شوربة العدس
اسلقي العدس بماء وملح لحد مايستوي وبعدين ع الخلاط مع علبة قشطه تقريبا ( على حسب ذوقك واللون اللي تحبيه)
وبعدين رجعيها عالنار وضبطي ملحها وضيفي لها كمون وبهارات مشكله او هنديه تصير الذ وبس


شوربة كويكر العاديه
حمسي بصل وطماطم مفرومه مع لحمه وبعديت اسلقيها لحد ماتستوي وخذي من موية اللحم
وبالخلاط ضيفي لها كويكر .. رجعيها للنار وضبطي ملحها وكثري فلفل اسود لانه هو اللي يعطي
الطعم الحلو وضيفي بهارات حسب رغبتك وبالعافيه

شوربه بيضاء
اسلقي صدر دجاج لحد مايستوي بعدين نتفيه وخليه على جنب .. احمسي ملعقة دقيق مع شوي زبده
لحد مايتجانس كويس بعدين صبي عليها تقريبا ربع الى نص كاس حليب على ذوقك يعني
واضيفي لها موية الدجاج وملح وبهارات
واذا غلت طفيها واضيفي الدجاج المنتف وممكن تضيفين ذره او فطر حسب الرغبه

وبالعافيه عليكم
11-08-1430 هـ, 12:49 صباحاً
 
السلام عليكم ورحمة الله وبركاته.. مشكوورة اختي على الموضوع الاكثر من رائع ..

بالنسبة لي دائما في رمضان اسوي الشوربة البيضاء بالدجاج والجزر وهي كالاتي :

اولا: نجهز الدجاج ونسلقه مع قطع بصل كبيرة وحبتين اوثلاث قرفة وكم حبة فلفل اسود

الى ان تصبح الدجاجة نصف استواء ثم اطلع الدجاج في صحن واصفي الموية من البصل والقرفة والفلفل

الاسود في قدر ثاني واكون مقطعة بصلة الى قطع صغيرة واكون باشرة جزرة او جزرتين ماكثر جزر

علشان يكون نكهه بس والدجاج الي طلعتة من القدر افتته بايدني يعني اوخر العظم منه واخليه كانه

خيوط<<< ان شاء الله فهمتوا قصدي .. بعد كذاأحط شوي زيت في قدر جديد واضيفله البصل واحركه

الى ان يذبل بعد كذا أضيف الجزر المبشور والملح واحركه وبعد كذا اضيف الدجاج واحركه مع

المكونات بس ماخليه يصير اشقر او يحترق واضيف بيالة موية واضيف ثلاثة او اربعة ملاعق شوفان

واحركة مع الكشنة شوي بعد كذا اضيف موية مناسبة واتركة الى ان يستوي واذا جهزت الشوربة احط

شوي بقدونس فوقها وبسسس ..
11-08-1430 هـ, 12:58 صباحاً
 
11-08-1430 هـ, 01:02 صباحاً
 
يعطيكم العاافيه حبيبااتي وياليت اذا مااعليكم كلافه تنزلون طرق للشوربات ثاانيه وانا لي رجعه معاكم بطريقة شوربه
11-08-1430 هـ, 01:06 صباحاً
 
مشكورين على الموضوع
11-08-1430 هـ, 01:08 صباحاً
 


الساعة الآن 10:08 .