أفكااااااااركم روعه ..

لكن ماعندكم أحد يطبق .. حاولت كم مره ولا التزمت ..

وأفضل طريقه لقيتها ....

توفير جزء من الراتب في البنك وعدم استخراج بطاقة صراف لهذا الرصيد ..

مثلا اللي راتبهم سبع ألاف .. ياخذون أربع الاف في الرصيد الجديد وثلاثه للاستهلاك ..واذا بقا شي من رصيد الأستهلاك يوفر للشهر الجاي والشهر الجاي يسحبون خمسه مثلا ..

الزبـــــــــــ ـــده ..

خلوا رصيد الأستهلاك على قدكم ولايزيد عن حاجتكم .. في البدايه ممكن تتعبون لكن بعدين تتعودون ..

لي طلب أخير ....

اللي بتجرب الطريقه وونفعتها .. لا تنساني بدعوه في ظهر الغيب أن الله يسر أموري ويرزقني بالذريه الصالحه يااااااارب ..
استغفر الله
بالنسبة لي فاتحة حساب توفير في البنك وشهريا يتم اقتطاع مبلغ 3000 درهم للتوفير

و عندي قرض ***** الله راح يخلص ي شهر ديسمبر و البنك ياخذ منه 3427

و من غير القسط الشهري اللي ياخذه البنك لبطاقة الكريدت

المهم الباقي من الراتب طبعا ينصرف على :

فواتير التلفون + الموبايل + الانترنت

مشتروات الجمعية

و الحمدلله

بس الحين افكر ان اوفر بطريقة اخرى ايضا بالاضافة للاشتراك في جمعيه

و لما قريت الموضوع الصراحة عجبني وايد و اخذت اكار جديدة و حلوة و خاصة اني توني متزوجة (من شهرين تقريبا)
فبالتالي راح تنفعني افكار و خبرات الاخوات الاعضاء للوقت الحاضر و المستقبل

و جزاكم الله خير
اهلين حبيبتي ...

بالنسبه للتخفيضات تكون كل موسم مرتين نصف الموسم 30% ونهاية الموسم 50% او 75% ..والموسم
ثلاثه اشهر ..

يعني بمعدل كل ثلاثه شهور اربع بدل لكل واحد .. من غير البيجامات والملابس الخاصه بالبيت

والملابس ابدا ما اكررها اذا رحت لاحد >>>>> لان زياراتي قليله
تصدقون عاد اني اعرف وحده راتب زوجها 14000 ريال تصرف منه 7000 فقط ويوفر زوجها الباقي اقسم بالله يا بنات انه تزوج عليها وحده بسن بناته

المهم لا تضيقين على نفسك بزيادة علشان التوفير ولا تكونين مسرفة واستغني عن المصاريف الزايدة اذا كانت تأثر على المصاريف الأساسية
والله أفكار ممتازة أنا ممكن اعطي نصائح لكن ما أطبقها لأني لا أستطيع وتخيلوا بدبي نحسب حساب كل شي لكن مجرد ما نطلع أي سنتر ندفع على الأقل 200 درهم عشاء وقطعتين ملابس للأولاد.


أنا جربت قطع العشاء من برا لا برجر ولا بيتزا والنتيجة ............. توفير وتحسن صحة الأولاد لأ ونورت وجوههم وصارت خدودهم حمراء.


العصير مال الروابي ومرموم والذي منه فقط يوم بالأسبوع لما نروح الجمعية يعني 10 ليتر فقط .

الخس كنت أرمي بالزبالة نصف الخسة صرت أغسلها كويس وأنقعها بالماء وتنظف.

تصدقون انه محارم الحمام الكلينكس كنت أشتري كميات من أرخص نوع وأستخدم كميات فوق الحاجة ثم جربت مرة أرفه نفسي واشتريت أغلى نوع معطر وفرنسي من الكارفور وطلع أوفر تصدقون هالحكي ؟؟؟؟؟؟؟؟؟؟؟

أحيانا لما تشترون الغالي يطلع أوفر لأنك تستخدميه باقتصاد بدون تبذير.

اشتروا للأولاد أحذية غالية جدا 200 ريال تدوم وتدوم وصحية للأطفال ولا تشعري أنك تريدي تغييرها كل شهرين أو ثلاثة !!

صرت أشتري عبايات أم 400 ريال وألبسها وأحافظ عليها وأغسلها باليد وما أمل منها لأني عارفة قيمتها.

بنات صدقوني أكل المطاعم يجب إلغاؤه كان ماخذ مصروف كبير.

لكن مع هذا أعود وأصرف وأصرف .


الساعة الآن 07:11 .