ابي حلى للعشاء في اسرع وقت الله يجزاكم خير
03-08-1430 هـ, 12:28 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الطريقة الأولى :

كيك التويكس
6 اصابع تويكس + 3 كريم كراميل + 3 قشطه
وبنخلط بالخلاط نصف بالصينيه شرائح كيك العائله ونصب الخليط فوق الكيك وبالثلاجه


الطريقة الثانيه:
حلى التويكس
3 الى 4 طبقات بسكوت مغمس بحليب مذوب فيه نسكافه
في الخلاط
2قشطه + 3 ملاعق اكل حليب بودره + ملعقه صغيره نسكافه +12اصباع تويكس
ونصبه فوق البسكويت وبالثلاجه

الطريقة الثالثه:
حلى بالبسكويت

بالخلاط
3علب قشطه + 3 فناجين قهوه سكر بودره + 3 فناجين قهوه حليب بودره
غمسي بسكوت بحليب ونسكافه
وصفي طبقه بسكوت وطبقه من الخليط واخر شي الخليط وترشي نسكويك على الوجه وبالثلاجه

الطريقة الرابعه :
بف باستري بالتمر
تجيبي البف باستري المربعات وتقطعيها لاربع قطع وتحطي كل قطعه بصينية الكيب كيك الصغيره
وتحطي فيها نص تمره
وتخلطي بالخلاط 4 كيري + شوي سكر وقرفه + بيضه + فانيليا وتصبي مقدار ملعقه اكل فوق التمره وتحطيها بالفرن بس من تحت

الطريقة الخامسه :
حلى الأيس كريم

تجيبي الكيك الجاهز بنكهة الشوكلاته وتفتتيه وترصيه بالصينيه وتضغطي عليه
بالخلاط 1حليب بوني حق الشاي + 1 كريم كراميل + 1 دريم ويب + 1 علبه قشطه + سكر شوي وتصبيهم على الكيك وبالفريزر

الطريقة السادسه :
كيك سويسرووول
تجيبي الكيك السويسرول بنكهة الشوكلاته او الفانيليا (كل واحد السويسرول الاصابع ولا الكبير )وتقطعيه شرائح وتصفيه بالصينيه
بالخلاط
3 مارس + 2 قشطه + 2 دريمويب
وصبيه فوق الكيك وبالثلاجه

الطريقة السابعه:
حلى القرفه

نص كوب دقيق + نص كوب سكر + 2 بيض + نص كوب حليب سائل + نص ملعقهشاهي قرفه + فانيليا + نص ملعقه اكل بيكنج باودر + ربع كوب زيت وينخلط بالخلاط
ونصبهم بصينيه مدهونه وبالفرن من تحت ومن فوق
ولما تبرد تقطع



ان شاء الله افدتك




دعوااااااااااااتك لي ربي يسهل امري ويحفظ لي زوجي وبنتي ويرزقني عاجلا غير اجل بالرزق الحلال
03-08-1430 هـ, 03:36 صباحاً
 
هلا اختي بحر الصمت هذا حلى سريع قبل شوي كتبته لوحده من البنات....
هذا حلى سرررررررريع ولذذذذذذذذيذ جعل من علمتني طريقته بالجنه ...بصينيه صفي بسكؤيت شاي مغمس تغميس سريع بماء معه شوي نسكافيه واذا ماعندك نسكافيه غمسي بحليب صفي طبقتين من البسكويت ثم ضعي بالخلاط 2 الى 3 ظرف دريم ويب ومعاه ظرف كريم كراميل وايضا علبتين قشطه وخلطيهم مع بعض وصبي الخليط على البسكويت بالتساوي ثم دخليه الثلاجه لمدة 2الى 3 ساعات وبعدها طلعيه من الثلاجه وزينيه بشوكولاته ورشي مكسرات اي نوع عندك بشرط مايكون مالح وقدميه بالعافيه
03-08-1430 هـ, 03:41 صباحاً
 
لا اختي ........ سمي هذا تشيز كيك ولا احلى

كيك شكلاته مطحون تحطين عليه ملعقتين قشطه او حسب حجم الصينيه وكميه الكيك ترصينه بالصينيه اللي تنفك

علبة زبادي +كاس حليب بودره +3\4 كاس سكر+بيضه+نقطة خل+رشة ملح = تخلط مع بعض وتوضع على طبقة الكيك وتدخلينه الفرن من تحت فقط الين تتماسك

ثم الطبقه الاخيره اما تحطين الفلي الجاهز بالنكهه اللي تحبين

واذا ما لقيتي ... ذوبي جالكسي بالمكروييف والا طلعيه بالشمس خمس دقايق وحطيه على طول على الطبقه الثانيه

وبعدين بالثلاجه مده لاتقل عن 3 ساعات

وبالعافيه ... جربيه وان شاء الله يجوزلتس



برضوعندي كريم كراميل سهل ويهبل ... سمي

لكل مقدار .. ظرف كريم كراميل +علبة قشطه +بيضه +فنجان سكر +7 ملاعق كبيره حليب بودره + واحد ونص كاس ماء

(( طبعا تقدرين تحطين مقدارين ثلاثه حسب رغبتس ... ونفس المقادير ))

المهم .. كل المقادير على النار مع التحريك المستمر حتى يثقل المزيج ......

وفي الصينيه اللي بتحطينه فيه ... اما انتس تكرملين سكر على النار ((بس يكون اغمق شوي من الكرميل العادي ))

او تستخدمين الجاهز ......... تحطين السكر المحروق وبعدين المزيج .. وتخلينه بالثلاجه مدة لاتقل عن 3 ساعات

والف عافيه ان شاء الله ............ اتمنى اني اكون افدتس

والله يحفظتس
03-08-1430 هـ, 04:29 صباحاً
 
مشكورين والله يوفقكم ويسهل دربكم ويفرج همكم
03-08-1430 هـ, 08:02 مساءً
 


الساعة الآن 07:21 .