زوجي واهلي

السلام عليكم

بنات ضايق صدري بالحيل وحبيت افضفض شوي

انا تزوجت وكانت علاقة زوجي بااهلي زينه وبعد فتره صارت مشاكل بيننا اهلي غلطوا عليه واهله غلطو عليه

تعرفون انتم وقت الغلط الكل يتكلم المهم رجعت المياه ورجعت لزوجي بس تغير 180 درجه مع اهلي

والله يابنات لي تقريبا 8 شهور من رجعت ولا عمره دخل بيتنا بس يسلم من عند الباب ويروح وانا عشان مااسبب

حساسيه بين اهلي وبينه كل مره اختلق عذر له عشان مايزعلون اهلي بنات وش اسوي

بالرغم من ان اهله غلطوا علي كثير بس عادي رجعت عندهم وزرتهم واروح واجي معهم

تكلمت معه اكثر من مره عجزت اعرف وش السبب باانه مايبي يدخل عند اهلي زوجي غامض

جيته بالكلام الحلو ولا نفع جيته بالخصام ولا نفع قلتله شوفني انا كيف اعامل اهلك سوي مثلي ولا فاد

قلتله اذا تحبني زور اهلي ولا فاد يقولي انا مااكرهم بس ماابي ادخل لاتجبريني

والله يابنات اني قلتله بقطع اهلك مثلك وقطعتهم فتره ولااهتم يقولي حريه شخصيه مابجبرك تزورينهم

وش باقي اسوي معه معاد لقيت اعذار لاااهلي تفشلت منهم

اخر مره جبرته يدخل واحرجته قدامهم والله يابنات زعل وطلع من البيت ولا رد على اتصالي ويوم رد قالي انتي احرجتيني قدامهم وهاوشني

وقت ابوه عرف قالي وانتي وش عليك وش دخلك فيه يدخل او لا خليه براحته وقالي انتي اكيد براسك شي

تبين تسوينه وماعرفتي تقولينه فهمت منه اني انا ابي اترك زوجي ومالقيت الا هالعذر بالله وش هالتفكير

:44:


بنات وش اسوي ضايق صدري وربي تعبت اهلي ولا زوجي صعبه اشوفه مايزورهم

المشكله زوجي ماشالله متدين جيته حتى بالاحاديث ولا فاااااااااد

وش اسوي دلوني