وهذي طريقتي في الجريش


المقادير
1 كاس جريش تركي
3 كاس لبن
2 كاس ماء عادي مو حار
بصل كثري شوي
كمون
ملح خشن تقريبا ملعقه صغيره او على حسب اللي ترغبين انتي

حطي البصل والكمون والملح واللبن والماء كله مع بعض وحطيه على نار هاديه وهاتك ياتحريك حركيييه حركيييه ولا تتركينه ابد (عشان ما يقطع معك اللبن ويصير مثل قطع الجبن بينه)وخلال هذي الفتر اغسلي الجرييش وحطيه على جنب الى ان يغلي اللبن واللي معه
واذا غلي وفار فوره حطي الجرييش ووخلييه على نار هاديه وكل فتره وفتره حركيه لاتبعدين عنه الى ان تقريبا يطلع الجريش موب ينشف لا بس يثقل
اذا وصل لهذي المرحله قصري النار وخليها مثل النقط وخليه من ساعتين الى ساعتين ونص بالكثيير ثلاث ساعات بس انتبهي لا يحمر لاني كمية الجريش تحكم مده السوى
يعني على حسب شوفي الجريش استوى وانهرست الحبه في يدك اوانتي حسيتيه استوى
بعدها دقييه وحطي معه سوي سمن وشووي كمون لا تكثرين ودقي دقي

وصلى الله وبارك

وبالعافيه
روحي فداه---ياحبي لك يارب يفرج لك ويجزاك كل خير-الله يرزقك ماتمنين ان شالله تسلمين-
وحده بتسجل الله يجزاك خير----
انا بقولك طريقتي وراح تعجبك وتعتمدينها

مرررررررررره سهله وسريعه ولذيذذذذذذذذذذذ ذذذذذذذه لاتفوتك

المقادير::
كاس الجبن الصغير جريش
نفس الكاس رز مصري
لبن
كمون وفلفل اسود مطحون
ماجي
الطريقه:::
اغسلي الجريش والرز وانقعيهم مع بعض
في قدر الضغط احمسي بصل وزيت نفس كشنة الرز ولما تشقر صفي الجريش والرز من الماء واضيفيه وحركي
ثم اضيفي مويه وكمون وفلفل وماجي وقفلي القدر وخليه 7-10 دقايق وافتحي القدر واضيفي لبن واوزني الملح وخليه شوي الين تحسين انه خلاص تجانس <<الله يالشرح طبعا ماياخد وقت يادوب كم دقيقه
بهالوقت زيني الكشنه
في قدر قطعي بصل واصبع زبده عالنار حتى يشقر البصل حظي ماجي وزبيب وقرنين فلفل وقفلي النار

وهني وعافيه



لا الة الا اللّة


الساعة الآن 02:24 .