نفس حالتي بس الفرق أنها جارتك لكن أنا جدتي نفسي أسوي زيها بس عجزت
جدتي ماشاء الله تسوي الرز العادي (الرز الأبيض مع اللحمة )ب دون أي بهارات لا هيل ولاقرنفل ولاشي ماشاء الله يطلع طعمه يجنن عليها نفس في الطبخ روعة وأعتقد السبب لأن البدو يعرفون قطع اللحم والشحم المناسبة عندهم خبرة يعني ماشاء يطلع لادسم زايد واللحم مستوي وطعمه روعة
أما الكبسة دايما جدتي تقولي إذا تبغينها تطلع حلوة بعد ماتكشنين البصل والطماطم وتحطين عليها البهارات حطي عليها شوية موية وبعدين غطي القدر عشان تبان النكهة
واللحمة لازم تطبخ زين والملح أخرشي تحطينه
إن شاء الله أكون أفدتك
12-08-1430 هـ, 07:56 صباحاً
 
"حبيبتي الغاليه"
طاالماا هي جاارتك "الرسول صلي الله عليه وسلم"((وصى على سابع جار))
اتعرفي عليهاا وخذي الطريقه منهااا ماافي اي شئ
12-08-1430 هـ, 09:34 صباحاً
 
هلااااااااااااا اختي
تفضلي هنا بالرد الاول

http://forum.hawaaworld.com/showthre...811912&page=13
08-09-1430 هـ, 09:48 صباحاً
 
تفضلى اختى ..هذى طريقة طبخ عيش البدو ..من منتدى اماراتى...

5 بصلات مقطعين مكعبات بس مب وايد كبار ..
ملعقة طعام بهارات عيش البدو)
2 حبه ليمون يابس - مكعبين ماجي - كسبره مفرومه شوي
زيت نور أنا أستخدم لأنه أحسن أنواع الزيت ..
وشوي ملح وشوي فلفل أسود ونسيت أصور لكم الفلفل الأخضر بعد حبتين ...





وطبعاً هالعيش مع الدياي .... الدياي شرات ما تشوفون بالصوره انبهره ببهارات أنا اشتريتها بعد من عند
الأخت ( بنت الطموح ) وهي بهارات لقلي الدجاج ... وبعد ما انبهره نخليه بالثلاجه ساعه أو ساعتين
ومن بعدها نطلعه ونقليه بالزيت بس ...



أول شي نقلي البصل بالزيت على نار هاديه ...



وبعد ما يحمر شوي البصل نضيف عليه ملعقة طعام بهارات عيش البدو ونقلب البصل ..
هالطريقة أحسن طريقة عشان تبين ريحة البهارات بالأكل إنج تقلينها مع البصل .. أنا دايماً أسوي
جي بأكلي ..



وبعدين نضيف باقي المكونات ( الماجي واللومي اليابس والفلفل والملح والكسبرة ) ونقلب



بعد شوي من التقليب نضيف العيش عليه أنا أستخدم عيش ( إنديا جيت ) بوابة الهند ما أستغنى عنه



طبعاً بعد ما أضفنا العيش نقلب كل الخلطه مع بعض مثل ما انتوا شايفين بالصورة ..



طبعاً بعد ما قلبنا أنا الصراحه أضفت ماي بس كنت مفورة فيه ديايه عسب كنت بسوي فطاير
فقلت بدل ما أصب ماي عادي بصب ماي مال الديايه ألذ وأطعم ...



وأكيد نقلب الخلطه .. الماي لين يغمر العيش ما نترسه ماي عشان لا يخترب العيش ..
وبعدين إذا حسيتي انه محتاج ماي زيديه مب مشكله ...



للاخت ام عذبه ......للامانه يجب نسبه للمصدر
08-09-1430 هـ, 11:20 صباحاً
 

وعليكم بالعافيه ... وجربوها صدقوني رووووووعه ... وادعولي

فيه وحده بدويه قالت لى اهم شى الكزبره..والبهارات..تطلع نكهه وريحه عجيبه

اتمنى اكون افدتك...........ددددعواتك
08-09-1430 هـ, 11:26 صباحاً
 


الساعة الآن 08:47 .