Analysis Services
السلام عليكم

بنات الله يعافيكم ابي طريقة عمل الشوربه << شوربة كويكر العاديه>>
يمكن تنقدون علي بس جد ماعرف الطريقه ولا ابي اسال احد من اللي عندي
ودي اسويها بكره علشان امي تنبسط مني لانها تقول ماتعرفون تسوون شي بلييييييييييييييييييز

وبرضو ابي طريقة اللقيمات ودي اتعلم اسويها من الحين علشان اضبطها برمضان
الله يجزاكم خير
12-08-1430 هـ, 04:00 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
رفع لعيونك
01-09-1431 هـ, 04:33 صباحاً
 
اهلين عزيزتي ...

انا باقولك طريقتي في عمل الشوربة وترى طريقتها باللحم او بالدجاج وحدة <<<< احلفي

وبما اني احب الشوربة بالدجاج باعطيك الطريقة بالدجاج


المقادير ....

دجاجة مقطعة صغير

حبتين طماطم معصورة ( متوسطة الحجم )

بصلة متوسطة الحجم ( مقطعة قطع صغيرة )

3 فصوص ثوم مدقوق

ملعقتين صلصة ( حسب الرغبة )

ملح - بهارات الشوربة - خولنجان (اهم شي للشوربة ) -ليمون اسود حبتين

الطريقة :-


-اول شي نظفي الدجاج كويس وشيلي الجلد ( لاني ما احبه ) وغسليه بالماء والدقيق وشطفيه كويس

بالمويه وبعدين قطعيه قطع صغيرة

-نجيب القدر ونحطه ع النار ونحط البصل والزيت ونحمسه ع النار الين يذبل

-بعدين نضيف الدجاج ونحمسه الين يتغير لونه شوي

-بعدين نضيف الطماطم والثوم والصلصة ونحركه شوي ونضيف الملح والليمون الناشف والبهارات ويفضل ان

تكون حبوب وتضعينها في صفاية البهارات ( مدري وش اسمها ) واذا ما توفرت عندك حطيها في شاشة

نظيفة وبعدين حطي الخولنجان وبعدين المويه المغليه واتركيها 10 دقايق تطبخ وبعدين حطي الكويكر واتركيه

لمدة 10 دقايق او ربع ساعة ..


وبالعافية عليكم .



01-09-1431 هـ, 05:16 صباحاً
 


الساعة الآن 10:41 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏