هلا والله ياقلبي
أنا سـلتك لانك طلبت من اصحاب الخبره فاللقافه في دمي قلت اعرض خدماتي يمكن تعجبك
هذا ربط ابلتنا اسيره المحراب
http://forum.hawaaworld.com/showthread.php?t=1796401

رابط اأبلتي الثانيه بارلا
http://forum.hawaaworld.com/showthread.php?t=1279099

وهذي المواقع
http://www.starfall.com/n/level-b/me/play.htm?f
هذا الموقع عندي مسميته ممتع
http://iteslj.org/v/a/
هذا ككله محادثات

http://www.eslfast.com/
هذا خاص بالقواعد

http://www.1-language.com/englishcourse/index.htm

هذا يعلمك الاشياء البسيطه بالصور
http://www.pdictionary.com/

http://www.languageguide.org/english/ar/

هذا قصص أطفال مع النطق
http://www.magickeys.com/books


http://www.magickeys.com/books/

شكلك بتقولين ليتني ماطلبتها
أنا اخترتك المواقع اللي انا ادخلها دايم
واذا في مواقع ثانيه عجبتني راح ارسلها لك
وبالتوووفيق ياقلبي

احلى قموره جزاكي الله كل خيرر كل هذا عندك وتقولين ماعندك خبره ههههههههههه اجل الي ماتعرف شي
وش تقول عن نفسها
تسسسسسلمين ياقلبي الله يجزاك الجنه يارب
بس اذا تعرفين وتدخلين مواقع يعني عندك خبره ماشاء الله عليك مو مثلي
انا مااعرف ولا شي حتى مواقع مااعرف غير موقع واحد اخذته من اخويه بس ماعجبني كثيرر
كنت ابي اسالك طيب وش احسن معهد؟؟ او كتاب لو تعرفين ؟؟
معليش زودتها هههههههههههه بس محتاجتها

أهلين عزيزتي

عرفت وش تبين....

وااذا مشيتي على نصيحتي انا واثقه ان شاء الله انك راح تطورررين

1-انا انصحك تستمعين لمحادثات كثييير كل يوم استمعي على الاقل لمحادثه وحده وكرريها كذا مررره الين ترسخ في ذهنك
طبعا انا انصحك تستمعين لمحادثات سهله وبسيطه يعني لاتروحيين تناضرين بي بي سي او حاجات صعبه...

2-أبداي اقري حاجات بسيطه...يعني لاتتعمقين وتقرررين روايات صعبه...ممكن تقرين روايات وقصص بسيطه
وممكن تقررين مقالات عن اشياء مختلفه... مره عن جمال البشره ومره عن الثقه بالنفس ومره عن كيف تخسرين وزنك وهالاشياء....

3-اشتري قاموس اذا ماعندك قاموس اما انجلش انجلش او انجلش ارببيك على حسب مستواك في اللغه
وخلي معك نووت وابدأي ترجمي الكلمات الصعبه وانصحك تشترين قاموس لونجمان انجلش انجلش اللي يجي معاه سي دي
عشان تسمعين للكلمات والنطق الصحيح لها انصحك تشترين هالقاموس بشده

4- وانتي تستمعين للمحادثات او تقرأين في المقالات والقصص وشفتي جمله حلوه وتحسين ممكن تستفدييين منها في محادثتك مع الناس اكتبيها في نفس النوت بووك

5- كمان الكلمات اللي تترجمينها راح تنقسم الى قسمين... كلمات فقط تحتاجين تفهمينها لما تسمعينها او تقرينها وكلمات راح تجتاجينها عشان تستخدمينها.. فانتي شوفي الكلمات وقرري اذا كلمه تبين تفهمينها بس فقط ترجميها واعرفي معناها الينو تفهمين فقط و اذا كلمه تحسينها مهمه في المحادثه اقري عليها امثله حطيها في جمله كرري النطق كذا مررره الين خلاص تكونين عارفتها...واحفظي جمله وليس الكلمه فقط يعني مثلا احفظي الكلمه والفعل اللي معها مثلا...

homework
do your homwork

coffee

have a cup of coffee

طبعا هاذي الجمل بسيطه بس عشان اوصل لك الفكره...

6- حاجه مهمه تسوينها هي ان النووت البوك اللي شريتيها قسميه الى اقسام قسم الكلمات وقسم الجمل او ممكن تحطين الصفحه اليمين كلمات والصفحه الشمال جمل وامثله تحسين انها مهمه فهمتي؟ عشان تكونين منظمه

7- حاجه مهمه كمان هي انك تعرفين مسميات الاشياء... يعني تعرفين ايش معنى ملف وايش معنى قلم وايش معنى تحويله تيلفون وايش معنى عميل !!

فهمتي؟

كيف تطورين من كلماتك في هذا المجال
أ- اانصحك تشترين قاموس اكسفووورد المصور من جرير لونه اسود انجليزي عربي
او تشترين قاموس مصور انجلش انجلش اسمه the heinle picture dictionary
وتقرين الكلمات اللي فيه

ب- انصحك تشترين كتاب فوووكاب يعني كلمات وفيه English vocabulary in use
هذا كتاب رائع وانصحك تشترينه وفيه مستويات اختاري المستوى اللي يعجبك

ج- فكري في الكلمات اللي ممكن تحتاجينها وروحي دوري معناها في قاموس عربي انجليزي...او اسئلي هنا في المنتدى الاخوات اللي يعرفون

اسئلي البنات ويجاوبوونك ولو كنت متواجده بجاوبك...

مثلا كيف تقولين لشخص
ممكن تروح الحين وتجي بعد شوي
او الاجتماع اتلغى..

طبعا هاذي جمل بسيطه بس عشان تفهمين الفكره

**********************************

والحين عشا نختصر كل الكلمات اللي فوق

كل يوم حاول يتطووورين من لغتك بشي بسيط

استمعي لمحادثه وحده من احد مواقع المحادثات اي محادثه تعجبك
واسمعيها مره ومرتين وثلاث
لو فيه كلمات صعبه ترجميها ولو فيه جمل حلوه اكتبيها واحفظيها


ادخلي على مواقع واقري مقال واحد على االاقل وترجمي لو فيها كلمات صعبه...

اقري روايه او قصه بسيطه وحتى لو ماترجمتي كل الكلمات بس اقري

شوفي فلم على ام بي سي فور او توو واسمعي وناضري الترجمه وحاولي تلقطين كلمات...

وانا شاء الله بهالطريقه راح تتطووورين

ومواقع المحادثه بنزلها لك وكل هالمواقع رووووووووعه


http://englishpod.com/


http://www.eslpod.com/website/index_new.html

http://www.talkenglish.com/Speaking/listBusiness.aspx

http://www.esl-lab.com/guide.htm

http://www.elllo.org/

http://esl.culips.com/

http://www.spotlightradio.net/listen/archives/

http://www.listen-to-english.com/

http://www.focusenglish.com/

آخر شي اقوله ممكن تضيفين على المسن شخص اامريكي او بريطاني وتبين تدردشين معها
يعني لو حصلتي صديق او صديقه راح تتطور لغتك

وممكن تسجلين في كورس محادثه فقط في نيووهورايزن بتقريبا الفين وخمس ميه
يعني الساعه الوحده بميه.. اذا السعر عادي عندك سجلي معاهم

انا اذكر سجلت معاهم وكانت حلوه المدرسه نيتف سبيكر وفيه مجموعه بنات خمس او اقل وتتكلمون بالانجلش


بالتوووفيق دعووواتك

مرحباااااااااااا
ياليت عندي خبره بالمعاهد افيدك وحتى الكتب ماعندي اي خلفيه عنها غير كتب الدراسه اللي ماصدقت افتك منها أصلا الكتب تجيبلي الكابه ماحبها بس شوفي انت مبتدئه مثلي ادخلي الدوره اللي اعطيتك روابطها وسجلي الكلام اللي مكتوب فيها في نوته عندك واحفظيها طبعا بالبدايه فيها كلمات أساسيه وبعدين تبدأي تتدرج وهي مسويه اختبار بعد اسبوعين علشان اللي داخلين متأخر اتمنى انك تنضمين معنا والله استفدت وتحسين فيه حماس علشان مع بعض
والمواقع اللي نزلتها اللي كتبت عليه ممتع هذا فيه كل الاشياء الاساسيه مثل اسماء الالوان والحيوانات والايام وأعضاء الجسم والفواكه طبعا تلقينها على شكل اختيارات واذا ماتحبين الاسلوب هذا فيه الموقع اللي مع الصور نفس الشي فيه الاساسيات
ودخلي على موقع المحادثه اسمعي وأقرا واعيدبها كذا مره بعدين انسخي النص وسويله لصق في مترجم الوافي واقري كلمه كلمه وبنفس الوقت اقري الترجمه علشان تربطين بين الجمل وادا في كلمه جديده اكتبيها في النوته وهذي النوته كل بعد شويه اقري فيها الين ماترسخ في بالك الكلمات هذي الطريقه دايما اسويها
أما الموقع حق القواعد بصراحه انا بس حافظته عندي الين مااتقن المحادثه في الاشيا ء الاساسيه بعدين ابدأ اطلع عليه لاني مره قريت انه الافضل تحفظ الجمل والاشياء الاساسيه بدون لاتعرف قواعد اللغه وبررهذا الكلام انه نحنا مثل الطفل اول شي يستمع للكلام ويتعلم يقول كلمتين وبعدين تزيد ثلاث أربع
علشان تفهمين كلامي زين ادخلي الرابط فيه نصائح يمكن تفيدك
http://www.forums.topmaxtech.net/t218.html

اتمنى اني اكون قدمت لك شي يفيدك

واذا عندك اي سؤال انا حاضره <<<<<<<<<<<صدقت نفسها

جزاكم الله كل خيرر
الودود الولود
ماشاء الله عليك احسك مدرسه انجلش ههههههه
قلتي ليه اشياء من خبرتك جدا حلوه واستفد منها وحركة احط الكلمه وبعدين تحتها جمل عجبتني كثيررر
احسه حلوه وبكذا اجمع كل الجمل الي ابيه او تختر ببالي عن هذه الكلمه وكمان تقسيم النوت عجبتني
والكتاب الي فيه الكلمات كمان عجبني
ومواقعك حلوه ماشاء الله والله كفيتي ووفيتي اعطيتني كل الخبرات وشرحك حلو