بسم الله الرحمن الرحيم

بنات الإمارات، و الأخص أبوظبي، شورو علي في مشروعي اللي اقترحته الإخت (شذى المدينه)، و اللي هو (اذا توفرت لديك موهبه اتقان المكياج ما رأيك باستغلال غرفه من غرف المنزل وتجهيزها تجهيز بسيط مثل ادوات المكياج واحتياجات تسريحات الشعر
وابدأي باستقبال الاقارب اولا ثم الجيران وووو............. بسعر رمزي على الاقل في البدايه)

أنا و الحمد لله عندي موهبة في المكياج، و كويسه في تسريحات الشعر. المشكلة إني أبغى استغل غرفة عندي بالشقة عشان اسوي هالمشروع الصغير، لكني خايفه أنه ما يلقى الصيت اللي أبيه، خاصة إنه لازم يكون لي راس مال عشان المكياج (ماركات طبعاً، و بألوان تناسب كل أنواع و ألوان البشرة). سؤالي هو (إذا سمعتِ عن وحدة تعدل النسوان في بيتها، و بأسعار زينة، بتروحين لها ولا لأ، عشانك مب واثقة فيها؟) و هل تعتقدين إني بنجح في هذا المشروع، خصوصاً إني ساكنة في أبوظبي، و تعرفون صالونات أبوظبي و المستوى اللي متعودات عليه البنات هني. كنت أفكر بعد إني أسوي (house calls). إني أروح لبيت البنات إذا كان عددهن يزيد ع 5! فهل هذا بيكون زين ولا لأ؟ و قولوا لي الأسباب دخيلكن.

أبي أرمس زوجي في هذا المشروع، بس قلت اسالكن أول (و طبعاً كل عضوات و زائرات المنتدى بليز بعد ابغيكن اتشورون علي).

و آسفه إذا طولت عليكن
أتريا منكن الشوره
الله يحفظكن
يوم تكون في دارهم.... دارهم!
هالموضوع منتشر وايد ها اليومين ...
صالونات منزلية ...
وما شاء الله ما شين وشهرتهم كبيرة ..
وعن الثقة موكل الناس يوثقون ..خاصة الشقق ..أنا أعرف وحدة ريلها ما يرضى يوديها بيوت صديقاتها إذا في شقق ..
بس إنتي تقدرين تبدأين يالمقربين وحاولي تكون مناسبات مهمة عسب الشهرة...وبنات بوضبي ما شاء الله غير ..ويبغي لج راس مال للماركات ...ولاتبدين بدون الماركات خلي بدايتج قوية
وأتمنى الله يوفقج...
ِأحزان قلبي لن تـــــزول............ . حتى أبشر بالقبــــــــــ ول
وأرى كتابي باليميــــــن.... ....... وتقر عيني بالرســـــــــو ل ِ
نيران قلبي في اشتـــعال........... من خوفِ ربي ذي الجلال ِ
فاعفو وسامح يا كـريــم......... واغفر ذنوبا ً كالجبـــــــــا ل ِ


ترانيم الحياة

مشروعج بيكون ناجح بس يريد منج ثقة كبيرة بنفسج و بتطلع كل مواهبج و انا متاكده انج ما دام نويتي تسوي هالشيء بتبدعين فية و علي بسوي لج دعاية كبيرة حتى لو ما جربتج...

شدي الهمات و استعدي و صدقيني انج بتنشهرين بسرعه.. بس عطي نفسج ثقة..
انا وحده من بوظبي

وممكن اجيكي لبيتك وتسوي لي مكياج ..

واذا عجبني انا بسويلك دعايه في دوامي وبين اهلي وصديقاتي


وانا برائ انه احتمال كبير تنجحين وخاصه اذا عجبتي زبوناتك بيديع

صيتك بين البنات وبتنشهرين اهم شي انك في البدايه توثقين في كل خطوه تسوينها

والنجاح من البدايه شي مستحيل ..كل شي يجي اشوي اشوي ..والله الموفق

ودمتم سالمين.


الساعة الآن 05:34 .