مرحبا بنات

الله يخليكم ساعدوني انا انسانه مسرفه جدا

انا موظفه وراتبي ولله الحمد 23 الف يعني فيه خير الحمدلله

بس مشكلتي والله انه ما يبقى معي حتى 500 ريال لآخر الشهر لازم ارجع واخذ من عند امي وابوي مع اني متزوجه

وعندي ولد بس ما اقدر اخذ من زوجي لاني انحرج منه هو يدرس في الخارج ومعظم وقته يكون مسافر يدرس ويادوب

تكفيه مصاريف الدراسه والسكن والطباخ وغيره

بس اللي قاهرني ان راتبي مو شوي وما عندي غير هالولد صحيح الشغاله علي بس الدريول عليه حتى ما اقدر ادفع

راتب الدريول...

انا موب عارفه انظم نفسي احس بتشتت كبير شوفو تاريخ اليوم معاد بقى لي في الرصيد غير 8000 ريال بس

والله اني مستحيه من اهلي وخجلانه كثير من نفسي

ساعدوني كيف ارتب اموري؟؟؟؟؟؟؟؟؟؟؟؟؟؟؟
lمن جدك ولا تمزحين
انالوعندي هاالرتب اوفرثلاث ارباعه
لا تطلعين السوق وبس وانتي بتوفرين
واذا بغيتي شي مهم اكتبيه في ورقه في البيت واذا طلعتي اشتريه وبس لا تلفين مني ولا مني
او حطي في مخك انك مدينه شخص مبلغ وانك لازم تردين له كل شهر خمسه الف وحطي هل مبلغ في حصاله وبتوفرين
هذي الحلول الي عندي

ان شاالله اكون افدتك
1323615668111366
شوفي أنا أمي جربت الفكره هذي ومشت معاها
سوي أستقطاع من الراتب على حساب ثاني ماله بطاقه
يعني ماتقدري تطلعي الفلوس إلا إذا رحتي للبنك
سويه مثلا بمبلغ 5 آلاف شهري
وبعد كم شهر راح يكون عندك مبلغ محترم إن شاء الله
وشغليه بشي يدخل عليك ويبقى لك وللزمن

الله يوفقك
يـارب
أنت عالم وقادر
اللهم إني أسألك صـبراً لا نسـيان فيه
اللهم إن كان لي عـوض عـلى صـبري
فاجعل اللهم عـوضي فيه


كل من تقع عينها على توقيعي تدعي لي بالذريه الصالحه
في هذه الايام الفضيله فقدت 3 واسأل الله العوض بالحمل التام
1- اختي كل ما جيتي تسرفين تذكري الايه (ولا تجعل يدك مغلولة الى عنقك ولا تبسطها كل البسط فتقعد ملوما محسورا)

نهى الله عن البخل وعن الاسراف

شوفي اختي كيف وصف الله المسرف عاقبته انه يكون ملوم محسور اعرف واحد كان زمان تاجر مره بس كان مسرف مره وسبحان الله اخر عمره صار فقير ويعطونه الناس من الزكاة والحين مات الله يرحمه


2 - تذكري الاية( ان الله لا يحب المسرفين) هل ترضين انك تخرجين من محبة الله


3- الصدقه سبحان الله لها اثر عجيبب في حلول البركة في الراتب ومن ذلك قصص كثيرة يطول الوقت في ذكرها ما عليك الا ان تضغطي قوقل ويطلع لك البركه في الراتب.
خواتي تكفون لا تزيدوني حسره انا بروحي متلومه ومنحرجه من نفسي

انا ما اقصر في شيء ومن ناحية الصدقات والزكاة لا تحاتون هالامور بس بعد ما يبقى عندي شيء


انا قاعده احاول اتغير

واطلب منكم طرق تفيدني لو ما اني حاسه ان هالشيء موب عدل ما كان طلبت المشوره منكم

وبإذن الله نويت اسوي طريقة اني افتح رصيد بالبنك للتوفير

وبعد بغيت منكم افكار الله لا يهينكم

وتسلمون فديتكم ع الردود


الساعة الآن 03:44 .