فعلا ... لا تعتمدي على الاطباء وتنسين بعد الله دعوة المضطر .. واليك قصتي مع الدعاء

بديت موضوعي بكلمة فعلا ................ تأكيد على موضوع احدى الاخوات ( نسيت اسمها )

تكلمت فيه عن دعوة المضطر......................... قبل 6 سنوات كنت حامل وخلصت التاسع على حسابهم واخذت

بعده باسبوع تقريبا ورحت للمستشفى قالوا لي موية الجنين قليله جدا ومسكوني اجباري في المستشفى وتحت المراقبه

وقعدت عندهم يوم لانهم توقعوا ان الرحم ينفتح وللاسف ما انفتح وصاروا يخشون علي وقعدت يوم ثاني لاحياة لمن تنادي

ولا انفتح ولا شي على انهم يكشفون كل شوي بس ما انفتح ولا ربع سم قالوا خلاص لازم تحاميل الطلق وهي عباره

عن 6 تحاميل توضع وحده كل ساعتين تقريبا المهم حطوا الطاوله قدامي وجهزوا عليها معداتهم اللي هي التحميله

ومستلزماتها وجاء الدكتور بيحطها في هذا اللحظه اذن الظهر فقلت للدكتور الله يعافيك بصلي اخاف اذا حطيتوا

التحميله يجيني طلق يشغلني عن الصلاة فقال مو مشكله بسرعه لاني بكون جنب الغرفه اذا خلصتي تناديني الممرضه

الحمد لله صليت وبعد الصلاة دعيت وانا ابكي حتى دعوتي ما نسيتها كنت اقول يارب زي ما حطوا اغراضهم هذي

يشيلونها وينفتح الرحم واولد بالسلامه وتعافيني اانا ومولودي وخلصت وجا الدكتور ...........وعلى طول مسك

الاغراض اللي هو مجهزها بيحط التحميله لانها كان كاشف علي قبل لا اصلي قلت يا دكتور قبل لا تحطها اكشف

يمكن انفتح الرحم قال مو مشكله نكشف عشان ترتاحين ...............تخيلوا في خمس دقايق كان الرحم مسكر مرررره

ولما طلع الدكتور قال ماشاء الله انفتح 4 سم وقال للممرضه شيلي الاغراض ما تلزمنا لان الرحم انفتح سبحان الله

شوفوا دعيت وعلى طول شفت الاجابه لي اللهم لك الحمد ولك الشكر ما طولت بعد الدعاء صار ينفتح بسرعه وجبت بنوته

الله يخليها لي ويهديها ولا يحرمني منها,,


طولت عليكم بس زبدة الكلام لا تنسون الدعاء ................خاصة وقت الطلق لانها شده والحامل تكون فيها مضطره

اسأل الله لي ولكم الصحه والعافيه