خواتي قررت اصبغ صالتي بروحي بعد مقالبي مع الصباغين والمبالغ الي ادفعها بعدين يطلع مو نفس الي ابيه وخاصتاً اني صابغه من قبل واعرف الأدوات المطلوبه يعني مره طلبت صبغ بنص لمعه للممر علشان يتحمل العيال وبعد يوميين اكتشف انه بدون لمع وبسرعه انعدم الصبغ وولدي رسم لوحه فنيه ينافس بيكاسو علي الطوفه
ومره صبغت الصاله والممر ب150 دينار ويناقشج الصباغ يا بيه عاوز الحلاوه ( يختي علي امه ) 150 ويبي الحلاوه وغير الي يصبغلك اللون غير بالكتالوج وعلي الطوفه غير وما يعجبه لناقشته
الزبده بما انى اختكم بالله امعطله بحكم اني اخصائيه نفسيه وعطلت المدارس واسهر بالليل وتييني نوبة الصبغ بعد الساعه 12 بالليل حشي سندريلا وبنتي فيها العقتقز بالكويتي ( الجدري بالعربي )وقاعده معها بالبيت وولدي المعاق نايم بالمستشفي مع خدامته ( قصة حياتي ) استغلت الفرصه اني اصبغ وشريت الأدوات طبعا اختي اول وحده اعترضت لا تغيرين اللون حلو العنابي بخطوط ذهبيه بس انا مليته وحسيته يقمت صورة الصاله قبل
من زاويه ثانيه
وهذول الأدوات الي استخدمتها
الروله ما فادتني بشيئ متعبه بالصبغ يصير الصبغ كانه مطرطش عكس الفرشات تصبغ عدل وتساوي اللون بس اتعب وتاخذ وقت وهذا الصبغ الأساس الي استخدمته خذيت لون اف وايت مو ابيض علشان اقدر اغطي اللون العنابي
والعاده استخدم الجوثن بس المحل انتقل و اكتشفت تحت عمارتي محل ماعنده غير gtc وتري اللون الصبغ لازم يخلط مع ماي تقريبا لتر ماي للغلن الكبير ونص لتر للغلن الصغير
اهني قاعده اخلط الماي عدل مدل
طيب نبتدي بخطوات الصبغ :- طبعا اهم خطوه في العمليه كلها اهي هالحلوه المزيونه
مطارة قهوة لتعديل المزاج العاده كل صباغينا مطارة شاي
نرجع للخطوات
اولا :- تشيلي اللوحات والأكسسوارات والأثاث الخفيف بره الغرفه وجمعي الأثاث الثقيل في منتصف الغرفه وغطيه بشرشف او سماط الأكل المهم شيئ يحمي الأثاث
ثانيا :- اخذي فوطه مبلوله بماي ومسحي الطوفه عن الغبار لا تقولين الخدامه ماسحه راح تتفاجئين بالوسخ الطالع وهالخطوه مهمه علشان اللون يثبت
ثالثا :- انا قلت لكم اني بخفف من الخطوط الذهبيه وبخفي الخطوط العنابيه علشان جذي اخذت لصاق بني كله تلقينه في محلات الأصباغ ولصقت علي حد الخطوط حتي احمي اللون الذهبي واخفي العنابي موجود بالصوره
رابعا :- تشيلين معاناة حياتك كل مسمار طاقته بالغلط بالطوفه ( انا طوفتي مشوهه كل ساعه اغير مكان الأثاث واغير مكان اللوحات)وتخلطين معجون مع ماي التعليمات علي العلبه وفي معجون جاهز بس انا افضل البودره وتمعجنين مكان المسامير في ادات خاصه لفرد المعجون ما اعرف اسمها
يتبع
متشوقه للنتيجه النهائيه