ماشاء الله ميرندا وصلت

عاش من شافك .. حبيت ارحب فيك لأن من زماان متابعه لموضوعك الشيق وفجأه انقطعت اخبارك عنا
هلا وغلا فيك يالغلا

احترامي لك ولما تقدمينه للمنتدي
حبيبتي ميرندا ...

مشكوره يا الغاليه على ردج و الف شكر على وسع صدرج في تقبل النقاشات ...

حبيبتي بالنسبه للمشروع الثاني ابغاه يكون مجرد "صالة ترفيهية للألعاب" ...
لأن المحافظة اللي أنا فيها مافيها شي ترفيهي ابداً... اذا الناس يبون يترفهون يا ينزلون السوق اللي هو عبارة عن عدة محلات في شارع واحد ... أو تروح الحرمه فيهم للمشاغل اللي رغم بساطتها الا انها كثيره و في كل شارع وزاويه بهالمحافظه أو يطقون مشواير إلى المدن القريبة منها للترفيه عن انفسهم و أطفالهم سواءً كان بمطعم للعائلات أو مدن الألعاب لافتقار هالمنطقه لهالشي...
أدري ان كلامي ما يبدو منطقي بس هذا الواقع ... ماكو الا مطعم واحد للعوائل ومحد يدخله لأنه مطعم صيني والناس هناك ما يحبون هالشغلات فتحسين المطعم مقتصر على شريحه معينه من الناس...
والسكان هناك تعودوا على هذي الشغلات و على المشاوير بس بالنسبه لي يمكن لأن صار لي بس سنتين و 7 شهور "فترة زواجي" جاتني كآبه من المكان هذا ...
ففكرت ماذا لو أني سويت مركز ترفيهي ... بحيث مو بس انا اللي استمتع فيه بس كثير من الحريم اللي هناك يشتكون من هالشغله بس ما بيدهم شي ...
فقررت اني ابتدي بهالمشروع .. مع ان زوجي يقول انها فكرة سيئه بس الحريم الكثير اللي اعرفهم هناك أكدوا لي انهم يتطلعون لهذي الفكره ... ممكن الفكره ماتلاقي قبول من الرجال في البدايه لأن شي جديد عليهم بس مع الوقت راح يتعودون...
و بصراحه أنا ودي بهالمشروع بعد عشان المنطقة توها بدت تنتعش التجاره فيها ...
و أنا ماني طالبه اسوي شي كبير فوق امكانياتي...
باختصار ابي استأجر محل كبييير مساحته تكون بمقدار مساحة صالات الألعاب اللي بالعادة تكون في المراكز التجارية و المجمعات...
و أقسمه بنفس التقسيم تقريباً و ديكورات حلوه ...
والصالة تكون مقسمه لعدة اقسام... قسم خاص بالاطفال الصغار يحتوي على الالعاب الهزازة و كل الشغلات اللي تشتغل بالكوينز "القروش" مع البيت الهزاز او النطاطيات...
وقسم ثاني للأطفال اللي أكبر شوي ... يكون فيه سيارات التصادم و القطار الأرضي و الألعاب المروحية و هالشغلات ... و بيت الأشباح...
و قسم آخر خاص منعزل يكون فيه العاب الكمبيوتر او الالكترونية مع العاب الطاولة...
وابي اعرف من وين احصل على هالشغلات هنا في السعودية ..
لأني لقيتها و اسعارها مناسبة بس خارج السعودية او بالاصح خارج الخليج وهذا صعب بالنسبه علي اني اروح واشتريها من الخارج ...فأبي مكان هنا بالسعودية يوفرها لي... و ابي اعرف اسعارها هنا .. لأن في الخارج اسعارها معقوله...
و أنا ناويه باذن الله اذا نجح المشروع اكبره و اخليه مدينة ترفيهية متكاملة...


مدري اذا فكرتي وصلت و الا لسه؟!!!... واتمنى انج تساعديني فيها




[
اقتباس مشاركة  (اكسبريسووو)
ماشاء الله ميرندا وصلت

عاش من شافك .. حبيت ارحب فيك لأن من زماان متابعه لموضوعك الشيق وفجأه انقطعت اخبارك عنا
هلا وغلا فيك يالغلا

احترامي لك ولما تقدمينه للمنتدي
الله يحفظك ويخليك يا رب ، أتمنى أن يكون الموضوع عند حسن ظن الأخوات الكريمات دائما
mrnda4
مرحبا أختي الغالية انا حابه اسوي مشروع تقديم خدمات تجاريه والتسويق للغير لسيدات الأعمال
حملات اعلانية
تنظيم لقاءات سيدات الأعمال
استشارات تسويقة وغيرها من الخدمات اللي تخدم سيدة الأعمال والعمل في محيط نسائي دون الأحتكاك بالعنصر الرجالي قدر المستطاع
فما رأيك ونصائحك لي وشكراً لحسن تعاونك مع الأخوات اللي قبلي
اختي الغاليه ميرندا

انا مثل ماقالت ام ميعاد براسي فكرة تنظيم وتنسيق الاعراس والحفلات

بحيث اشرف على تجهيزات الزواج من بطاقات الدعوه مرورا بالطاولات والكوشه وحتى هدايا الضيوف

وافكر في مكان مناسب لعمله مكتب صغير اقوم فيه بعرض الصور والنماذج

ولكن المشكله تكمن باني لا اعرف من اين ابدأ ؟؟

وكم من الممكن ان تكون ميزانية هذا المشروع ؟؟

والعماله ستكون رجال ام عاملات نسائ وخاصه في تنفيذ الكوشات
علما باني افضل ان يكون العمل نسائي x نسائي

والمواد الخام يجب ان تكون باسعار الجمله ولا اعلم من اين سوف اطلبها

اختي ميرندا اعلق عليك املا كبير

اعتبري المشروع مشروعك

ارجو التفصيل بالرد

وشكرا


الساعة الآن 12:19 .