اتعلم بشكل ماتتصورون

كل الطبخات اللي نزلوها البنات الله يعطيهم العافيه حفظتها عندي وكل يوم اسوي وحده

ومااحس اني مره بالطبخ بس ابي اتعلم ..



واعطيكم مثال : في طبخه اخذتها وهو اني اسوي حمسة الدجاج .. لما سويتها طلع الدجاج ماجاد ليه ..

وغيرها كثير من حلويات وغيرها ..


مع اني احب اطبخ وبهارات مااعرف الزين والشين بس اخذ من بنده .. مااعرف اختار


تعبت من هالحاله ...

حتى اخوات زوجي يضحكون مني عنده .. وهو يقعد يصرف يقول توها عروس ومع الوقت بتتعلم ..


وابيكم تقولون لي شئ يفيدني لاني ماادري وشو المشكله ..


والله لادعيلكم من كل قلبي .. لاتفشلوني
26-07-1430 هـ, 03:12 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ولايهمك يابنت الحلال ولاتضيقين خلقك...مع الوقت بتتعلمين ...انتي اللي ينقصك الخبره بس...والطبخ بسرعه تتعلمينه ان شاء الله وتاخذين الخبره...وكل الطباخات واللي اكلهم حلو ماتعلموا بين يوم وليله...عموما اذا محتاجه مساعده لايردك الا لسانك...اي شي تبين اساعدك فيه ارسلي لي ولاتستحين وانا مستعده اعطيك وصفات بالتفصيل والمقادير المضبوطه...
26-07-1430 هـ, 03:41 صباحاً
 
انا ليا سنة ونص والله اتزوجت وانا الرز الابيض ماعرف اصلحه لهدرجة وجلست اربع شهور لحد مااتقنت الرز الابيض لاحظي الرز بس و بديت شوي شوي اتعلم يعني كثيييييير طبخت وخرب وكان زوجي زي زوجك يتحمل لانو عارف انو مع الوقت رح اتعلم الحمدلله مااقولك صرت طباخة ماهرة بس صرت طباخة مبتدئة بس ممتازة ههههههه والحمدلله ووصلت لدرجة اخترع انا من راسي ويطلع كويس
وحسيت الطبخ وخاصة الوجبة الرئيسية عندنا اللي هيا الغداء عبارة عن ثلاث اجزاء
لحماو دجاج+خضار+بهار+مكرونة او رز

وانتي اتفنني عاد مثلا
((مره دجاج+بهار كاري+الخضار فلفل رومي وبصل ))>>>هذا رح يكون لك طبق +طبق رز ابيض
وابدأي انتي ابتكري انواع خضار وانواع بهارات ولا صوص وعند المنتدى يساعدك اهم شي لما تبدأي تدخلي المطبخ خليكي جريئة يعني قوي قلبك وكأنك طباخة ماهرة
والله انا من كثر ثقتي بنفسي احيانا زوي يسالني هاذي الطبخة كنتي تسوينها عند اهلك وهوا انا مخترعتها


بس حبي الطبخ من قلب يعني انا اول كنت باطبخ لانو ماابغى اطلع قدام زوجي وامه اني مااعرف اطبخ والله كنت كل مااطبخ لازم تخرب
بعدين حبيت الطبخ وصرت انا بطبخ لاني احبه واتسلى فيه وومن وقتها صار طبخي يزبط وزوجي يمدحه والحلى لاني مااحبه شوفيني لما اجي بسوي حلى عشان زوجي لازم يخرب لاني مااسويه وانا احبه لا بسويه والسلام

يعني حبي الطبخ واستمتعي به
وان شاء الله اكون افدتك
26-07-1430 هـ, 04:22 صباحاً
 
ان شاء الله مع الايام تصيرين احسن
ملاحظة بهارت بندة اشكال ...ليش ماتختارين من العطارين على كيفك مثلا ثوم ناشف ,بصل ناشف.. كمون يخلي ريحة الاكل ياسلام
الله يوفقك ان شاء الله
26-07-1430 هـ, 04:33 صباحاً
 
يعطيكم العافيه بنات والله اني مررره متحمسه بس بسال كم سؤال تحملوووني

1.البهارات وشهي يعني اللحم وش معه والدجاج وش معه وكل شئ له بهااار ياليت تعلمووووني

2.الفطائر عجينتي تمام بس لما اسوي كروسان وادخلها الفرن واطلعها مافي ملامح كروسان صايره خيزه مستطيله الطعم حلو وقطنيه بس هذا عيبها

3.اللقيمااات وهي عقدتي .. العجينه تجي كانها علكه لما اكلها وانا مااخذه الطريقه منكم ..

4.حشوة السمبوسه مااعرف اسويها .. انا اسوي لحمه عاديه مكشنتلها وفي الاخير احط البقدونس ويجي طعمها موووو حلو ..

5. الشيره تجي سكر بعد مااحطها على اللقيمات تصير كانها متكسره وانا اسوي نفس طريقة البنات ...

كاني زودتها .....

ياليت اللي تعرف تعلمني..
26-07-1430 هـ, 04:47 صباحاً
 


الساعة الآن 06:51 .