Analysis Services
[quote=الحلوه جوجو;32714498]يعطيكم العافيه بنات والله اني مررره متحمسه بس بسال كم سؤال تحملوووني

1
اقتباس مشاركة
.البهارات وشهي يعني اللحم وش معه والدجاج وش معه وكل شئ له بهااار ياليت تعلمووووني

انا ما استخدم البهارات المشكلة الا نادر والنوعية الي عندي تعبت حتى لقيتها ومن معرض ايراني بالمملكة ريحتها كانت حلوة غالب عليها الكمون وحرارتها عادية
او اعمل بهاراتي المشكلة بنفسي اغسلهم وهم حب وانشفهم وبعدها احمسهم على خفيف واطحنهم
للحم اهم بهارات له الفلفل الاسود المطحون والكزبرة الناشفة والكمون والفلفل الاحمر البارد
وعلى حسب الكشنة يعني اذا طابخة طبخ خليجي تحطين هيل
وتقدرين تستخدمين المسمار (العويدي ) بعد

الدجاج الفلفل الاسود والقرفة والهيل والكزبرة الناشفة والكركم

بالنسبة لطبخ الدجاج او اللحم مهم يكونون من نوعية جيدة مافيهم زنخة

لما تسلقين اللحم او الدجاج اول تتاكدين انك تشيلين كل الزفرة من الماء قبل وضع اي بهارات او اي اضافات
تقدرين تضيفين مطيبات مثل الكراث والبصل الكامل والجزر والكرفس للمرقة ويعطر اللحم او الدجاج


2[quote].الفطائر عجينتي تمام بس لما اسوي كروسان وادخلها الفرن واطلعها مافي ملامح كروسان صايره خيزه مستطيله الطعم حلو وقطنيه بس هذا عيبها
[/

QUOTE]

معناها العجينة مو مناسبة
او انك ماترقينها رقيق
الكراوسان مهم ترقين العجينة رقيق لتبان فيها طبقات العجين


[quote].اللقيمااات وهي عقدتي .. العجينه تجي كانها علكه لما اكلها وانا مااخذه الطريقه منكم ..
[/



QUOTE]

معناها تعملينها بالنشا او البطاطا

خذي طريقتي سهلة وتو علمتها شغالتي وهي جديدة وميح جدا بالطبخ وماتعرف القلم من كوز الذرة
كاس طحين بر ويفضل الطحين الاماراتي او السعودي بالنخالة الخفيفة
نص كاس طحين كويتي

وتقدرين تعمليه كله بطحين كويتي

ملعقة سكر
كلعقة خميرة فورية
ربع ملعقة صغيرة ملح
وتعجنيه بعلبة زبادي افضل تدفينه او تتركينه بحرارة الغرفة وتعدلي الخليط بالماء لحد مايصير عجينة متماسكة لكن سائلة

تتركيه يتخمر وبعدها اقليه بطريقة قلي اللقيمات

4[quote].حشوة السمبوسه مااعرف اسويها .. انا اسوي لحمه عاديه مكشنتلها وفي الاخير احط البقدونس ويجي طعمها موووو حلو ..
[/

QUOTE]

يمكن نوعية اللحم مو كويسة

افضل شي تشوحين اللحمة بروحها بدون ماء ولا زيت حتى يتبخر مائها ويروح اللون الاحمر منها

وبعدها تجهزي خلطتك الي هي مثلا بصل تذبليه بالزيت وتضيفي له اللحمة وبعدها البهارات وهي ربع ملعقة صغيرة بهار مشكل ويفضل االكاري وبالسوبرماركت تلاقين ماركات مختلفة خذي ماركة جيدة حتى لو غالية او وصي زوجك يشتريه من محلات هنود وكمون مطحون وكزبرة وفلفل اسود وكركم وفلفل احمر (بابريكا )
وعدلي ملحها
واضيفي لها الحشايش
لسمبوسة اللحم الافضل تستخدمي الشبت مع الكراث


5
اقتباس مشاركة
. الشيره تجي سكر بعد مااحطها على اللقيمات تصير كانها متكسره وانا اسوي نفس طريقة البنات ...

كاني زودتها .....
معناها انك لما تعملين الشيرة ما تنتظرين السكر يذوب وتضيفين الليمونة

او انك اصلا ماتضيفين ليمونة للشيرة بعد ما يذوب السكر

26-07-1430 هـ, 11:43 مساءً
 
انا تزوجت وما بعرف شي ومع الوقت تعلمت وصرت اعرف اطبخ ولحتى الآن ولي 9 سنوات متزوجة ممكن نفس الطبخة مرة تزبط معي ومرة ما تزبط معي حسب المزاج يعني
26-07-1430 هـ, 11:57 مساءً
 
بالنسبه للرز انصحك بهالطريقه ماشاء الله سواءا كان معاه لحم او دجاج

وطبقيه بحذافيره

http://forum.hawaaworld.com/showthread.php?t=1806471
27-07-1430 هـ, 01:07 صباحاً
 
عندي فكره اذا ماتعرفين تعجنين اشتري هجانه وحطي نفس مقادير البنات وتضبط معك
27-07-1430 هـ, 01:50 صباحاً
 
ياعمري ذكرتيني بنفسي وعلومي من اول يوووووووووووه بس جيت بيت زوجي وانا ما اعرف من المطبخ غير الشاهي والبيض بس

المهم مع الاياااااااام صاااار الوضع متأزم واضطرت اتعلم ما همني احد كثر زوجي كان ودي ارضيه والكتب متوفره والنت بعد لكن

وش تقولين مضيعه الطبخ خير شر حتى القهوه ما كانت تنشرب من يدي ابدا وما كنت اقول لامي وام زوجي ما ساعدتني كثر ما كانت

تعيب علي مع الوقت عرفت اني ازود البن احط فنجال شاهي ونص بن والان نص الفنجال يكفي لقهوتي وما احلى منها تنشرب كلها

يعني مو بين يوم وليله تصيرين طبااااخه يبغالك وقت لحد ما تكتسبين خبره وتعرفين تقدرين للطبخه صح

انا مو طبااااخه لكن مبتدئه واتمنى اصير طبااااخه لكن مو مستعجله عارفه مع الوقت بتعلم بس الاكيد ان زوجي لاحظ على تقدمي

في مجال الطبخ واثني علي خااااااصه في الحلى والمعجناااات والسلطات ومره عملت مخلل وسلطة فواكه وقهوه فرنسيه وايس كريم

وانبسط عليها مررررره >>>الزبده خذي راحتك في التعلم ولا تشطحين لبعيد ابدأي من اطباااااق سهله الى وسط وهكذا موفقه
27-07-1430 هـ, 02:33 صباحاً
 


الساعة الآن 02:06 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏