إذا تبغينه مرق سادة وطعمة لذيذ

غسلي اللحم زين
وحطيه بالقدر (( علشان لما توزني عليه الموية تكون مضبوطة ))
وقطعي معاه بصلة بالشكل اللي تبغينه مايهم علشان تشيل زفرة اللحم
حطي فص ثوم مقطع صغير وحبة فلفل رومي وشوية ملح لا تكثرين علشان المرقة لما تتخثر راح تزيد ملوحتها تلقائيا

صبي موية بحيث إنها تغطي اللحم ب2 سم تقريبا

وغطي عليها وخليها تغلي وكل شوي افتحي وشيلي الريم اللي يطلع فوق وذوقي المرقة والملح

وانتظريها لين تنضج تقريبا ساعة إلا ربع في القدر العادي ونص ساعة في قدر الضغط (( على حسب نوع اللحم ))

وذوقي ألذ وأطعم مرق

وغذا تبغي تضيفي لها خضار حاولي تضيفينها في الأخير علشان ماتنهرس

والله يبلغنا رمضان في أحسن حال

آمين
05-08-1430 هـ, 09:27 صباحاً
 
خذي طريقةمرقتي وان شاء الله تعجبك تحمسين البصل وبعدين الطماطم المطحون ثم اللحم اوالدجاج مقطع صغيرالملح والبهارات النجديةوالليمون الاسودوالقرفةعوداوعودين اهلي يحطون الجزرثم الكوسااناوالله احط كل شي مع بعض وتطلع جنان الحمدلله بشهادةالجميع حتى زوجي يقول حطي لي بالفريزراذارحتي لاهلك وماتخرب اذااخذتي على قدك وسخنتيه
05-08-1430 هـ, 09:36 صباحاً
 
حبيبتي هذي طريقة الثريد او التشريب على الطريقة العراقية نوعين الحمر والاصفر الحمرطريقتة تسخنين زيت وتقطعين بصلتين كل بصلة اربع اقسام او تتركيهم على حالهم يعني بصل صحيحوتحمسين البصل وبعدين تخلين اللحم بعد ماغسلناه وتحمسيهم بعدين تخلين حمص منقوع وبطاطتين ونومي اولومي اسود ومكعبين ماجي وصلصة الطماطم وتحمسيهم زين بعدين تعصرين طماطم مع الماء ويضيفيهم للحم وتركيهم على نار قوية بعد مايفورون بنصف ساعة وطي النار وتركي المرقة تستوي على مهلها والطريقة الصفرة نفس الشي لاكن لاتحطي معجون طماطم ولاعصير طماطم لاكن حطي بهاركركم وكاري وماء دعوتك الي بالحمل القريب باذن الله
05-08-1430 هـ, 12:33 مساءً
 
ورد الجوري و ام لطوف الله يجزاكم خير

لميس ام حسوني الله يرزقك بالذرية الصالحة المعفاة البارة
06-08-1430 هـ, 01:17 صباحاً
 
ماقصروا البنات
06-08-1430 هـ, 01:22 صباحاً
 


الساعة الآن 07:25 .