السلام عليكم ورحمة الله وبركاته ,,

انا خوالي في القصيم في البكيريه تحديدآ

وعندهم استراحه كبيره وحلوه ماشاء الله

سوينا فيها بازار بتنظيمي وتنسيقي بس كان عائلي وماشاء الله تبارك الرحمن نجح مررررره

يعني اللي ابددد ماكسبو رجع لهم راس المال ونص بضاعتهم قاعده ,,,

عاد فكرت هالسنه نكبره شوي دامنا مسوين مسوين ,,

يعني بزيد حجز الطاولات وبأجرها عليكم الطاوله بـ 100 ريال لليوم ,,

"ممكن تتشاركين فيها مع صديقتك او اختك او اللي تبين ماعندي مانع , وبنحدد ا>ا فيه يوم ثاني او لا بعد تجربة اول يوم"

عدد الطاولات اللي حاطته فبالي للحين 30 طاوله وممكن ازيدها او انقصها ,,

بس كل وحده تستأجر الطاوله تحددي لي وش بتبيع بالضبط هي واللي معاها عشان ماتتكرر البضايع فتصير وحده تبيع بسعر رخيص والثانيه بسعر غالي ,,

استراحة خوالي قريبه جدآ من المضمار اللي بالبكيريه

ففكرت اخلي البازار في ثالث ايام العيد ,,

لان اول يوم وثاني يوم عيد الناس تكون مشغوله بالزيارات وثالث يوم عاد يفضون للطلعات يعني المضمار بيكون زحمه

وانا ناويه اسوي اعلانات للبازار فيه "بروشرات مطبوعه" من غير الاعلانات في المنتديات اللي تخص منطقة القصيم ,,

اتوقع الحضور بيكون كبيررر ,,

ابخلي البازار يبدا من العصر وبعد صلاة المغرب بنسق مع داعيه تلقي علينا كلمه وبعد الكلمه نكمل التسوق الى الساعه 10 بالليل ,,

استراحة خوالي فيها قسمين رجال وحريم بس انا بسكر الباب وبحط حواجز بحيث انه الحريم يدخلون على رجلينهم مو بالسيارات اضمن للجميع

وعند البابمن جوا بستأجر عامله توقف عشان محد يدخل لان حتى الاولاد بمنع دخول مافوق 5 سنوات ,,

وورا العامله بتكون حواجز تغطي حتى اذا انفتح الباب مافيه امل احد يشوف حتى شكل الاستراحه من جوا ,,

"علمآ بان اللي بالوجه قسم الرجال يعني حتى لو انفتح الباب ماراح ننشاف بس الاحتياط واجب ,,

القهوه والشاهي مسمووووح دخووولها ,,

يعني ابي الناس يجون يكشتون بالثيل ويتسوقون وعيالهم يلعبون بالمراجيح الموجوده بنفس الوقت ,,

اهم نقطه بحررص عليها باذن واحد أحد اللبس السااااااااتر لا من المشاركات بالبازار ولا من الزائرت واللي ماتتقيد تلبس عبايتها او تطلع وراح اكوون حازززمه بهالنقطه ,,

وش رايكم تشجعوني اسويها ؟؟

احسها ممتعه ومرربحه للجميع دنيا وآخره باذن الله ,,

اللي عجبتها الفكره وودها تشارك أكييييييد في البازار ترسل لي رساله على الخاص وتعطيني رقمها واسمها مثلآ ام فلان

عشان اذا تأكدت الفكره ارسل لها رساله ابلغها انو خلاص اكيد ومكان انعقاد البازار ورقم حسابي لان دفع سعر الطاوله بيكون مقدمآ بس مو كامل عربون 50 ريال والـ 50 الثانيه لما تجي للبازار تدفعها اوول شي قبل لايبدا البيع ولا بضطر اكنسل طاولتها,,

ولا ترسل ولا وحده فلوسها الا وتكون خلاص جاااازمه لاني ماراح ارجع الفلوس مابي احد يتساهل يجون الناس ومايلاقون احد يبيع

تتصرف هي يا تبيع الطاوله على احد ثاني وتبلغني عشان ابدل الاسماء ولا تشوف لها حل بس انا ماراح ارجع الفلوس الا اذا فيه ظرف طارئ لاقدر الله ,,

وش رايييييييييييكم ؟؟؟؟؟؟؟؟؟؟؟؟

.

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
فكرة حلوة بس كم يوم تكون المدة احس يوم واحد شوي عليها
ماشاء الله عليك فكرة حلوة...الله يوفقك
موفقه بس البكيرية بعيده عنا والرجال موب ع الكيف؟
استغفرالله واتوب اليه
الفكرة مشاء الله تبارك الله

مررره حلوة و عقلية تجارية فذة ... تحتاج لتنفيذ حاسم وحازم ... و إلا ما راح تنجحي ولا تربحي .

الله يوفقك ان شاء الله
سبحان الله وبحمده

سبحان الله العظيم


الساعة الآن 10:03 .