السلام عليكم
اشكركم خواتي المدى الباكي واختي ام عدنان على تشجيعي لفكرة الجدول ماقصرتو والله



اخواتي العزيزات اذا كان هذا اكلنا بالفطور عزالله مادخلت الملابس علينا في العيد
انا اشوف من رايي ان المفروض الفطور يكون فيه شوربه ويكون الطبق الاساسي لان الواحد بعد صيام بياكل بنهم وجوع وبيتعب ومابيقوم بفروضه سواء مغرب ولا تروايح الا بيكسل
والافضل ان الفطور يكون فيه عصير طازج يعطي الفيتامينات اللي نقصت من الصيام وسلطه تشبع البطن وتلينه وتعطيه السوائل اللي فقدها وشوربه نوعي فيها مثل ماتحبي وصنف واحد رئيسي يكون اشياء مطبوخه بالفرن يعني صواني او دجاج مشوي اللي تحبيه
لان المقليات بتجيب التخمه والكسل يعني سمبوسه مقليه ولا لقيمات ولا جبنيه والحلى الله يستر يعني انا اقول التخفيف في الفطور افضل من النهم وافضل شي شرب السوائل بكثره
وبعد المغرب سوي عجينتك او اي طبق بالتوست او مكرونه وخليها بعد التراويح تكوني اديتي فرض الله بدون كسل وبدون تعب ودوخه ويكون معك نوم يجي ابو العيال من الصلاه وحطي سفره خفيفه من اللي سويتيه
اشوف انا كذا الفطور لما يكون خفيف ومايكلف لابالوقت ولا بالصحه افضل شي عشان تقومين رمضان من غير تعب
هذي وجهة نظري اللي استفدت منها بحياتي
انا وزوجي بس اللي نصوم وكنت ابدع في كل شي لكن مالقيت منه اي تجاوب وصرت اتعب نفسي عالفاضي لقيت الحل في الاكل اللي يشبع ومامنه ضرر وفي الوقت القليل اللي اكون فيه في المطبخ
وموضوع يكون فيه منيو خاص حلو كل وحده تشكل في الانواع كل يوم وتاخذ افكار من الثانيه
جزاكم الله كل خير ويبلغنا رمضان بصحه وعافيه
لااله الاانت سبحانك اني كنت من الظالمين


الساعة الآن 09:54 .