السلام عليكم اخواتي
بغيت اسال بنات دبي عن سوق نايف
كثير اشوفهم يجيبون منه طرح –ملافع-وجلابيات مره حلوه ورخيصه
وين القى هالسوق ؟
وياليت تعلموني ويت القى الاشياء الزينه بالضبط ؟؟
لان مره واحده قريبتي راحت له وما عرفت تشتري شي لانه على كلامها سوق شعبي وصعبه تدلين فيه ...ضيعت المسكينه وطلعت ما شرت شي
فياليت تعطوني وصف واسماء المحلات الي ممكن القى عندها جلابيات وطرح زينه
وجزاكم الله الف خير


والله اني ودش اساعدش لاكن انا مو من دبي لاكن الي اعرفه انه سـوق شعبي كـبير مرة يبغى الواحـد يعرف محلاته بضبط وانا صار لي مثل رفيجتش الي طلعت مثل يوم دخلت
لاكن ان شاء الله بنات دبي مـايقصرون
نعم سوق دبي بالجمله فيه كل اللي تبينه .. و صدقيني ما بتندمين اذا وصلتي للمحلات اللي انتي تدورينهم .. ولا اذا ما وصلتي أو ضعتي في السوق .. بتندمين ليش رحتي و ما بتنسين هذا اليوم

يعني يكون في بالج أهم شي كيف توصلين عند المحلات اللي تريدينهم


طبعا سوق الجمله كبير و أكبر من ما تتوقعين

فيه كل شي ينباع في أي سوق .. من مستلزمات المنزل الى مستلزمات النساء من اكسسوارات وحقائب وأحذيه وملابس نسابيه ( ماركات أو بدون ماركات ) وملابس الرجال وأدوات التجميل وأدوات المطبخ و أدوات البناء وأدوات مكتبيه و هدايا وكلللللللل شي يخطر في بالج

بس كل شي أو كل نوع من محلات يكون في صوب ... يعني مثلا أو ما تدخلين من صوب سوق نايف عند مركز المنال ... بتحصلين محلات من جميع الانواع و ما يبيعون بالجمله و أسعارهم غاليه

لكن روحي داخل ولفي يمين ... بتحصلين سوق عكاظ .. اللي متخصص في ملابس النساء وخاصة الجلابيات الخليجيه والهنديه وبتحصلين محلات على كيف كيفج .. كل شي مال حريم من ملابس الى عطورات .... الخ

أما من ناحية الجو في السوق .. على حسب الوقت ... وقت الصبح أحسن شي مافي وايد زحمه .. بس لو رحتي بعد العصر أو المغرب بتندمين لان الجو اشوي حر ورطوبه بالاضافه الى زحمة الهنوووووووود في كل شبر ومتر .. وخاصة يوم الخميس

وذا بعد تبين شي .. حاضرين للطيبين

وبالتوفيق ان شاء الله
الكل تقليد في سوق نايف ما في ماراكات لا تنخمي حتي العطور الماركة نفس الماركة بس مش ماركة ولا شئ مضمون اذا قالك الشغلة ب100 قوليلو 30 لان كل اسعارهم فبركة وكل شغلهم وسلعهم صينية شغل هدايا بس لا ضنين حالك راح تلاقي ماركة حتى لو فعلا مكتوب عليها هي بس تقليد بس تقليد دكي
السلام عليكم يابنات تكفون علموني عن دبي وش فيها من مجمعات حلوه ورخيصه غير المجمعات اللي يسون عليها دعايه مثل برجمان وحمر عين وستى سنتر وغيرهم المعروفين وشكرا وتكفون يا بنات دبي ابغا الرد بسرعه لا طنشونى 0:24:


الساعة الآن 02:58 .