أخواتي الغاليات :

عندي غرفة الكوي مضيقة صدري مرررة .. ما أحسها مرتبة .. لأن فيها دواليب ملابس ألمنيوم وفوقها البطانيات ومفارش السرير وووو , داخل أكياس سوداء !!! بصراحة شكلها كذا مو عاجبني ومضيق صدري ..

ففكرت أحط الدواليب هذي في غرفة الشغالة لملابس الشتاء لأن لها مفاتيح وأقدر أقفلها وأكون مرتاحة وهي فوق .. وفي غرفة الكوي أفصل دولاب تخزين كبير يكون ارتفاعة أقل من السقف بنصف متر ويكون عريض أحط فيه الأولي والتالي من شراشف .. من بطانيات ومفارش .. من أغراض الضيوف .. وكل شي ما احتاجه كثير ...

لذلك أنا محتاجة تصاميم حلوة وأنيقة وتواجه .. وفي نفس الوقت تستوعب حجل وأطوق ( أقصد تستوعب كل أغراضي )!!!!

أبي فيها جزء للتعليق .. وأرفف .. وما أبي أي جزء منه مكشوف لأنكم تعرفون بيئتنا والغبار .. يعني الخزائن الأمريكية ما تنفع لنا ..

من تساعدني بصور وأكون لها شاكرة ومقدرة وداعية ..

أنتظركم

اختي جربي هذا الرابط اللي لقيته في فهرس الديكور اللي الاخوات مسوينه هنا جزاهم الله خير..يمكن تلقين طلبك فيه

http://forum.hawaaworld.com/showthre...threadid=97216
شكرا يالغاليات على الروابط الرااااائعة ...

لكن أنا حوسي كثيرة وأغراضي أكثر ما تعد ولا تحصى .. يعني الأكياس السوداء عندي بالأكوااااام ..

ما أريده أقرب إلى تصميم خزائن مستودع ليجمع شتات أغراضي الكثيرة !!!

وكذلك ما يكون مكشوف عشان الغبار ...

أدري ثقلت عليكم بس أنتم كرماء .. وأنا أستاهل !! ( أبوك يالثقة !!! )
أعذب الحديث ..ياهلا ومرحبا

أنصحك بالموقع التالي :
http://www.easyclosets.com/
تستطيعين تصميم الخزانة أو الدولاب حسب رغبت وبالقياس الذي تختارينه .
وموفقة إن شاء الله .


الساعة الآن 02:50 .