هلاااااااا صديقاتي


كيفكم ؟



اليوم كنت بمكتبة العبيكان اللي بطريق الملك فهد ، كنت ابغى لي كتاب طبخ حلو يفيدني برمضان ، خبركم شهر الصوم بس حنا مخلينه شهر الاكل الله لا يغضب علينا بس

وقعدت أتصفح هالكتب ابغى لي شي يكون مميز ، والمشكلة مافي شي تحسينه جديد ومميز !
كله مكرر او اخراجه تعبان
وفيه كتاب ما ادري وش يبغى حاطين ترجمه أندونيسيه

يعني بصراحة مدري وش يحسونا ؟

لكن بصراحة .. فيه كتاب لفت نظري مره مره وحبيته من اول صفحه لاخر صفحة
اسمه موائدي
والمؤلفة اسمها أميره العبيد


الكتاب اول شي فيه تجديد وابداع من كل النواحي
اطباقه جديده مره وحلوة
ومافيها اطباق جريش ومرقوق اللي نعرفها من سنة جدتي حصة

لا فيه اطباق لبنانية وايطالية وصينية وفيه اطباق للفطور وللمشاوي
وفيه اقسام اطباق للاطفال باشكال حلوه مره
وقسم لتزيين الفواكه باشكال حيوانات مااارا تجنننن

ومو بس كذا ، فيه بعد افكار جديدة بتزيين الموائد
والمؤلفة تشرحلك شلون تزينين المائدة
وبالعربي والانقليزي للخدامات

وكله بالصور
والكتاب مره فخم صراحة شريت نسختين
واحد لي وواحد لامي
يسلم ايدينها هالبنت

عاد لقيت له صور من موقع النيل والفرات قلت اجيبها لكم تشوفونها


هذا الفهرس





وهذي صوره لتزيين المائدة السعودية



وهذي مائدة الفطور ومائدته


وهذي للاطباق الصينيه






وهذا طبق






جدا ذويقة هالمؤلفة والكتاب يستاهل فيه كل قرش



انتم علمونا تجاربكم مع الكتب ؟
وش احلى كتاب طبخ بمكتبكم ؟
يارب احفظ لي امي وزوجي






لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ليش ياويلكم من الله ما احد رد علي

ولا عشانها اول مشاركاتي وانا الجدار الطمين هنا

طيب ولو جبر خاطر حرام عليكم
يارب احفظ لي امي وزوجي






مشكوره

وانا نفس الشي محتاسه وودي بكتاب طبخ سنع

وما زال البحث جاري

إلا اقول بكم اشتريتي الكتاب
يارب فرجك بتسهيل اموري
مشكورة 000
صراحة انا مااشتري كتب دائما افكاري من النت 000
اقتباس مشاركة  (ينابيع الجنة)
مشكوره

وانا نفس الشي محتاسه وودي بكتاب طبخ سنع

وما زال البحث جاري

إلا اقول بكم اشتريتي الكتاب
هلا اختي


شريته ب 125
يارب احفظ لي امي وزوجي








الساعة الآن 08:19 .