خذي من عند المحامص
قولي ابي قهوه ملكيه
هي الي بها خلطة الاشنه والمستكه
قهوه مميزه وتصك بالراس
29-07-1430 هـ, 03:46 صباحاً
 
up
29-07-1430 هـ, 05:42 صباحاً
 
شوفي حبيبتي اذا كنتي من شرق الرياض

فيه محل ورا العثيم مول الجديد اللي علي طريق خريص

عنده قهوه خيال اسمها قهوة الشيوخ ااعتقد ب 35 ريال بس

ولونها يجنن بس انتي تحطين شوية حليب معها وهيل

والاهي محموسه زين بشيبه ومعها زعفران ومستكه

انا لي سنتين اخذ من عنده روووووعه

الحين صار 3 شهور من شريت منه وماتغيرت

لاني حاطتها بالفريزر واول ماسويها تفوح ريحتها وكأنها جديده

جربيها وادعيلي
29-07-1430 هـ, 06:56 صباحاً
 
>>>>راعي الهلسة ومادري انها من مخيبياتة ياحلالي

اقول اتبعي الامر الأتي
جيبي خيشة قهوة واحسن شي الهرري الغالية قولي ابي افضل نوع من الهرري اسمها الخير يجي منها غالي اللي هو الزين ويجي ارخص

نقيها واغسليها راح تطلع لك بلاوي >> تعرفين الغربة خخخخخ بما اننا قصمان نبي نعمق باللغة

الوسخ اللي ينزل منها يميل للسواد وريحة

بعدها حطيها بمشخال
كبيها بصينة وحطيي المروحة عليها او مروحة المكيف وكل ساعة قلبي يوم واحد انا احطة من الصبح وبالليل اشيلها

خوذي مقدار كيلو وحطي معة شوي مستكة >> اطلبيها من العطار قولي حقة القهوة
وحطي شوي شيبة >> بعد من العطار
واحمس بالفرن خلي الفوقي شغال قلبي لين تصير شقراء لاتغمقيها
خوذي منها قد الطحنة وحطي معه >> شوي زعفران عشان الزعفران ينخلط معها
لمى تجي تسوي القهوة .. خلي النار عالية مو واطيه وافتحي غطاء الابريق عشان ماتطيش خليها ربع ساعة
بعدها اتركيها تصفي
و
حطي ملعقة صغيرة مبيض القهوة وشوي قرنفل وهيل حطيهم بالترمس وصبي القهوة
وادعيلي

انا كانت قهوتيوماخلية شي >>هالمملوح مايشربهاالابرمضان وانا موراعية قهوة
ومع ذلك جلست احوبر لين لقيت قهوة صافية فاتحة اللون لذيذة الذاق ريحتة تصك الراس

خلاص قرقر
ونجاح القهوة من الماء المفلتر
وباقي القهوة المحموسة بدون طحن تحفظ بالفريز
29-07-1430 هـ, 06:57 صباحاً
 
تدريييين وش سر الون في القهوه تطلع صفراءكانها مزعفره ،،،،،صفار الزعفران الي علبته بيضاء والغطاء ازرق،،،اخلطي هيل وزعفران اصلي وشوي عويدي وصفار كل نوع ملعقه وحطيها في علبه وكل ماسويتي قهوه حطي ملعقه منها لاتكثرين ،،،طبعاقبل تخلص القهوه بدقايق،،،اتمنى اني افدتك،،وفهمتي علي،،ودعواتك واي وحده تسويها تكفوووووون لاتنسوني من دعاكم،،
29-07-1430 هـ, 06:59 صباحاً
 


الساعة الآن 09:25 .