السلام عليكم

مع الأسف يا بنات اني فعلا طباخه فاشله ومع كل محاوله ازيد فشل اكثر واكثر

حتى الرز والله وهو افضل وجبه عند زوجي المسكين كل يوم لي حكايه مع الكبسه اللي ما اعرف اسوي غيرها

مره مالحه مره ما استوى ومره ملتبد

عجزت اتقن الكبسه مع العلم اني قبل ما اتزوج لي محاولات لا باس فيها على الأقل كان الأكل بنبلع

لكن الحين وبعد خمس سنوات زواج كل يوم اسوأ من اللي قبله

والله شي يفشل عندي خمس كتب للطبخ لكن ما اتقن ما ادري وش المشكله

زوجي يبغى رز نثري وطيب وشلوووووووووون !! والله الضعيف ما طلب مستحيل ولا طلب شي صعب
بس البلا فيني اكبر وازيد رفاله
05-08-1430 هـ, 12:40 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
هلا وغلا فيك يااختي بسراحه ذكرتيني بايامي كنت كذا واسوء بس بختصار اقولك حطي الماء على الرز اكثر من الرز بشوي مقدار اصبع واذا احتاج حطي ريع وعلى كذا كل ما احتاج اما للملح اتركيه واستخدمي ماجي
هذا واذا احتجتي شي قوليلي باي
05-08-1430 هـ, 12:51 مساءً
 
ربي يوفقك حبيبتي ويشرح صدرك"" يارب
05-08-1430 هـ, 01:03 مساءً
 
الله يكووووووووووون في عونك كنت زيك بالضبط انا متزوجه صار لي 8 سنوات ومن 3 سنوات تقريبا صرت اضبط الرز

من اول كنت اسمع بالنثري وماعرف اسوووووووووووووووويه

طريقه لرز سهل شوفي الله يطول بعمرك يارب <<<طريقتي الخاصه

حطي الزيت بالقدر ومع شوي ملح ونص ماجي وكم حبة هيل واول مايذوب الماجي كبي فوقه الرز وحركيه شوي الين يتشبع زيت

وبعدها كبي فوقه موووويه حاره بس اهم شي لاتكثرين يعني يادوب يغطي الرز وخليه على نار معتدله واذا بدا ينشف قصري عليه ماره

وبـ فنجان قهوه ابدي زيدي موووووووويه يعني قليله وخليه الين يستوي على راحته وانا افضل الرز يستوي وينحط على السفره على

طووووووووول وان شاء الله تزين امووووووووورك

والكبسه نفس الشي لاتكثرين موووووويه الرز الحبه الطويله بسرعه يستوي مايبيله شي علشان كذا لاتكثرين له مويه واذا احتاج زيديه شوي ولاتحركينه (واهم شي على نار هاديه)

وماشاء الله البنات يتفننوووووون بالمنتدى ان شاء الله يفيدونك


ولاتقولين انك فاشله صدقيني مافي احد فاشل بس في تجارب فاشله والحياة تجارب ويوم لك ويوم عليك

انا مرات اخربط ويصير رزي تقل سليق ومرات العكس

موفقه خيتوووو والله يسعدك ويوفقك ويحنن قلب زوجك عليك قولي امين
05-08-1430 هـ, 01:15 مساءً
 
أذا على الرز نقعيه نص ساعه قبل الطبخ واطبخيه بعدين عشر دقايق الى 12 دقيقه ومن ثم طفي عنه وخليه مغطى خمس دقايق وشوفي كيف الحبه طويله ونثريه
05-08-1430 هـ, 01:25 مساءً
 


الساعة الآن 01:00 .