up
اهلين اختي انا عندي طبخه مره حلوه ولذيذه

صينية قوارب البطاطس

1 - تاخذين البطاطس وتسلقينهم بقشرهم كاملين بدون ماتقطعينهم وتخلينهم يستوون نص استوا

2 - بعدين اطلعينهم وتقصينهم من النص بطول مو بالعرض بعدين تحفرين بالوسط الين تصير فيه حفره

تكون شوي عميقه عشان تكفي الحشوه طبعا البطاطس الي قشرتيه لا ترمينه خليه على جنب

3 - تاخذين خضار مشكله الي بالاكياس المثلجه وتحمسينها على النار مع بصل وثوم وبهارات خفيفه

4 - بعدين ترصين البطاطس الي حفرتيه بصينيه وتحطين بوسط كل وحده من حشوة الخضار

5 - بعدين تحطين فوق الحشوه البطاطس المبشور وتصبين بالبايركس قشطة الخفق ماتعبينها تخلينها نص او اكثر من النص

وتحطين فوقها جبنة موتزريلا

6 - وتشغلين الفرن من تحت وتخلينها تقريبا ربع ساعه اذا خلصتي شغلي الفرن من فوق شوي

عشان تحمر شوي ويذوب الجبن وبس
وعندي بعد صينية الدجاج بالكاري

1 - تقطعين الدجاج الا 8 قطع وتخلينهم بالجلد

2 - تحطين بالخلاط 3 بصلات مقطعه ارباع

3 - راس ثوم كامل

4 - 2 زبادي

5 - م ك كاري

6 - 2 م ك كاتشاب

7 - م ص كمون

8 - دارسين + ملح + قرفه + فلفل اسود + فلفل احمر

9 - كل هذولي تحطينهم بالخلاط بعدين تحطينهم فوق الدجاج وتخلطينه زين

10 -غلفي الصينيه بالقصدير ودخليها الفرن من تحت الين تحسين ان الدجاج نضج تشيلين من فوقه القصدير وتشغلينه شوي من فوق

جربيها وراح تدعين لي مره لذيذه وبنفس الوقت سهله
للرفع
جزاكم الله خييييييير

والله ماقصرتوا


الساعة الآن 03:26 .