السلام عليكم ورحمة الله وبركاته
خواتي الله يرزقكم ابي طريقة الباجه اللي فيها كراعين وغيره وابي طريقة كبة اليدام (المرق )
وكرات لحم بالبقدونس انا لقيت قلي ابي باليدام تكفون ساعدوني زوجي يحبهم وانا دورت بس مالقيتها قلت القاها عندكم اكيد واكيد الاخت عزيزه عندها الحل طبعا لايهونون الباقين ابي مساعدتكم كلكم بس لاحظت اكثر مشاركات للعزيزه (علشان تتحمسون وتردون علي )انتظر ردودكم باسرع وقت

أنا عندي طريقة الباجا:
أول شي لازم يكون عندج ((كراعين نظيفة ومكسرة أنصاف+كرش نظيف واذا ما لقيتي خبريني وبعطيج طريقة تنظيفة سهلة))
تاخذين الكرش والامعاء وتقطعينها قطع وسط
تحطينها فجدر واسع مع الكراعين وأعواد قرفة وتجلبينها على النار لين ما ينشف الماي عنها
بعدين تكونين مجهزة بصل مقطع 4 أجزاء حوالي 5 حبات +ثوم وتضيفين في القدر وتقلبينه لين يذبل وتحطين عليه كركم وفلفل أسود حب مدقوق خشن وكمية ليمون مجفف منظف ومنزوع الحب والقشر...وبعدين تضيفين ماء لين ما يغطيه وشوي زياده وتسكرين الجدر بالالومنيوم زين ومن فوقه الغطى مال الجدر.. ونسيت أقول آخر شي تحطين الملح قبل ما تسكرينه.....وخليه على نار هاديه لمده بصف ساعة حتى يلين..........وبس ما لازم تقصرين من الليمون المجفف تراه هو اللي يعطي الطعم وضروري تخلينه فترة كافية على النار (((الهاااااديه))).. .........وبالعافية:26 :
اول مساهمه لي و*****الله تعجبك الطريقه

بسم الله الرحمن الرحيم

المقادير : 6 حبات كوارع(كراعين)- 3 حبات لومي أسود- نصف ملعقه وسط كركم وفلفل أسود - 3 حبات طماطم مقطع قطع صغيره - عود دارسين صغير - 5 فصوص ثوم ناعم - 2 بصله صغيره تزال القشره الخارجيه - راس ثوم تزال عنه القشره الخارجيه ويترك كما هو

الطريقه : اول شي تنظف الكراعين جيدا وهذا أهم شي ويزال نصف العظم الموجود على الكرعون . يشق بين إصبعي الكرعون ويزال كيس الشعر الموجود بالداخل وبعدها تشوح الكراعين على النار لإزالة أي شعر متبقي وتغسل مره أخرى جيدا .

يفضل أن توضع الكراعين في وعاء للطبخ تكون فتحته صغيره ( يفضل استخدام الوعاء الخاص بالحليب والذي تكون فتحته صغيره ويسمى بالكويت البستوق) ويضاف الماء بحيث يرتفع عن الكراعين بمقدار 10 سم .

يوضع الكركم والفلفل الأسود والدارسين والبصل والثوم المزال عنه القشره ويرفع البستوق على نار عاليه ويترك الى أن يغلي مدة 10 دقائق ويرفع البستوق ويوضع على شعله صغيره مخففه الحراره الى النص ويترك مدة 4 ساعات.

يضاف الطماط واللومي الأسود ويترك مدة 2 ساعه أخرى .

يضاف الملح حسب الرغبه قبل انتهاء الطبخ بعشر دقائق ويرفع من النار ويوضع الثوم المدقوق ناعما ويحرك المزيج . ويقدم مع خبز التنور
تسلمون وماقصرتوا بس وين الباقين زعلتوني والله00000000


الساعة الآن 02:55 .