لازورد @lazord_1
قلم واعد
الحقوني ....... أنااا ضيعتني
كيف الحاااااااااال صبايا....
والله لكم وحشه
بس إعذروني .. كان غصب عني كان عندي مشكلة كبيرة و لا بعد انحلت
إصبروا علي و جايتكم بالكلام
بس لازم تركزون معي
ما أحد منكم شافني ؟؟
ياعالم صار لي ثلاث أيام ( ما جاني خبر ) مضيعتني.. ولا بعد لقيتني الى الحين .. بتقولون دورتي نفسك زين !
.. إيه دورت في كل مكان .. تحت الكراسي .. وتحت السرير .. تصدقون حتى في الثلاجه دوّرت ..
حتى فوق إذني دوّرت ( قلم على غفله ) .. لكن مافيه و لا شي .. المشكلة بدأت قبل كم يوم .. دخلت الحمّام و إنتم بكرامة ..
وشفت نفسي في المراية .. وفكّيت معي .. وقعدت أغازلني .. و اكتب لي شعر .. ورحت للسرير أبي أنام و لا عرفت أنام ..
قعدت أهوجس فيني .. و أسالني إن كنت أحبني و إلاّ لا ! .. و إلا هو مجرد إعجاب بالشكل وبس .. :32:
و يوم قمت الصبح ورحت الجامعة .. ما عرفت اركز.. وما صدقت على الله إن الدوام خلص ...
رجعت أركض من كثر شوقي لي
لكن يوم دخلت البيت ... وبديت أنادي علي بلهفة .. ما رديت على نفسي .. و أنادي مرة ثانية ..
لكن مافيه فايدة ... دوّرت علي في كل مكان ما لقيتني ... بدأت الارض تدور فيني ..
ولا عرفت أوقّف من الصدمة .. قعدت على الكرسي و أنا أصيح ..:06:
و أقول ويني ؟؟ ووينك يا أنا ؟؟ وش سويت لك عشان تنحاشين ؟؟ ....:(
وعند ها اللحظة تذكرت كلامي لي أمس .. وشكّي في حبّي لي..
وعرفت اني سمعتني و أنا أقول ها الكلام .. وعرفت السبب..
أخذت صورتي ورحت صوّرت بطاقاتي كلها حتى بطاقة البنك صورتها من زود حرصي ..
وشريت لي ملف علاّق أخضر .. وطلّعت صور من شهادة الثانوي من عقب التقديم على الجامعه وهي عندي ..
ورحت للشرطة أقدم عندهم عشان يدوروني .. و أنا في الطريق طلّعت شهادتي أشوفها ... ويوم شفتها خنقتني العبره ..:(
وبديت أصيح .. تذكرت دفارتي في الثانوي (مدرسة أهلية ) .... وتذكرت العشرة والعيش والملح اللي أكلتها مع نفسي ....
ياترى ويني فيه الحين ؟ و أنا عايش و إلاّ ميّت ؟؟ ياترى اناا جايعه و إلاّ شبعانه ؟ ياترى شريت حلاو بقرة الحين و إلاّ لا ؟!
وصلت للشرطة .. دخلت عليهم ومعي الملف .. وقلت لهم إني أبي أبلّغ إني فاقدني ...
وقالو لي أوصفك لنا وجابو رسّام ... قعدت أوصفني لهم و أقول لهم الجبهه والشعر والعيون والخشم والبرطم ..
سألني عن لون العين ... بلشت بعمري نسيت لون عيني .. قلت له " لحظة " .. وطلّعت الصوره من الملف وقلت له "
مثل ها اللون " ... ناظرني باحتقار و سألني " وهذي منهي صورته ؟ " ... عطيته نظره حنونه وفيها حزن و قلت "
هذا أنا الضايعه.. مملوحه .. ياحبّي لي صح ؟ " ... قال" إيه .. خلاص روحي إنتي و إذا لقيناك جبناك لك "..
ونطل علي ورقه عشان اكتب فيها عنواني ...
طلعت من عندهم .. ورحت لفيت على كل المستشفيات والمطارات( إيه هين ــات .. كلها مطار ) ..
وكل ما أدخل على أحد أورّيهم صورتي .. و أقولهم ما شفتوني ! .. تراني أشبه هذي الصوره .. يقولون لي "
إيه و الله ما شاء الله الشبه واضح " .. على طول تخنقني العبره إذا سمعت ها الكلمة ...
وفي واحد من المطاعم لقيت صديقتي غلايه10
شافتني وسلمت علي وقالت لي " يا اختي ما لك داعي كل ها الفترة وتوّنا نشوفك " ...
أنا استخدمت حاسّة الذهانه اللي فيني وسألتها " متى شفتيني؟ " .. قالت" اليوم "
.. صرخت " متى ووين ؟؟ " ... قالت" هذاك قدّامي " .. أخذت نفس عميق وقلت "
إيه ياشيخه اشوا روعتيني... لا أنا أصلاً مضيعتني من أمس " ... قالت " و لا تعلمينا ندورك ولا شي ..
صدق إنك جحود ه" .. قلت " لا يا بنت الحلال .. أنا ما اكتشفت ها الشي إلاّ اليوم وتوي مبلغه الشرطة عنّي "
... قالت" الله يعينك " .. قلت " آمين " .. وسلمت عليها ومشيت ... وبعد ما طلعت من عندها ..
و ما أمداني اكمّل خمس دقايق إلاّ دقت علي غلايه10... رديت .. قالت " يا لازورد توك مكلمتني" ...
أنا انهبلت قلت" صدق عاد ؟! .. هاه وشلوني ؟؟ عساني بخير؟ " ... قالت " الحمد لله ..
شكلك بخير لكن صوتك فيه حزن .. شكلك حزين على فرقاك " .....
خنقتني العبره ...
قمت مسكتها (العبره) ومصعتها من رقبتي ونطلتها على الكرسي اللي جنبي ..
وضميت أصابعي لبعض حركتها نزولاً و طلوعاً يعني اصبري علي إلين اخلّص من التلفون ...
وقلت لغلايه10 " اشوا إني بخير ... الله يطمنك يا اختي.. المهم إذا كلمتك مرة ثانية قولي لي إني أحبني و أني ودي أرجّعني " ...
قالت " ابشري والله من عيوني .. لكن تعزميني على عشاء " ... قلت " عز الله ..غلايه وأكل ! ..
ابشري والله بس خل ألقاني " .. وصكيت السماعة ... التفت على العبره بأهاوشها لكن انحاشت ..
قلت هين الوعد الخنقه الجايه .. ورحت للبيت
يتبع.................
24
1K
يلزم عليك تسجيل الدخول أولًا لكتابة تعليق.
غــــادة
•
خلاص أرسلي لي عالخاص رقم تلفونك او عنواااانك عشان إذا لقيتك أعطيك خبر على طول..
مشششششششششكورة حبيبتي على الموضوع الحلو مثلك...
سلاااااااااام
مشششششششششكورة حبيبتي على الموضوع الحلو مثلك...
سلاااااااااام
خخخخخخخخخخ
يا حليلك وانت مظيعه نفسك!!!!!!!!!
اقول وانت تدورين .... زين تدوريني معاااك!!!
حسيت اني ضعت وانا اقراء قصتك الحزينه خخخخخخخخخخ
الا لا تنسي تعطيني خبر ..... ما اقدر اعيش فتره طويله من غير نفسي!!!!
مشكوره موظوعك مميزززززززز ............ وغررررررررررررررريب .....ودمه خفيف... بس لا يطير خخخخ
اليوم شكلي مستانسه ....يمكن موضوعك السبب ....
تسلمي اختك ملوووووووكه
يا حليلك وانت مظيعه نفسك!!!!!!!!!
اقول وانت تدورين .... زين تدوريني معاااك!!!
حسيت اني ضعت وانا اقراء قصتك الحزينه خخخخخخخخخخ
الا لا تنسي تعطيني خبر ..... ما اقدر اعيش فتره طويله من غير نفسي!!!!
مشكوره موظوعك مميزززززززز ............ وغررررررررررررررريب .....ودمه خفيف... بس لا يطير خخخخ
اليوم شكلي مستانسه ....يمكن موضوعك السبب ....
تسلمي اختك ملوووووووكه
الصفحة الأخيرة
7
7
7
7
7
7
((((سبيس تووووووون قناة شباب المستقبل))))))
7
7
7
7
7
7
7
7
7
عدناااااااااااااااااااااااااااااااااااااااااااااا
دخلت البيت واتّجهت للغرفه ابدل ملابسي.....
ويوم فتحت الدولاب ( الدالوب أحياناً ) ..
وبدلت ملابسي.. التفت يمين .. شفت واحد من فساتيني منطول على الرف ..
وفي نفس اللحظة تذكرت العبره قمت مديت يدي على رقبتي واستنيتها تطلع ..
ومسكتها ونطلتها من الشبّاك وصكيتك الشبّاك .. إيه الحين الواحد يقدر يقلّب فساتينه ويحزن على كيفه ...
وهو مرتاح بدون خنقات ... وقعدت أقلب فساتيني واحد واحد ..
و أخذها أحطها على خصري و أشوف مقاسها و أقعد أصيح ..:06:
و أخذت التنانير ونفس الشي أسوّيه فيها و أقعد أصيح ... :06:
وكل ما شفت شي لي تذكّرتني وقعدت أصيح ..
لبست وطلعت للسيّارة أدوّر الفكه من أغراضي ..
فتحت الباب .. ركبت .. وصكّيت الباب .. وسمعت صوت شي يصارخ ..
"ياهوه .. ياعالم "..والصوت جاي من جوّا السيارة ..
التفت على مصدر الصوت لقيته العبره اللي نطلتها مع الشبّاك ..
تبي تدخل مع الباب و أنا ما أدري وصكيت عليها ..
قالت " تكفى فكّني خلاص ما عاد أجيك " ..
فتحت الباب وشتّها برجلي وصكّيته ... و قعدت أدور بالسيارة أبي أنسى ..
و أثناء دوراني .. لحقتني سيّارة شرطة .. مولّعه السفتي ..
وقال لي" قااااااااااق قاق قاق قاق " ( يعني وقّفي على جنب ) ..
وقّفت .. نزلوا علي الاثنين ومسكوني .. قلت لهم " خير وش فيكم؟ "
... قالوا " جاينا بلاغ إنك مضيّعتك " ... قلت " إيه .. صح ..
لكن وين بتودّوني ؟ " ... قالوا " بنسلمك لك " ... قلت " خلاص سلّموني لي هنا ..
وارتاحوا من المشوار " ... التفت واحد منهم على الثاني وقال " عطها اياها وفكنا من المشوار "
.... التفت علي الثاني وقال " خوذيك " .. و أخذتني ورحت أركض للسيّارة .. أخيرا لقيتني ..
وركبت السيّارة وفتحت المراية وشفتني وتأكدت إنه أنا .. و قعدت أضم نفسي و أنا مبسووطه ومتشققه ..
و أهاوشني على اللي سوّيته .. رجعت للبيت و أنا مستانسه ..
وبعدها..شغلت لنفسي سامري ..وقمت ارقص معها....ياحبها للرقص
و أبشّركم المشكلة انحلت
لكن المشكله إني ضيّعت نفسي مرة ثانية ...
يوم دريت إن غلايه تبيني أعشيها انحشت من الغثاء ..
عشان كذا تكفون إذا شفتوني علّموني ..
و إلا علمو الشرطة وهوووم يعرفون وين يلقوني
تحياااااااتي لكم ياحلويييييين...وأي واحده تلقاني ....تكفون علموووني..تراني ما استغني عني...