بنات أنا من شهرين يمكن دخلت الموضوع وبدأت التوفير !!!!!!!!!!!!!!!!!!!!


أول شهر :
حسبت المشتريات من الجمعية بدقة وما اشتريناش أشياء زيادة فقط اللحوم والدجاج والخضروات لأسبوع واحد فقط !!

وانواع بسكوت عادية ..................... بصراحة يمكن كل التوفير اختلف 300 ريال عن الشهر اللي قبله .

والشهر اللي بعده وفرنا أكثر شوي .........................


ولكن ما الفائدة من التوفير إن لم يكن لدي هدف واضح ؟؟؟ وانا لم أخطط لشيء ( بناء بيت أو شراء شقة ) لني غير مستقرة ببلدي ولا أعرف متى سأستقر ووجدت من الصعب علي أن أبني منزل وأتركه سنوات او سيستفيد منه الأقارب كفندق ينزلون به وربما لا يعتنون به كما يجب !! ثم إن الأثاث بحاجة للعناية ................ والمنزل سيحتاج لصيانة رغم أننا لا نقيم فيه !!! وحين يحين وقت الإقامة به ربما يكون رونقه قد ذهب .....................


فنصيحة للتي تريد التوفير أن تحدد الهدف !!! أولا حتى تتشجع ويكون نصب عينيها الهدف واضحا.
بنات تسلمون علي هذا الموضوع المفيد وهذا الاهتمام
انا بصراحه ميزانيتي كلها 5400
السواق 800
والشغاله 600
والباقي 4000
وطبعا هذي ميزانية البيت والله العظيم قد ماحاولت اوفر يادوووب بالقوه اكمل اخر الشهر يعني
اجيب الرز والسكر والدقيق بالجمله والمعلبات مثل الجبنه والقشطه
اما الخضار فان من شريت الفريزر حق التخزين وانا ارتحت يعني صرت اجيب كميه من الحلقه واغسلها وقطعها وحطها بالفريز والطماطم بعد اشري من الحلقه برخص كم كرتون واعصرها بالخلاط وحطها بالفريز حق الكبسه والايدامات
بس الي نكد علي هذا البنزين
كل يوم اعبي السياره اقل شئ 20 ريال

يعني تقريبا 600 ريال بشهر
وهذا اقل شئ طبعا
بصراحه ان بقدر ما اقدر اوفرها الي اخر الشهر بس كنت ابي احاول اوفر منها فياليت وحده كذا تسوي لنا ميزانيه يعني الي ميزانيتهم 4000 نسوي لها علي قدر الاربعه ونشوف كم وحده قدرت توفر باخر الشهر ومن الي نجحت توفر ومن الي لا
وش رايكم يمكن يصير تنافس ونحاول نوفر شوي

وتقبلووو تحياتي جميعا
اختي مها الله يردك لبلدك سالمه غانمه بس اختي وفري وممكن تشترين لك شقة وتاجيرنها يعني مشروع تجاري يدخل عليك ربح
مو شرط بالاول يكون بيت تسكنين فيه وبعد ماتستقرين بلدك تقدرين تفكرين بيت العمر
والله يوفق الجميع امين
اختي غيوم ...ممكن اسوي لك ميزانية....
لكن ارسلي لي على الخاص اذا بغيتي.......
محتاجة خدامة مرة بالاسبوع بشمال الرياض

قصتي مع التبذير والحين مع البخل بس مو مقره على نفسي.


انا كنت اشتغل وبحكم الشغل والبنات والمظاهر كنت اشتري اي شي لدرجه ان ماركتي المفضله ايف سان لوران وكريستيان ديور وهذا طبعا غير الملابس من برى كان عندي اشتراك في اكثر من كتالوج وراتبي كان 4930 ريال .والموبايل ووالاكل .وعلبه المناكير ب 80ريال وما كان يهمني ادفع اي شي.

بعدها طلعت من الشغل هنا حسيت بالدنيا غير فكرت كيف اتصرف طيب تعلمت الخياطه وصرت اخيط ملابس البيت فكرت قلت ليه اروح السوق واربح المحلات دائما اللي يشتغلون في المحلات لهم عموله من صاحب المحل عشان كذا عندهم طريقه في الاقناع فبطلت اروح السوق الا في الاعياد والاعراس وقطعت علاقاتي مع صديقاتي اكتفيت بخواتي هم صديقاتي .

مع اني كنت اروح السوق كل اسبوع واحيانا بعد الدوام امر اي مجمع واشتري .

الحين عندي في البنك مبلغ صغير لكن الحمدلله الله فكني من التبذير اللي ارتحت منه مثلا قطعت خدمه الصفر الدولي من التليفون واللي هي خدمه الموبايل واكتفيت بالبطاقه وصرت افكر قبل ما اروح الجمعيه مثلا مطهر الحمام(الله يكرمكم) اللي هو الديتول تقريبا 6 ريال وعلبه صغيره ما تكفي رحت رامز وخذت علبه كبيره 10 لكنها اخذت معي الى الان 3 شهور ليه لاني حددت تعرفون ( فنجان القهوة التركيه)طبعا 3 فناجين لكل سطل مع الماء الحار وتطلع الريحه روعه وتطول طول اليوم.

وبالنسبه للاكل اقارن بين الاسعار في الجمعيه طبعا اخذ الارخص .
وبالنسبه للمطبخ ما عندي كثير ادوات مطبخ شي بسيط.
بس مره دخلت مطبخ امي وما طلعت منه الا بحوالي 30سكين تصوروا و50 ملعقه يعني امي لو تفتح مطعم احسن لها . قلت لها اللي تبينه خليه واللي ما تبينه تصرفي فيه .
امي اكبر مبذره بس الحين انا قاعده لها وصدقوني تغيرت صارت تفكر صح.

وانا اجمع المبلغ مو علشان حب الدنيا لكن الدنيا ظروف لو اانا لا قدر الله وقعت في مرض لو بسيط وحتى اسافر او اتعالج بالخاص.وبعيد عن المرض لو حبيت افتح مشروع القى فلوسي عندي .

واهم شي لازم تخففوا من السوق اذا حسيتي انك بتروحي السوق شوفي اطفالك اذا احد منهم ضعيف في ماده معينه دخليه مركز تعليمي احسن له.

وبالنسبه للملابس .انا اذا صارت عندي ملابس قديمه خيطتها ماسك للاواني.

واذا عندي صندل صار قديم وانقطع واخترب اصلحه عند صاحب الاحذيه واذا ما كوا فايده منه قصيته وعملته نعال(الله يكرمكم)

وبالنسبه لفوط الجسم اذا صارت قديمه خليتها للمطبخ .

ودايما اعمل فرز لاغراضي واذا لقيت بلوزه ضاقت الاكمام على قصيت الاكمام وخليتها نصف كم.

وبقول لكم قصه اختى: والله انها كانت تلبس اولادها ملابس خلاص اهترت ليه بس كانت محتفظه بملابسهم الجيده للطلعات والزيارات لانها كانت تخطط هي وزوجها يبنون بيت والحمدلله في خلال تقريبا 2 خلصته طبعا اللى اخرهم الشركه والاضافات اللي هم اضافوها . لكن مشاء الله طلعت فيلا روعه جاب لهم قيمه ضعف المبلغ .هم بنوه 350000 وجاب لهم 800000 انا ما صدقت لان الفيلا صغيره مره.


واذا تذكرت شي من طرق التوفير اخبركم.


الساعة الآن 02:41 .